Ikasle ohi batek 10 pertsona hil ditu tiroz Austriako eskola batean
Gutxienez 8 ikasle hil ditu gizonak (21 urtekoa). Ondoren, bere buruaz beste egin du.
Hogeita bat urteko gizon bat tiroka sartu da gaur Graz hiriko (Austria) eskola batean, eta 10 pertsona hil ditu, tartean gutxienez 8 ikasle.
Austriako Barne Ministerioak prentsaurrekoan baieztatu duenez, ustezko erasotzaileak bere buruaz beste egin du hilketak gauzatu eta gero. Zentro horretako ikasle ohia zen.
Oraindik ez dago argi zer dela eta egin dituen hilketak, eta Barne ministroak eta agerraldi horretan parte hartu duten poliziek ez dute horri buruz espekulatu nahi izan. Dena dela, Austriako hedabideek aurreratu dute hiltzailea eskola-jazarpenaren biktima izan zela.
Erasoa 10:00ak aldera gertatu da 14 urtetik gorako ikasleak hartzen dituen bigarren hezkuntzako ikastetxe batean
Christian Stocker kantziler federalak adierazi du gaurkoa "egun beltza" eta "tragedia nazionala" izan dela. Horrenbestez, dolua ezarri du, hiru egunez.
Gainera, bihar, asteazkenea, minutu bateko isilunea egingo da herrialde osoan, 10:00etan, gertatutakoa gaitzesteko.
Austriako Gobernuak telefono zenbaki bat eta plataforma digital bat jarri ditu biktimen senideen esku, informazioa lor dezaten.
Agintariek dei egin dute, erasoaren irudiak sare sozialetan zabal ez daitezen.
Zure interesekoa izan daiteke
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.