GAZA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Laguntza jasotzeko zain zeuden 81 gazatar hil ditu Israelek, eta ebakuazio behartua agindu du

900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.

GAZA (---), 19/07/2025.- Internally displaced Palestinians gather outside a charity kitchen to receive limited food rations amid the lack of food availability, in Gaza City, 19 July 2025. EFE/EPA/HAITHAM IMAD

Hainbat pertsona Gazan, janaria jasotzeko zain. Argazkia: EFE

author image

Agentziak | EITB

Azken eguneratzea

Israelgo tropek 81 gazatar hil dituzte igande honetan, kamioiak iritsi zain zeuden pertsona talde baten aurka tiro eginda. Horietako gazatar gehienak iparraldean hil dituzte, eta beste batzuk Rafahen, banaketa guneetatik gertu.

"Banaketa guneetan laguntza humanitarioa espero zuten 81 gazatar gosetu hil dituzte gaur (igandea), horietako 67 Gazako Zerrendaren iparraldean, eta beste 150 zauritu baino gehiago utzi dituzte, horietako batzuk oso larri", Osasun Ministerioak ohar baten bidez jakitera eman duenez.

Horrelako gertaera hilgarriak egunero errepikatzen dira; izan ere, Gazarako Fundazio Humanitarioa (GHF, ingelesez) bezalako erakundeek elikagaiak oso modu mugatuan banatzen dituzte gune militarizatuetan, tropa israeldarrak handik bi kilometro eskasera jarrita, eta, Haaretz hedabide israeldarrak berriki egindako ikerketa baten arabera, palestinarrei tiro egiteko aukera dute jendea sakabanatze aldera.

Pertsona batzuk Gazan janaria jasotzeko txandaren zain daude. Argazkia: EFE

Larunbat honetan, gutxienez 32 palestinar hil dituzte antzeko egoera batean. Israelgo Armadak baieztatu du tiro egin eta "ohartarazpen-tiroak" jaurti dituela.

Testuinguru horretan, 900 pertsona baino gehiago hil dira Gazan elikagaiak lortzen saiatzen ari zirela; gehienak GHF erakunde pribatua jarduten duen inguruetan, Nazio Batuek gidatutako ohiko operazio humanitarioak eragozteko.

GAZA (---), 19/07/2025.- Palestinian child Yazan Abu Foul, aged two, is cared for by his mother Naima, as he suffers from severe malnutrition due to the acute shortage of food caused by the blockade imposed on the Gaza Strip and the closure of border crossings, in Al-Shati refugee camp, west of Gaza City, 19 July 2025. Yazan lives in harsh environmental and health conditions, with his family lacking the basic necessities of life amid a worsening humanitarian crisis. According to medical sources, the child’s health continues to deteriorate due to the lack of proper nutrition and necessary medical care. Humanitarian organizations have warned of an imminent food catastrophe threatening the lives of thousands of children in the besieged Gaza Strip, this situation coming at a time when Gaza’s residents face severe food insecurity and a sharp decline in health services, amid ongoing restrictions on the entry of humanitarian aid and essential supplies. EFE/EPA/HAITHAM IMAD

UNRWAk salatu du Israel gazatarrak gosez hiltzen ari dela

Gazako herritarrak gosez hiltzen ari dira, eta horien artean milioi bat haur gazatar daude, UNRWA Palestinako errefuxiatuentzako Nazio Batuen Erakundeko agentziak igande honetan salatu duenez. Halaber, Israeli eskatu dio elikagaien banaketaren blokeoari amaiera emateko, duela lau hilabete eta erditik traba ugari dituzte eta.

"Israelgo agintariak herritarrak gosez hiltzen ari dira Gazan. Horien artean milioi bat ume daude. Setioa altxatu eta utzi UNRWAri elikagaiak eta medikuntza banatzen", eskatu du agentziak ohar batean.

CIUDAD DE GAZA (PALESTINA), 17/07/2025.- Fotografía del 17 de julio que muestra a cuatro niños nacidos prematuros y con signos de malnutrición, en una sola incubadora, debido a que el hospital Al Helou no cuenta con suficientes y el número de niños nacidos prematuros ha incrementado por la dificil situación que afrontan las madres. El azote de la ofensiva israelí en Gaza ha sacudido todos y cada uno de los cimientos del enclave. Israel ha arrasado ciudades y familias enteras, colegios y universidades, mezquitas y hospitales. Ahora, tras casi cinco meses de cerco, son muchos los bebés gazatíes que nacen prematuros y desnutridos, enfrentándose a una muerte que debería ser evitable.EFE/ Ahmad Awad

Ebakuazio behartuaren agindua hiriaren hego-mendebaldean

Israelgo Armadak ebakuazio behartua agindu du igande honetan, Deir al Bala hiri gazatarrean, Palestinako enklabearen erdialdean, laster burutuko duen lurreko lehen operazioaren baitan.

Ebakuazio-aginduak hiriaren hego-mendebaldeko bederatzi sektoreri eragiten die, eta bitan zatitzen du Gazako kostaldea, ehunka mila palestinar babestuta dauden inguruan.

Nazio Batuek eta GKEek hasieratik salatu dituzte agindu horiek, Nazioarteko Zuzenbidearen aurkako herritarren desplazamendu behartua delako, eta gazatarrentzat arriskutsua delako. Halaber, Al Mauasiko kostaldeko "eremu segurua" deiturikoa ere ez da Israelen bonbardaketetatik kanpo egon.

Palestina Benjamin Netanyahu Nbe Nazio Batuen Erakundea Europar Batasuna Umeak Israel Giza eskubideak Ameriketako Estatu Batuak Munduko albisteak Gazako Zerrenda

Zure interesekoa izan daiteke

Patxi Alberdi Danimarkan bizi den mediku eibartarra
18:00 - 20:00
ZUZENEAN
Duela  min.

Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"

Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.

Gehiago ikusi
Publizitatea
X