Trumpek eta Zelenskik aurrerapausoak eman dituzte Ukrainan bakea lortzeko bidean, baina akordiorik ez dute lortu
Floridan izandako bilerak Washingtonen eta Kieven arteko hurbilketa irudikatu du, baita Europako kide nagusiak berriro inplikatzeko asmoa ere. Hala ere, segurtasun-bermeei eta Ukraina ekialdeko lurraldeen egoerari buruzko funtsezko desadostasunak daude oraindik.
Donald Trump AEBko presidenteak eta Volodimir Zelenski Ukrainako presidenteak bake-elkarrizketan aurrerapausoak emateko mezua helarazi dute, Ukrainako gerrari amaiera emateko asmoarekin, Floridako Mar-a-Lago egoitzan hiru ordu baino gehiago bildu ostean. Tonu positiboa izan arren, bi aldeek onartu dute oraindik "kontu garrantzitsuak" daudela konpontzeko eta akordioa ez dagoela itxita.
Bilera Trumpen eta Vladimir Putin Errusiako presidentearen arteko elkarrizketa baten ondoren izan da, baita Zelenskiren eta AEBko Administrazioko arduradunen arteko hainbat berriketaldiren ondoren ere. Trumpen arabera, 20 puntuko bake-plan baten % 95 baino gehiago adostuta egongo litzateke, baina Donbassen etorkizuna eta su-etena argitu barik daude oraingoz.
Bileraren ostean, Trumpek eta Zelenskik iragarri dute AEBk, Ukrainak eta Errusiak osatutako lantaldeak sortuko dituztela, "datozen asteetan" akordio bat lortzeko. Talde horiek, alde batetik, segurtasunaren dimentsioa aztertuko dute, eta, bestetik, balizko itunaren alderdi ekonomikoak, baina ez dute zehaztu bilerak noiz eta non egingo diren.
Hitzorduan, gainera, bideo-deia egin dute Europako buruzagiekin, besteak beste, Ursula von der Leyen Europako Batzordearen presidentearekin, Mark Rutte NATOren idazkari nagusiarekin eta Alemaniako, Frantziako eta Erresuma Batuko buruzagiekin. Von der Leyenek nabarmendu du "aurrerapausoak" egin dituztela, baina adierazi du Europak Kievi segurtasun-berme sendoak eskatzen dizkiola.
Ildo beretik, Emmanuel Macron Frantziako presidenteak iragarri du Boluntarioen Koalizioko herrialdeak bilduko dituela Parisen, urtarrilaren hasieran, bake-akordioaren ostean estatuek segurtasun-misiorako zer ekarpen egin beharko duten zehazteko.
Kremlinek baieztatu du, era berean, Putinek AEBko lantaldeak sortzeko proposamena onartu duela, eta ez du 20 puntuko plana onartu. Planak Ukrainari eraso ez egiteko ituna eta NATOren segurtasun bermeak dakartza. Lurraldeei dagokionez, Kievek proposatu du frontearen egungo lerroa bere horretan uztea eta haren menpe dagoen Donetsk eskualdeko zati batzuetan gune desmilitarizatu bat ezartzea.
Bestalde, Zelenskik adierazi du Ukraina bakerako prest dagoela, eta aurreratu du dokumentu batzuk adostu egin dituztela eta batzuk adostear daudela, eta, gainera, atea ireki duela, Washingtonen presiopean, hauteskundeak egiteko edo akordioari buruzko erreferendum bat egiteko.
Trumpek esan du datozen asteak erabakigarriak izango direla: "Aurrerapausorik lortzen ez badugu, jendeak borrokan eta hiltzen jarraituko du, eta ez dugu hori gertatzea nahi", ohartarazi du AEBko presidenteak.
Zure interesekoa izan daiteke
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.
Hilik topatu dute Jon Sustacha, Venezuelan bilatzen ari ziren ingeniari bilbotarra
Bilaketa-lanetan ari zirela aurkitu dute haren gorpua, igande arratsaldean, La Guaira estatuan kolapsatutako eraikin bateko hondakinen artean. Bere familiak herritarren laguntza eskatu du zenbait egunez, hura aurkitzen saiatzeko.