Frantziak Palestinako Estatua onartu du NBEn
New Yorken hasi den Palestinako Gatazkaren Konponbide Baketsurako Konferentziaren hasieran aitortu du Emmanuel Macron Frantziako presidenteak ofizialki Estatu palestinarra. Frantziak eta Saudi Arabiak babestutako batzarra da, Nazio Batuen Erakundeak bihar abiatuko duen Batzar Orokorraren atarian.
Emmanuel Macron Frantziako presidenteak Palestinako Estatua aitortzen duela iragarri du astelehen honetan, "bi estatuen (Israel eta Palestina) konponbidearen aldeko nazioarteko konferentzia" baten irekieran, NBEren egoitzan. Une horretan, Batzar Nagusiko aretoa txaloka lehertu da.
"Onarpen hau herri palestinarra ezeri inoiz agur esaten ez dion herria dela baieztatzeko da, Mahmud Darwish bezala (poeta palestinarrari erreferentzia eginez), sustrai historiko sendoak dituen eta duintasuna duen herria", esan du Frantziako presidenteak.
Hala ere, gogoratu du herri palestinarraren eskubide legitimoen onarpen honek ez diela ezer kentzen Israelgo herriaren eskubideei, “Frantziak hasiera-hasieratik babestu duenari”.
Era berean, azpimarratu duenez, "aitortza hau porrota da Hamasentzat, baita antisemitismoa sustatzen duten eta obsesio antisionistak elikatzen dituzten eta Israelgo Estatua suntsitzea nahi duten guztientzat ere".
Frantziak emandako pausoa oso garrantzitsua da hainbat arrazoirengatik: Frantziak Europako komunitate judu handiena du, Israelen aliatu leialenetako bat izan da historikoki, eta NBEko Segurtasun Kontseiluan eserleku iraunkorra du (eta ondorioz, beto eskubidea). Gainera, planetako ekonomia nagusietako bat da.
Macronek esan du bere herria prest dagoela Palestinan enbaxada bat martxan jartzeko, baina horretarako Hamasek bahitu guztiak aske uztea jo du ezinbesteko baldintzatzat.
Bestalde, jakinarazi du datozen orduotan beste bost herrialdek aitortuko dute Palestinako Estatua: Belgikak, Maltak, Luxenburgok, Andorrak eta San Marinok. Horiekin, denera 157 izango dira Estatu palestinarra onartzen duten NBEko kideak (193 kide dira denera).
Halere, aitortzen ez dutenen artean AEB, Alemania, Japonia edota Herbehereak bezalako herrialde pisutsuak daude. Horiek diote Israelekin adostuta egin behar dela aitortza.
Zure interesekoa izan daiteke
Zeelanda Berriak ongietorria eman dio 2026 urteari
Ozeaniako herrialde hau izan da 2025ari agur esan eta 2026ari ongietorria eman dion lehenengoetako bat, Aucklanden su artifizialen ikuskizun batekin.
Israelek Somalilandia aitortzea, Afrikako Adarreko taula geoestrategikoan faktore berria
Israelek Somalilandia onartzeak hamarkadetako gatazka sezesionista pizteaz gain, pieza berri ezegonkor bat txertatzen du Afrikako Adarreko eta Ekialde Ertaineko aliantzen eta etsaitasunen taula geoestrategiko konplexuan.
Gutxienez pertsona bat hil da eta 80 inguru zauritu dira Machu Pichura zihoazen bi trenek aurrez aurre talka egin ostean
Gutxienez pertsona bat hil da eta beste 78 zauritu dira astearte arratsalde honetan Machu Picchuko Parke Arkeologiko Nazionalera zihoazen bi trenek aurrez aurre talka egin ostean, Ollantaytambo herrian, Urubamba probintzian, Peru hegoaldean.
Hamar herrialdek eskatu diote Israeli UNRWAk eta GKEek esku har dezatela egoera "katastrofikoaren" aurrean
Israelek UNRWAren operazioen etetea azkartzen duen lege bat onartu du, NBEren agentzia 2023ko urriaren 7ko erasoetan inplikatuta dagoela iritzita.
AEBk CIAren droneekin eraso zion Venezuelako portu bati, 'New York Times' egunkariaren arabera
Oraingoz, ez Pentagonoak, ez AEBko Gobernuak, ez Venezuelak, ez dute baieztatu Trumpek aipatutako erasoa. Baieztatuko balitz, AEBk Venezuelako lurretan egindako lehen erasoa izango litzateke.
Trumpek ohartarazi du Hamasek "ondorioak" izango dituela, desarmatu eta Gazako su-etenaren bigarren fasea desblokeatu ezean
AEBko presidenteak dio gai gehienetan bat datorrela Israelekin, Abrahamgo Akordioak zabaltzearen alde dagoela eta ohartarazi du ez duela onartuko Iranek botere militarra berreskuratzea.
Putinen egoitzetako bati eraso egitea leporatu dio Errusiak Ukrainari, eta negoziazioak haustearekin mehatxu egin du
Zelenskik ukatu egin du erasoa egin izana, eta Putinen helburua "Ukrainaren aurkako erasoekin jarraitzeko aitzakia bat izatea" dela ohartarazi du sare sozialetan.
Trumpek Netanyahu hartuko du gaur Floridan, Israelek Gazarako duen plana aztergai
Aurten bosgarrenez bilduko dira bi buruzagiak. Aurreko hitzorduetan ez bezala, badirudi oraingo honetan nolabaiteko urruntze bat atzemango dela bien artean. Izan ere, eta hainbat iturriren arabera, ez dute jarrera bera Iranen eta Israelgo tropak Gazatik joatearen inguruan, besteak beste.
NBEko Segurtasun Kontseiluak premiazko bilera egingo du gaur, Israelek Somalilandia aitortu duela eta
Somaliak Tel Aviven aitortza "legez kanpoko erasoa" eta "Nazioarteko Zuzenbidearen aurkakoa" dela salatu du. Bestalde, Somalilandiak azpimarratu duenez, ez ditu Gazatik kanporatutako palestinarrak jasoko.
Trumpek eta Zelenskik aurrerapausoak eman dituzte Ukrainan bakea lortzeko bidean, baina akordiorik ez dute lortu
Floridan izandako bilerak Washingtonen eta Kieven arteko hurbilketa irudikatu du, baita Europako kide nagusiak berriro inplikatzeko asmoa ere. Hala ere, segurtasun-bermeei eta Ukraina ekialdeko lurraldeen egoerari buruzko funtsezko desadostasunak daude oraindik.