Von der Leyen eta Trump igande honetan bilduko dira Eskozian, AEBk muga-zergak inposatzeko ultimatuma amaitzear dagoenean
Gainera, bileran bi buruzagiek "merkataritza harremanak eta horiek indartzeko moduak" eztabaidatuko dituztela azaldu du Europako Batzordeak.
Ursula von der Leyen Europako Batzordeko presidentea Donald Trump AEBko presidentearekin bilduko da igande honetan Eskozian, abuztuaren 1ean Europako produktuen gaineko muga-zergak ezarri baino lehen, AEBko agintariak emandako ultimatuma amaitzeko egun gutxi falta direnean.
Von der Leyenek telefono dei "on" baten ostean itxi zuen bilera Trumpekin, Batzordeko presidenteak X kontuan argitaratutako oharrean azaldu zuenez. Bertan, bi buruzagiek "merkataritza harremanak eta horiek indartzeko moduak" eztabaidatuko dituztela azaldu zuen.
Eskoziara abiatu aurretik, Trumpek ostiralean adierazi zuen Europar Batasunak oso aukera aprobetxagarria duela akordioa lortzeko abuztuaren 1eko epemuga baino lehen.
"Europar Batasunak akordio bat lortzeko aukera oso ona duela uste dut", adierazi zuen Trumpek prentsaurrekoan, Eskoziara abiatu aurretik. "Diru asko dago jokoan, diru asko", azpimarratu zuen AEBko presidenteak.
Horrekin batera, Olof Gill Europar Batasuneko Merkataritza bozeramaileak joan den ostegunean nabarmendu zuen "gertu" ikusten zuela akordioa, "egunero aurrera eramaten ari diren negoziazio tekniko eta politikoetan" murgilduta.
Nazioarteari buruzko albiste gehiago
:eitb-banner?$eitb-banner$&fmt=png-alpha&qlt=80)
Europar Batasunaren eta Israelen arteko merkataritza harremana, zenbakitan
EB da Israelen bazkide komertzial nagusia, AEBren aurretik. Iaz, Israelen eta EBren arteko truke ekonomikoa 42.600 milioi eurokoa izan zen.
Sua Paris erdialdeko jatetxe batean, doikuntzen aurkako protesten erdian
Suhiltzaileek Pariseko erdialdeko jatetxean piztutako sutea itzaltzea lortu dute. Milaka pertsona kalera atera dira gaur Frantzia osoan, 2026ko aurrekontuetan ia 44.000 milioi euroko doikuntza egiteko Gobernuaren planak salatzeko.
300 atxilotu inguru Frantzian, doikuntzen aurkako protesta egunean
Alderdiak eta sindikatuak alde batera utzita antolatu da 'Dena blokeatu dezagun' mugimendua eta helburua herrialdea geldiaraztea da. Polizia indarrek berrogeita hamar bat blokeo desegin dituzte, batez ere autobideetan eta garraio azpiegituretan, aurrekontu doikuntzen aurkako protesta egunaren hasieran.
Doikuntzen aurkako protesta eguna Frantzia osoan
"Dena blokeatu dezagun" leloa duen protesta sare sozialetan sortu zen hasiera batean, baina gero ezkerreko erakunde eta pertsonek bat egin dute, LFIren eta sindikatu batzuen babes nabarmenarekin. 2026ko aurrekontuetan ia 44.000 milioi euroko doikuntza egiteko Gobernuaren planak salatzeko deitu dituzte protestak.
Haurren obesitateak pisu txikikoa gainditu du lehen aldiz: hamar haurretatik batek gizentasuna pairatzen du munduan
Unicefek ohartarazi du elikagai ultraprozesatuen eraginaz eta haurrei zuzendutako publizitate oldakorraz, osasun, gizarte eta ekonomia ondorio larriak dituen epidemia globala bultzatzen ari dela.
Alex Txikon, Nepalgo protesten lekukoa: "Poliziak tiro egin die parlamentuko hormara igo direnei"
Alex Txikon alpinista bizkaitarra Katmandun zegoen protestak piztu zirenean. Nepalgo poliziak parlamentuan sartzen saiatzen ari zirenei tiro nola egin dien lekuko izan da Txikon. "Katmandu erabat itxita dago eta liskarrak daude", adierazi du.
Ursula von der Leyenek proposatu du Israelekin merkataritza gaietako akordioaren suspentsio partziala
Europako Batzordeko presidenteak, gainera, zigorrak planteatu ditu muturreko ministroentzat eta kolono bortitzentzat. Proposamenak, baina, 27en oniritzia beharko du aurrera egin dezan.
Armadak etxeratze agindua ezarri du Nepalen, dagoeneko 25 hildako eragin dituen protesta uholdea geldiarazteko
Istilu larriak bizi dira Nepalen, "Z belaunaldia" izenekoek hasitakoak. Astearte honetan K.P. Sharma Oli Nepalgo lehen ministroak dimisioa eman du, protestek bultzatuta. Katmanduko Aireportua itxita egongo da gutxienez 18:00ak arte, tokiko orduan (12:15 GMT).
Poloniak "erasotzat" jo du Errusiak bere aire-espazioa urratu izana, eta aho batez babestu dute
NATOko F-35 ehiza-hegazkinek, bereziki Herbehereetako Aireko Errege Indarrak, Poloniako aire-defentsa indartu dute goizaldean, Errusiako droneek aire-eremua urratu ostean, Ukrainaren aurkako eraso batean. Misil baten eta zazpi dronen arrastoak aurkitu dituzte Poloniako agintariek.
Albiste izango da: Gaza, krisi politikoa Frantzian eta suizidioaren prebentzioa
Orain-ek gaur landuko dituen albiste nagusien laburpena.