Trumpek igandera arte eman dio Hamasi Gazarako plana onartzeko, edo "inoiz ikusi ez den infernua piztuko da"
Donald Trump eta Benjamin Netanyahu. Artxiboko argazkia: EFE
Donald Trump AEBko presidenteak esan du Hamasek igandera arte duela errepublikanoak Gazako Zerrendarako proposatutako bake plana onartzeko, edo "inoiz ikusi ez den infernua piztuko da". Zehazki, Washingtongo 18:00etan (22:00 GMT) amaitutzat emango du epea. Hamasek parte hartuko ez lukeen trantsizio-gobernu bat aurreikusten du, Trump bera buru izango lukeen batzorde batek gainbegiratuta.
Trumpek astelehenean aurkeztu zuen 20 puntuko proposamena, Benjamin Netanyahu Israelgo lehen ministroak onartuko zukeena. Gerra berehala amaitzea eta bahituak askatzea aurreikusten du, besteak beste. Horrez gain, agintari estatubatuarrak eta Tony Blair Erresuma Batuko lehen ministro ohiak gainbegiratuko luketen Gazarako trantsizio gobernu bat eratzea proposatzen du.
"Hamasekin akordio batera iritsi behar da Washingtongo 18:00ak baino lehen. Herrialde guztiek sinatu dute! Azken aukerako akordio hori lortzen ez bada, infernua piztuko da, aurretik inork ikusi ez duen bezala, Hamasen aurka", idatzi du ostiral honetan Trumpek Truth Social sare sozialean.
AEBko presidentearen arabera, Hamaseko miliziano gehienak "inguratuta eta militarki harrapatuta daude", exekutatzeko agindua noiz emango zain.
Testuinguru horretan, Hamaseko kideak dauden eremuetako biztanleei eskatu die "heriotza potentzialeko eremu hori berehala uzteko eta Gazako eremu seguruagoetara jotzeko".
Hala, Trumpek dio Hamasek "azken aukera" duela Washingtonen plana onartzeko, "Ekialde Ertaineko nazio handi, boteretsu eta aberatsek onartu baitute dagoeneko".
Akordioaren arabera, 3.000 urteren ondoren bakea ekarriko du eskualdera, eta "Hamaseko gainerako borrokalari guztien bizia barkatzen du".
Beraz, plana onartzeko eta bahituak askatzeko eskatu die, "hildakoen gorpuak barne".
Mohammed Nazzal Hamaseko bulego politikoko kideak Al Jazeera telebista katean adierazi duenez, taldeak "laster" erantzungo dio AEBko presidentearen proposamenari.
Planak Zerrendaren desmilitarizazioa eta etorkizunean Estatu palestinar bat negoziatzeko aukera ere aurreikusten ditu, baina Netanyahuk baztertu egin du hori.
Zure interesekoa izan daiteke
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute euren bizitza arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.