Europako Parlamentuak Israelekin akordioak moztea onartu du, baina ez du Gazako egoera genozidiotzat hartu
Estrasburgoko egoitzan bildutako osoko bilkurak Gazako “hondamendi humanitarioa” eta Hamas taldearen “krimen basatiak” gaitzetsi ditu. Horrez gainera, indarkeria erabiltzen duten kolonoei eta Hamasi zigorrak jartzearen alde egin du eta “berehalako su-etena” eskatu du.
Europako Parlamentuaren egoitza Estrasburgon. Argazkia: EFE.
Europako Parlamentuak Gazan gertatzen ari den “hondamendi humanitarioa” gaitzesten duen ebazpen bat onartu du ostegun honetan Estrasburgon, baina ez du genozidiotzat jo. Horrez gainera, Europako Batzordeak proposatu zuenaren haritik, Europar Batasunaren eta Israelen arteko merkataritza akordioak partzialki bertan behera uztearen alde egin du.
Ebazpenak aldeko 305 boto, kontrako 151 boto eta 122 abstentzio izan ditu, eta ez da loteslea.
Onartu den azken testuak ez du Gazako egoera genozidio gisa definitzen. Hain zuzen ere, aurkeztu ziren 50 zuzenketetatik, genozidioa aipatzen zuten guztiak baztertu dira.
Hala ere, ebazpenak zuzenean Israeli egozten dio Gazako laguntza humanitarioaren blokeoa eta, asteazkenean Ursula von der Leyenek iragarri bezala, Israelekin dauden akordio komertzialak partzialki etetearen alde egin du. Hala ere, erabaki horrek EBko 27 estatu kideen babesa behar du.
Era berean, testuak erabat babestu ditu Zisjordanian eta Ekialdeko Jerusalemen indarkeria erabiltzen duten kolono eta ekintzaile israeldarren aurkako zigorrak; baita Bezalel Smotrich eta Itamar Ben Gvir ministro israeldarrak zigortzea ere.
Bestetik, eurodiputatuek "berehalako su-etena", laguntza humanitarioa ematea eta bahitutako israeldar guztiak askatzea eskatu du. Gainera, Hamasen "krimen basatiak" gaitzetsi ditu eta talde horrentzat zigor zehatzak eskatu ditu.
Azkenik, eskualdean bake iraunkorra bermatzeko bi Estatuen konponbidea defendatu du.
Europako Alderdi Popularrak zatituta bozkatu du: 82 eurodiputatuk alde bozkatu dute, 56k aurka (Alemaniako CDUko kide batzuk barne) eta abstentzio batzuk izan dira.
PPko eurodiputatu ia guztiek, PSOEkoek eta EAJkoek alde bozkatu dute. Vox eta Podemos aurka agertu dira, eta ERC, EH Bildu, Compromis, Comuns eta BNGkoek abstentziora jo dute.
Zure interesekoa izan daiteke
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.