Israelek Gazan hildako palestinarrak ia 56.000 dira dagoeneko
Gainera, Israelgo Armadaren erasoek 131.559 pertsona zauritu dituzte jadanik. Gazako agintariek ia 40 hildako baieztatu dituzte gaur, tartean 17 pertsona, laguntza eske zihoazenean tirokatuta.
Jabaliako laguntza banaketa eremu batean tirokatutako palestinarretako bat. Argazkia: EFE
Komunikabideek eta nazioarteak arreta Israel-AEB blokearen eta Iranen arteko gatazkan jarri duten bitartean, sarraskiak ez dute etenik Gazako Zerrendan. Bertako agintarien arabera, Israelgo Armadak 55.000 palestinar hil ditu 2023ko urriaren 7tik.
Gazako Osasun Ministerioak ohar batean azaldu duenez, "Israelen erasoen balantzea 55.998 hildakora eta 131.559 zauritura igo da 2023ko urriaren 7tik". Gainera, azken 24 orduetan, Israelgo tropen erasoen ondorioz 39 hildako eta 317 zauritu izan direla baieztatu du.
Israelgo indarrek lau gazatar hil dituzte gaur, Al Hidaya meskitatik gertu, Khan Yuniseko ipar-mendebaldean, dauden errefuxiatuentzako kanpin-dendak bonbardatu ostean, Wafa Palestinako albiste agentzia ofizialaren arabera.
Halaber, zehaztu dute azken egunean ospitaleetara iritsitako biktimen artean 17 hildako eta 136 zauritu daudela, eta Israelgo indarrek eraso egin dietela laguntza humanitarioa emateko eremuetara sartzen saiatzen ari zirenean.
Nahiz eta Gazako Fundazio Humanitarioak (GHF, ingelesez) "akusazio faltsutzat" jo dituen eraso horiek, Gazako buruzagien arabera, ia egunero gertatzen dira, eta maiatzaren amaieratik gutxienez 450 pertsona hil eta 3.400 zauritu dituzte testuinguru beretsuetan, Palestinako Osasun Ministerioaren datuen arabera.
Bestalde, zehaztu du gutxienez 5.685 pertsona hil eta 19.518 zauritu dituztela martxoaren 18tik, Israelek Hamasekin urtarrilean hitzartutako su-etena hautsi zuenetik. Gainera, gogorarazi duenez, larrialdi taldeak ezin dira iritsi gorpuak dauden eremu batzuetara.
Palestinari babesa adierazteko martxa ostegunean, Bilbon
Bestalde, Begirune, CEAR Euskadi, CVX Arrupe Elkartea, Gernika Palestina, Ongi Etorri Errefuxiatuak, Pertsonalde eta Zehar Errefuxiatuekin gobernuz kanpoko erakundeek "herritarren martxa handia" antolatu dute ostegunerako, Bilbon, "kaleak bete" eta "palestinar herriaren genozidioa lasai, baina irmo" salatzeko. Mobilizazioa 19:00etan abiatuko da Moyua plazatik udaletxerantz.
Prentsaurreko bateratu batean, erakundeek ohartarazi dute "Gazako egoera jasanezina" dela eta haurrak "goseak jota" hiltzen ari direla.
Juan Luis Ibarra bozeramaileak gogora ekarri du "aste honetako" irudi bat, non "gosearen ilaretatik" eta lurra ahora eramanda, haur batek "Gazako Zerrendan dauden herritarrak gosez hiltzen ez uzteko" eskatu duen.
Zure interesekoa izan daiteke
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta erakutsitako ausardia eskertu die
AEBko presidenteak tripulazioarekin hitz egin zuen Ilargiaren aurpegi ezkutua behatu ondoren, egindako misio historikoagatik zoriontzeko. "Gaur historia egin duzue eta harrotasunez bete duzue Amerika osoa, harrotasun ikaragarria", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.