Putinen egoitzetako bati eraso egitea leporatu dio Errusiak Ukrainari, eta negoziazioak haustearekin mehatxu egin du
Zelenskik ukatu egin du erasoa egin izana, eta Putinen helburua "Ukrainaren aurkako erasoekin jarraitzeko aitzakia bat izatea" dela ohartarazi du sare sozialetan.
Vladimir Putin, artxiboko irudi batean. Argazkia: EFE
Vladimir Putin Errusiako presidenteak Donald Trump AEBko presidenteari ohartarazi dio Ukrainako gerrari buruzko negoziazioen hasieran erdietsitako akordio batzuk berrikusteko asmoa duela, Kievek haren egoitzetako bati eraso egin ostean.
"2025eko abenduaren 28tik 29rako gauean, Kieveko erregimenak eraso terrorista bat egin zuen eskifaiarik gabeko 91 aire-ibilgailurekin Errusiako presidenteak Novgorod eskualdean duen egoitzaren aurka. Drone guztiak suntsitu ziren eta ez zen biktimarik izan", jakinarazi du Kremlinek.
Yuri Ushakov Errusiako Presidentetzako nazioarteko politikako aholkulariak prentsari azaldu dionez, Trump "haserre" agertu da gertatutakoarekin, eta "halako ekintza burugabea" ezin zuela imajinatu esan omen du.
Kremlineko buruak adierazi duenez, Moskuk erantzun egingo die ekintza "terrorista" horiei.
Akusazio horien aurrean, Volodimir Zelenski Ukrainako presidenteak gezurretan aritzea leporatu dio Errusiari: "Orain, errusiarrek diktadore errusiarraren egoitzari egindako eraso baten inguruko historio faltsu bat asmatu dute, Ukrainaren aurkako erasoekin jarraitzeko aitzakia bat izateko", adierazi du Zelenskik Telegramen.
Ukrainako estatuburuak uste du akusazioaren helburua Ukrainako eta AEBko negoziazio taldeek Errusiaren eta Ukrainaren arteko gatazkan bakea lortzeko lortutako "aurrerapenekin haustea" dela.
Zelenski Donald Trump AEBko presidentearekin bildu zen igandean Floridan, Ukrainan bakea lortzeko bidean aurrera egiteko, eta horren aurrean gaur Errusiak atera duen oharra "errusiarren ohiko taktika gezurtiak" direla esan du Ukrainiako presidenteak.
"Garrantzitsua da mundua isilik ez geratzea eta errusiarrek bakerako bidean aurrera egitea ez eragoztea", amaitu du Zelenskik.
Trumpek dei "positiboa" izan du Putinekin, Zelenskirekin bildu ostean
Bestalde, Donald Trump AEBko presidenteak dei "positiboa" izan omen du Vladimir Putin Errusiako presidentearekin, Volodimir Zelenski Ukrainako buruzagiarekin Floridako Mar-a-Lago egoitzan bildu eta biharamunean, Etxe Zuriak jakitera eman duenez.
Trumpek eta Putinek azken 24 orduetan izan duten bigarren telefono bidezko harremana izan da.
Elkarrizketa "ona eta oso emankorra" izan dela adierazi dute.
Atzo gauean Zelenskirekin aurrez aurre bildu ondoren ere elkarrizketak "onak eta emakonrrak" izan zirela esan zuen.
Zure interesekoa izan daiteke
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.
Hilik topatu dute Jon Sustacha, Venezuelan bilatzen ari ziren ingeniari bilbotarra
Bilaketa-lanetan ari zirela aurkitu dute haren gorpua, igande arratsaldean, La Guaira estatuan kolapsatutako eraikin bateko hondakinen artean. Bere familiak herritarren laguntza eskatu du zenbait egunez, hura aurkitzen saiatzeko.