Israelgo Armadak gutxienez 33 pertsona hil ditu, tartean kazetari bat, Gaza Hiriko hondartzaren ondoan
Israelgo ehiza-hegazkinek Al Baqa kafetegiari eraso diote, eta berriz ere sarraskia eragin dute. Ismail Abu Hataben heriotzarekin, 228 kazetari hil ditu dagoeneko Israelek Gazaren aurkako erasoaldi militarra abiatu zuenetik.
Al Baqa kafetegia, Gaza Hirian, hondartzaren ondoan. Argazkia: EFE
Israelek gutxienez 33 palestinar hil ditu, tartean Ismail Abu Hatab kazetaria, Gazako mendebaldean egindako aire eraso batean, osasun iturriek jakitera eman dutenez.
Konkretuki, Israelgo ehiza-hegazkinek Al Baqa kafetegiari eraso diote, Gaza Hiriko hondartzaren ondoan, eta berriz ere eragin dute sarraskia. Mustafa Abu Omeira, Hisham Aiman Mansur, Hosam Mansur eta Omar Zeno ekintzailea identifikatu dituzte biktimen artean, Palestinako Sanad albiste agentzia jakinarazi duenez.
Zaurituen artean dozenaka zibil daude, eta kazetari palestinar ezagun bat, Bayan Abu Sultan, Instagramen 250.000 jarraitzaile dituena. Lekukoen arabera, eraikinaren ondoan edateko ura banatzeko zisterna-kamioi bat zegoen aparkatuta, eta dozenaka pertsona, gehienak adingabeak, ilaran zeuden, ontziak betetzeko zain.
Zerrendako Gobernuak erasoa gaitzetsi du, eta Kazetarien Nazioarteko Federazioari, Kazetari Arabiarren Federazioari eta munduko herrialde guztietako prentsa askatasunaren aldeko erakunde guztiei eskatu die berriemaileen aurkako "krimen sistematiko" horiek gaitzesteko.
Nolanahi ere, Israeli, AEBri, Erresuma Batuari, Alemaniari eta Frantziari erantzukizuna egotzi die, "genozidio krimenean parte hartzeagatik".
Abu Hataben heriotzarekin, 228 kazetari hil ditu dagoeneko Israelek Gazako Zerrendaren aurkako erasoaldi militarra abiatu zuenetik.
Abu Sultan odoletan, baina bizirik
Bayan Abu Sultan kazetari palestinarra Israelek Gazan prentsaren aurka egindako erasoen irudi bihurtu da gaur: Gaza Hiriko hondartzan atseden-gune horren aurkako bonbardaketatik bizirik atera da, eta bere argazki bat zabadu da sareetan, odoletan zegoela.
Irudian, kazetari independente gisa lan egiten duen eta X sare sozialean 100.000 jarraitzaile baino gehiago dituen gaztea ageri da, aurpegia eta sorbalda odolez beteta dituela, erasotik bizirik atera ondoren.
Unibertsitateko ikasle asko ere bertan ziren erasoaren unean, Interneteko konexioa aprobetxatzeko hurbiltzen baitira inguru horretara, Mohamed Abu Selmiyeh Al Xifa ospitaleko zuzendariak azaldu duenez.
Duela bi egun, ekainaren 28an, Abu Sultanek X sare sozialean idatzi zuen: "Hiltzen garenean, ez gara arrotz sentituko. Alderantziz, etxekotasunak bahituko gaitu jadanik abiatu diren gure senide guztiekin topo egitean. Zenbat daude han? Zenbat geratzen dira hemen?"
Iazko martxoan, kazetari eta influencerra albisteen protagonista bilakatu zen honakoa txiokatu eta egun batzuetara desagertu zenean: "Israelgo indarrek nire anaia bakarra hil dute nire begien aurrean".
Mezu hori argitaratu eta hamar egunera, hainbat kazetarik haren kokapenari buruzko informazioa eskatzeko egindako deien ondoren, Abu Sultanek berak X sare sozialean zabaldu zuen mezua: "Bizirik atera naiz", idatzi zuen.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.