Salvini berriro epaituko dute, errefuxiatuz betetako Open Arms ontzia 2019an Lampedusan porturatzea eragozteagatik
Matteo Salvini Italiako lehen ministrordea berriro epaituko dute 2019an Lampedusako migazio krisiaren kudeaketagatik; izan ere, hainbat astez eragotzi zion errefuxiatuz betetako ontzi bati Mediterraneoko uhartean porturatzea, eta, ondorioz, iazko azarora arte auzipetuta egon zen.
Palermoko auzitegi batek absolbitu egin zuen orduko Barne ministroa. Fiskaltzak gaur aurreratu du helegitea aurkeztuko duela, eta orain auzia Auzitegi Gorenaren esku geratuko da, epaiketa berriaren data zehaztu arte.
Open Arms gobernuz kanpoko erakundearen ontzia Lampedusa uhartearen aurrean zegoen, 160 pertsona migratzaile baino gehiagorekin, baina ez zioten porturatzen utzi, Fiskaltzak hala erabaki zuen arte, Salviniren jarreraren aurka.
Salvini Giorgia Meloni lehen ministroaren Gobernu ultrakontserbadorearen hiruko koalizioaren aurpegi ezagunenetako bat da, eta Garraio eta Azpiegitura ministro ere bada.
Hain zuzen ere, Melonik "jazarpen surrealistatzat" jo du Palermoko Fiskaltzak Salviniren absoluzioari Auzitegi Gorenean helegitea jartzeko erabakia, Open Arms ontziaren blokeoagatik. Gobernuz kanpoko erakunde horrek, aldiz, "konfiantza osoa" agertu dio Justiziari.
Salvinik lehen ministroaren babesa eskertu du eta bere defentsa berretsi du: "Italia eta bere mugak defendatzea ez da delitua. Hilabete edo urte gehiagoko epaiketak? Aurrera jarraitzen dut, burua tente, nire eginbeharra bete izanaren ziurtasunarekin, inolako beldurrik gabe".
Bestalde, Oscar Camps kataluniarrak, Open Armsen sortzaileak, adierazi duenez, "gertakariak oso ondo berreraiki ziren lehen auzialdian. Konfiantza osoa dugu Fiskaltzaren lanean. Prozesuan parte zibila izaten jarraitzen dugu: auzi honen hasieran aurkeztu ginen, eta ez dugu amore emateko asmorik".
Salvinik, orduan Barne ministro zenak, 20 egunez Open Arms itsasontziak erreskatatutako 147 pertsona migratzaile lehorreratzea galarazi zuen, Agrigentoko fiskalak porturatzea baimendu zuen arte, erreskatatuen egoera egiaztatu ondoren.
2024ko abenduan Palermon egindako epaiketan, Salvini absolbitu egin zuten. Fiskaltzak 6 urteko espetxe-zigorra eskatu zuen.
Zure interesekoa izan daiteke
% 45,51ko parte-hartzea 16:00ak arte Portugalen, bi hamarkadatan izan den handiena
Azken hauteskunde lehiatuenetarikoa da gaurkoa, hiru hautagai ia berdinduta baitaude inkestetan. Datuak berretsiko balira, bigarren itzulira joan beharko lirateke hautagaiak.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera dute arratsaldean, muga-zergei eman beharreko erantzuna adosteko.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.
Trumpek ezarritako muga-zergei "erantzun bateratua" eman nahi die EBk
Antonio Costa Europako Kontseiluko presidenteak adierazi duenez, Europak "oso jarrera irmoa izango du beti nazioarteko zuzenbidearen defentsan, edonon dela ere, eta, jakina, EBko estatu kideen lurraldetik hasita".
Netanyahuk dio AEBk ez zuela Israelekin koordinatu Gazarako Batzorde Exekutiboaren iragarpena
Ohar batean, tonu kritikoan hitz egin du AEBko Administrazioari buruz. Dena den, ez du sakondu Israelgo Gobernuak AEBeko presidenteak iragarritako zerrendarekin dituen desadostasunen inguruan.
Milaka lagun kalera atera dira Danimarkan eta Groenlandian Trumpen asmoen kontra protesta egiteko
Milaka pertsona bildu dira eguerdian Kopenhageko udaletxearen aurrean, eta protestak izan dira Aarhusen, Aalborgen, Odensen eta Koldingen. Arratsaldean beste manifestazio bat egin dute Groenlandiako hiriburuan, Nuuken.