AEBk eta Txinak datorren astean ekingo diete berriro merkataritza gatazka bideratzeko negoziazioei, Stockholmen
AEBko Altxorraren idazkariak adierazi duenez, bi herrialdeek abuztuaren 12ra arte adostutako muga zergen su-etena luzatzea aztertuko dute, besteak beste.
Merkataritza gatazka bideratzeko negoziazioei berriro ekingo diete Ameriketako Estatu Batuek (AEB) eta Txinak, datorren astean, Stockholm hirian (Suedia), Scott Bessent AEBko Altxorraren idazkariak jakinarazi duenez.
"Stockholmen izango naiz astelehenean eta asteartean, Txinako nire homologoekin batera, eta seguruenik (muga zergen su-etenaren) luzapen bat landuko dugu", esan du Bessentek Fox Business telebista kate estatubatuarrari eskainitako elkarrizketa batean. Izatez, abuztuaren 12an amaituko da AEBek eta Txinak muga zergen inguruan adostutako su-etena.
Bessenten arabera, Txinarekin lorturiko azken akordioen ondotik eta merkataritza "egonkortu" egin dela dirudien honetan, besteak beste, Asiako erraldoiaren "gehiegizko" manufaktura ahalmena eta Errusia edo Iran bezalako herrialdeei egindako petrolio erosketak.
Halaber, Estatu Batuak saiatuko da Txina konbentzitzen manufakturan oinarritutako ekonomiarako trantsizioa egin dezan. "Mundu mailako manufakturaren % 30 biltzen du (Txinak), eta hori jasanezina da", gaineratu du Bessentek.
Oraingoz, Txinako agintariek ez dute negoziazioei berriro ekingo dietela baieztatu, baina bai, ordea, Ulf Kristersson Suediako lehen ministroak: "AEBko eta Txinako ordezkariekin biltzeko gogoz nago. Ongi etorri Suediara!", idatzi du X sare sozialean.
Nazioarteari buruzko albiste gehiago
AEBk NBEren bost agentzia eta hainbat akordio utzi ditu
Ameriketako Estatu Batuek Nazio Batuen bost agentzia eta akordio handi utzi dituzte. Hona hemen utzi dituen NBEko erakunde eta akordioen zerrenda eta kronologia.
AEB eta Japoniaren arteko merkataritza akordioa iragarri du Trumpek eta % 15eko muga zergak aplikatuko dizkiote elkarri
Ameriketako Estatu Batuetako presidenteak Japoniako inportazioei % 25eko muga zergak ezartzearekin mehatxu egin zuen. Halaber, AEBk 550.000 milioi dolar inbertituko ditu AEBn.
Dagoeneko 100 lagun baino gehiago hil dira goseak jota Gazan, eta 1.000 baino gehiago hil dituzte janaria lortzen saiatzen ari zirenean
Azken 24 orduetan 15 pertsona hil dira, lau ume barne, goseagatik eta desnutrizioagatik. Horrela, goseak 101 hildako utzi ditu jadanik, tartean 80 haur.
Gazako lurraldearen ia % 90 Israelen kontrolpean edo desplazamendu-agindupean dago
Israelgo tankeek Deir al Balah hiriko Al Baraka auzoari eraso egin diote, Armada sionistak Gazako erdialdean hiri horren aurka egiten duen lehen lurreko erasoaldiari ekiteko. Dagoeneko 59.000 pertsona baino gehiago hil dituzte Zerrendan. Igandean, 100 pertsona baino gehiago hil eta 1000 inguru zauritu zituen Israelek.
Gutxienez 19 pertsona hil eta 164 zauritu dira Bangladeshen, hegazkin militar bat ikastetxe baten gainera erorita
F-7BGI aireontziak Milestone School and College ikastetxeko bi solairuko eraikinaren kontra jo du. Eraikin hori Uttara auzoan dago, Dhaka hiriburuaren iparraldean.
Japonian agintean dagoen koalizioak gehiengoa galdu du behe ganberan, baina lehen ministroak jarraitzeko asmoa du
Alderdi Liberal Demokratikoak (PLD) eta Komeito alderdiak osatzeko duten koalizioak 47 eserleku eskuratu ditu, gehiengoa bermatzeko behar diren 50 horien azpitik. Gainera, eskuin muturreko Sanseito alderdia oposizioko hirugarren alderdia izatera iritsi da, 14 ordezkari lortuta.
Shein eta Temu Europar Batasunaren ikerketapean, toxikoak dituzten produktuak saltzen ote dituzten argitzeko
Susmopean daude, adibidez, haurtxoentzako xirak , kimiko toxikoak omen dituztelako.
Laguntza jasotzeko zain zeuden 81 gazatar hil ditu Israelek, eta ebakuazio behartua agindu du
900 pertsona baino gehiago hil dira Gazan elikagaiak lortzen saiatzen ari zirela. UNRWAk Israeli eskatu dio duela lau hilabete eta erditik indarrean dagoen elikagaien banaketaren blokeoa amaitzeko.
Ishiba lehen ministroarentzat erabakigarriak diren Goi Ganberarako hauteskundeak dituzte gaur Japonian
Hauteskunde parlamentario hauek erabakigarriak dira Ishibaren Exekutiboarentzat, izan ere, Ishibak gutxiengoan gobernatzen du joan den urriko hauteskunde orokorretan Behe Ganberaren kontrola galdu zuenetik.