Macronek lehen ministro berri bat izendatuko du asteburua baino lehen, Lecornuren gomendioa aintzat hartuta
Frantziako jarduneko lehen ministroak bere “misioa bukatutzat” eman du, eta Macroni gomendatu dio lehen ministro berria izendatzeko. Oraindik, akordiorako aukera badela sinetsita dago, eta horregatik, hauteskundeak ez aurreratzeko aholkatu dio.
Sebastian Lecornu Frantziako jarduneko lehen ministroak amaitutzat eman du bere misioa, eta Emmanuel Macron presidenteari mezu bat utzi dio: datozen 48 ordutan lehen ministro berria izendatu dezala eta hauteskunde legislatiboak ez ditzala aurreratu, akordiorako aukerak badirela iritzita. France 2 telebista-kate publikoan eman du bere erabakiaren berri Lecornuk.
Handik ordu gutxira, ia gauerdian, Eliseoak ohar batean iragarri du Macronek aintzat hartuko duela Lecornuren gomendioa eta lehen ministro berri bat izendatuko duela asteburua baino lehen. Macronek izendatzen duen seigarren lehen ministroa izango da.
Joan den irailaren 9an hartu zuen lehen ministro kargua, eta ordutik, alderdi politikoetako ordezkariekin bildu eta egonkortasun-itun bat adostea izan da bere egitekoa. Ez da posible izan, eta gaur arratsaldean eman dio horren berri Macroni, Eliseoan egin duten bileran. Eskuin muturrak eta Frantzia Intsumisoak ez dute parte hartu errondan.
Nolanahi ere, azaldu duenez, itxaropenerako printzak egon badaude, eta horregatik, presidenteari gomendatu dio parlamentua ez desegiteko. Bere hitzetan, egungo egoerak eta gehiengoak bide ematen dute datozen bi egunotan lehen ministro berria izendatzeko.
Macronen Gobernuak onartu zuen pentsioen erreforma da aldeen arteko akordioa eragotzi duen puntu nagusienetako bat. Lecornuren arabera, erreforma hori bertan behera uzteak 3.000 milioi euroko kostua izango luke 2027an Frantziako diru-kutxan. "Erreforma honen inguruko eztabaida berriro zabaltzeko bidea zabaldu beharko genuke", amaitu du.
Lurrikara politikoa bizi dute Frantzian. Joan den astelehenean, Lecornuk dimisioa aurkeztu zion Macron presidenteari, gobernua iragarri eta ordu gutxira, eta handik ordu batzuetara, Macronek Gobernua osatzeko beste aukera bat eman zion, bi eguneko epea ezarrita. Ordurako jardunean zegoen lehen ministroak onartu egin zuen eskaria, baina gaur amaitu du bere lana.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".