Sanchezek berretsi du Espainiak ez duela BPGaren % 2,1 baino gehiago Defentsara bideratuko
Mark Rutte NATOren idazkari nagusiak berak onartu du Espainiarekin "ados daudela ados ez daudela esatean" Defentsara bideratutako gastua igotzea dela eta.
Pedro Sanchez Espainiako Gobernuko presidentea, Hagan (Herbehereak). Argazkia: EFE
Pedro Sanchez Espainiako Gobernuko presidenteak "arrakastatsutzat" jo du NATOren aliatuek itxitako akordioa, eta berretsi egin du Espainiak BPGaren % 2,1 gastu militarrera bideratuko duela. Gainera, Alberto Nuñez Feijoo kritikatu du, PPren buruzagiak % 5eko konpromisoa onartuko zuelakoan, eta haren ustez, "hanka-sartze handia" izango litzateke.
Hagako goi-bilera amaitutakoan emandako prentsaurrekoan, Sanchezek berretsi du Espainiak bere bideari jarraitu ahal izango diola, nahiz eta buruzagiek sinatutako behin betiko dokumentuak 2035ean % 5era iristeko konpromisoa jasotzen duen.
Goi-bileran hainbat estatuk Espainiaren jarrera kritikatu dute. Izan ere, batzuek eta besteek esana dute aliantza barruan ez dagoela salbuespenik eta guztiek gastu bolumen hori errespetatu beharko dutela. Gauzak horrela, Sanchezek berretsi du NATOk eskatzen dituen gaitasun militarren konpromisoak soilik beteko dituela, baina inolaz ere ez BPGaren araberako portzentajeari erreparatuta.
Hala ere, Sanchezen ahotan, akordioak "estatu kide guztiak asebetetzen ditu", NATO "batuago" atera da goi-bileratik eta Europaren eta Ameriketako Estatu Batuen arteko harreman transatlantikoa "indartu" da.
Espainiako gobernuburuak onartu du ez duela Donald Trump AEBko presidentea aurrez aurre agurtzeko aukerarik izan. Goi-bileraren atarian, Espainia NATOrentzat "arazoa" zela esan zuen Trumpek, aipatutako neurria onartzeari uko egiten diolako. Espainiako gobernuburuak AEBko agintariak egindako kritikei erantzun die: "Espainia konponbidea da, sekula ez arazoa".
Horren ildotik, Sanchezek bere jarrera defendatu du. Are, ziurtatu du gastu-muga horretara iristea onartu izan balu, datorren hamarkadan "300.000 milioi euro baino gehiago" bideratu beharko lituzkeela, eta baliabide horiek "klase ertainari zerga handiagoak" ezarriz eta zerbitzu publikoetan "murrizketak" eginez lortu beharko liratekeela.
"Gaur egun beste inor izango balitz Gobernuko presidente, Espainiak BPGaren % 5a sinatuko luke, seguru nago, eta hori hanka-sartze handia izango litzateke", erantsi du.
Bestalde, Mark Rutte NATOren idazkari nagusiak onartu du Espainiarekin "ados dagoela esatean ez daudela ados" Defentsarako gastua handitzea dela eta.
"BPGaren % 2,1ekin helburuak lor ditzaketela uste dute; NATOk dio % 3,5 izan behar duela, beste aliatu guztientzat bezala", adierazi du Ruttek goi-bileraren ostean egindako prentsaurrekoan.
Nolanahi ere, aliatu guztiek babestutako gastu-igoerari buruz Espainia serio ari ote den galdetuta, Ruttek esan du: "Bai, hala uste dut".
Podemosek ez du Sanchezek esandakoa sinesten
Ione Belarra Podemosen idazkari nagusiak "gezurrarekin aurrera egitea" leporatu dio Espainiako Gobernuko presidenteari; izan ere, NATOko buruzagiek sinatutako agiriak % 5era igotzeko konpromisoa dakar, eta Espainiak BPGaren % 2,1 bideratuko duela esaten du.
"Nire amonak esango lukeen moduan: Gobernuko presidenteak esan dezala nahi duena, baina dokumentuak badakar Espainia konprometitu egin dela Defentsarako gastua BPGaren % 5era igotzera", adierazi du Kongresuan.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.