Trump: "Ez dut onartuko Israelek Zisjordania anexionatzea. Nahikoa da"
Nazioarteko Justizia Auzitegiak ebatzi zuen Zisjordaniaren okupazioa legez kanpokoa dela. Datorren astelehenean Trumpek Netanyahu hartuko du Etxe Zurian.
Donald Trump Ameriketako Estatu Batuetako presidenteak ostegun honetan ziurtatu duenez, ez du onartuko Israelek Zisjordania anexionatzea: "Nahikoa da". Halaber, Benjamin Netanyahu Israelgo lehen ministroarekin telefonoz hitz egin duela adierazi du.
Etxe Zurian egindako ekitaldi batean, aste honetan Emmanuel Macron Frantziako presidenteari edo herrialde musulmanetako buruzagiei esandakoei buruz galdetu diote kazetariek. Trumpek mandatari horiei esandakoa berretsi du, eta azpimarratu du ez duela utziko Israelek Zisjordania anexionatzea. "Ez dut onartuko, ez da gertatuko", gaineratu du.
"Ez dut onartuko Israelek Zisjordania anexionatzea. Nahikoa da. Gelditzeko unea da", esan du buruzagi errepublikanoak. Datorren astelehenean, Trumpek Netanyahu hartuko du Etxe Zurian.
Nazioarteko Justizia Auzitegiak iaz ebatzi zuen Zisjordaniaren okupazioa legez kanpokoa dela.
Trump Palestinako Estatua aitortzearen aurka agertu da, azken egunetan hainbat herrialdek pausoa eman ostean. Gaur-gaurkoz, Nazio Batuen Erakundean ordezkaritza duten 193 estatuetatik 157k aitortu dute Palestinako Estatua.
Nazioarteari buruzko albiste gehiago
'Furor' ontzia Cartagenatik abiatu da, Gazara doan ontzidiari laguntzeko asmoz
50 pertsona inguru doaz ontzian, eta, besteak beste, kanoi bat eta bi metrailadore daramatza. Aurreikuspenen arabera, lau egun beharko ditu Global Sumud Flotilla osatzen duten ontziengana iristeko.
Lointek Gernikako presidenteak adierazi du ez dutela Israelgo talde baten aurka jokatuko
Gerardo Candinak aurreratu duenez, talde bizkaitarrak ez ditu Elitzur Ramlaren aurkako partidak jokatuko "Gazako genozidio basatia" gaitzesten dutelako, baina zuzendaritza batzordeak hurrengo egunetan baloratuko du behin betiko erabakia.
AEBko Justiziak "testigantza faltsua eta justizia oztopatzea" leporatu dio FBIko zuzendari ohiari, Trumpen presioen ostean
Ameriketako Estatu Batuetako Justiziak karguak aurkeztu ditu James Comey FBIko zuzendari ohiaren aurka, Russiagate delakoaren ikerketan lekukotza faltsua egiteagatik eta oztopoak jartzeagatik.
Israel txapelketatik kanpo uztea aztertzen ari dira UEFA eta FIFA
Futbolaren erakundeek bozketa bat deitzea aztertzen ari dira, Gazako egoeragatik Nazio Batuek Israel baztertzeko egindako eskaeragatik.
Sarkozy: "Espetxean lo egin dezadala nahi badute, espetxean egingo dut lo, baina ez dut burua makurtuko"
2007ko hauteskunde-kanpaina Libiako Muamar Gadafi erregimenaren diruarekin finantzatzeagatik bost urteko kartzela-zigorra jaso ostean, Nicolas Sarkozyk adierazi du zigor horrekin "Frantziaren irudia" zikindu dela.
Abbasek Israelen "genozidioa" salatu du NBEn, baina esan du Hamasek ez duela Gazan lekurik izango
Palestinako presidenteak bideokonferentziaz hartu du parte batzarrean, AEBek New Yorkera joateko bisatua debekatu baitio. Hamasek dituen bahituak askatzea eta Gazara laguntza humanitarioa premiaz sartzea eskatu du, eta gatazka amaitu eta urtebetera hauteskundeak aurreikusten dituen plan bat bat aurkeztu du.
Sarkozyri bost urteko kartzela-zigorra ezarri diote, gaizkile taldeko kide izatea egotzita
2005ean sinatutako akordio baten ondorioz, Libiako Gobernuak 50 milioi euro eman zizkion Sarkozyri, 2007ko hauteskunde-kanpainarako. Zigorra gauzatzeko Fiskaltzaren aurrean bere burua aurkezteko agindu dio epaileak.
Joe Bidenen argazkiaren ordez, boligrafo automatiko baten argazkia jarri dute Etxe Zurian inauguratu duten Presidenteen Ospearen Pasealekuan
Etxe Zuriak Presidenteen Ospearen Pasealekua inauguratu du, Bulego Obalaren kanpoaldean dagoen korridore batean. Bertan, Estatu Batuetako presidente guztien erretratuak daude, Joe Bidenena izan ezik. Agintari ohi demokrataren argazkiaren ordez, bere sinadura idazten ari den boligrafo automatiko baten argazkia eskegi dute.
Netanyahuk "hiltzaileei, haurrak erre eta bortxatzen dituztenei Israelen bihotzean estatu bat" eman nahi dietenak mehatxatu ditu
Benjamin Netanyahu Israelgo lehen ministroak berriro azpimarratu du Palestinako Estatua ez dela "izango", eta iragarri du NBEren Batzar Nagusian egingo duela "haurren hiltzaile, bortxatzaile eta erregailuei Israelen bihotzean estatu bat" eman nahi dietenen kontra. "Gure egia esango dut: Israelgo herritarrena, Israelgo Defentsa Indarretako soldaduena, gure Estatuarena. Hiltzaileak, bortxatzaileak eta haurrak erretzen dituztenak kondenatu beharrean, Israelen bihotzean estatu bat eman nahi duten buruzagiak kondenatuko ditut", agindu du, eta gaineratu du ez dela Palestinako Estaturik izango.