Trump Israelera eta Egiptora joango da, Hamasek eta Israelek sinatutako akordioarekin lotuta
Dirudienez, AEBko presidenteak Gazari buruzko goi-bilera moduko bat egiteko asmoa du Egipton, eta datorren astearen hasieran buruzagi europarrak eta arabiarrak elkartu nahi ditu bertan. Sanchezek jakinarazi du bertan izango dela.
Donald Trump AEBko presidenteak ostiral honetan baieztatu duenez, Israelera joango da, eta, ondoren, Egiptora, Hamasekin lortutako akordioaren harira.
"Israelera joango naiz (...) Knesset-ekin (Israelgo Parlamentua) hitz egitera, eta Egiptora ere joango naiz gero", adierazi du agintariak ostiral honetan Etxe Zurian emandako prentsaurrekoan.
Trumpek ez du bidaiaren ibilbidea zehaztu, baina astelehenean Hamas bahituak askatzen hasiko dela gogorarazi du, Israelek eta Hamasek asteazkenean adostutakoa betetzeko.
Axios AEBko hedabide digitalaren arabera, Trumpek Gazari buruzko goi-bilera antzeko bat egingo du Egipton astearen hasieran, eta buruzagi europarrek eta arabiarrek parte hartuko dute bertan.
Gazaren berreraikuntza gainbegiratzea, nazioarteko laguntza koordinatzea eta monitorizazio mekanismoak sortzea du helburu ekimenak, su-etenaren konpromisoak betetzen direla bermatzeko, AEBk eskualdean bitartekari gisa duen rola indartuz.
Pedro Sanchez Espainiako Gobernuko presidenteak ere parte hartuko du bertan, Moncloako iturrietatik baieztatu dutenez.
Zure interesekoa izan daiteke
Ikasleen protestak baretu nahi ditu Frantziako Gobernuak lizeoetan 3.000 irakasle berri sartuz
Frantziako ikasleek Bastilla hartu dute mobilizazioen hamargarren egunean
Zer eskatzen dute zehazki Frantziako institutu eta unibertsitateetako ikasleek?
Christa Pike heriotza-zigorretik bizirik atera zen: Zer gertatuko zaio orain Tennesseeko presoari?
Frantziako ikasleek eutsi egin diote Gobernuaren gaineko presioari, eta protesta jendetsuak egin dituzte herrialde osoan
Hiru urte Hamasen urriaren 7ko erasoetatik: galdera asko eta Israelen genozidioa Gazan
Flavio Bolsonarok bi puntugatik irabazi dio Lula da Silvari, eta bigarren itzulian lehiatuko dira Brasilgo presidentetza lortzeko
Emakume bati heriotza-zigorra ezartzeko bi dosi jarri eta ez da hil, Tennesseen
Errusiak arma nuklearrak erabiltzeko mehatxua egin du, NATOk bere lurraldeak isolatzen baditu
