Trumpek Netanyahu hartuko du gaur Floridan, Israelek Gazarako duen plana aztergai
Aurten bosgarrenez bilduko dira bi buruzagiak. Aurreko hitzorduetan ez bezala, badirudi oraingo honetan nolabaiteko urruntze bat atzemango dela bien artean. Izan ere, eta hainbat iturriren arabera, ez dute jarrera bera Iranen eta Israelgo tropak Gazatik joatearen inguruan, besteak beste.
Trumpek eta Netanyahuk irailean egin zuten bileraren irudia. Argazkia: Europa Press
Floridan (AEB), Mar-a-Lago luxuzko egoitzan, beste bilera garrantzitsu bat du gaur Donald Trump AEBko presidenteak, atzo Volodimir Zelenski Ukrainako buruzagia hartu ostean. Oraingoan, Benjamin Netanyahu Israelgo lehen ministroa izango du bisitan, horrek Gazako Zerrendarako prestatu duen egitasmoa aztertzeko.
Gazan su-eten ahula indarrean dagoela (urriaren 10etik dago martxan) egingo dute hitzordua. Israelek eta Hamasek elkarri leporatu diote adostutakoak bete ez izana. Azken bi urte luze hauetan Tel Avivek 71.000 palestinar hil ditu eta krisialdi humanitario larria eragin du.
Israelek eta AEBk adostutako planak bi fase ditu, eta Donald Trumpen asmoa omen da aurki bigarren fase horren hasiera iragartzea. Horretarako, baina, Hamasek bere esku duen azken bahitutakoaren gorpuzkiak entregatu behar ditu. Adostutakoaren arabera, bigarren fasean Israelek tropak erretiratu beharko ditu Gazatik, Hamasek armak utzi eta nazioarteko indar bat sartu beharko da Gazan, borrokak saihesteko.
AEBren asmoak asmo, badirudi Israelek lehengo lepotik duela burua, eta lehen faseari eusteko eginahalak egingo ditu. Hamasek salatu du Israelgo agintariak bahitutakoen gorpuak topatzeko lanak nahita oztopatzen ari direla. Horrez gain, Israelgo Armada ez da betetzen ari laguntza humanitarioaren arloan adostutakoa. Rafahko pasabideak ere itxita jarraitzen du, bestela hitzartu bazuten ere.
Aurtengo bosgarren bilera dute Trumpek eta Netanyahuk. Aurrez, Marco Rubio AEBko Estatu idazkariarekin bilduko da Israelgo lehen ministroa.
Iran, ika-miken balizko iturburu
Aurreko bilerak giro onean egin dituzte bi buruzagiek, baina The Washington Post egunkariaren arabera, gaurkoa bestelakoa izan daiteke. Desadostasunak sortu omen dira hainbat gairen gainean. Hala, eta betiere AEBko hedabideak aipatutako iturrien arabera, Iran ei da gai arantzatsuetako bat. Netanyahuk Trumpen oniritzia nahi du errepublika islamikoaren misilen programaren kontra aritzeko, baina Trumpek ez omen du inguru horretan gatazka gehiagorik nahi.
Sirian eta Libanon oldarraldia egitearen kontra ere badago AEB.
Zure interesekoa izan daiteke
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.
Ordu erabakigarriak Venezuelan: bizirik egon daitezkeen pertsonen bilaketa areagotu dute
Mundu osoko salbamendu- eta erreskate-taldeek lanean jarraitzen dute, atsedenik gabe, hondakinen artean harrapatuta geratu diren pertsonen bila.
Hilik topatu dute Jon Sustacha, Venezuelan bilatzen ari ziren ingeniari bilbotarra
Bilaketa-lanetan ari zirela aurkitu dute haren gorpua, igande arratsaldean, La Guaira estatuan kolapsatutako eraikin bateko hondakinen artean. Bere familiak herritarren laguntza eskatu du zenbait egunez, hura aurkitzen saiatzeko.