Israelgo Armadak iragarri du su-etena indarrean dela Gazan
Hartara, israeldar tropak Gazatik irteten hasi dira, eta bahituak askatzeko Hamasek duen 72 orduko epea hasi da.
Su-eten akordioa eta Donald Trump AEBko presidentearen Gazarako planaren lehen fasea indarrean dira gaurdanik, itunari jarraikiz, Israelgo tropak Zerrendatik irteten hasi direnetik.
"Su-eten akordioa 12:00etan (09:00 GMT) sartu da indarrean", baieztatu du Armadak. Horrekin batera, abian da 48 bahituak askatzeko Hamasek duen 72 orduko epea ere.
Zerrendaren barruko "marra horia" —akordioa iragartzean Etxe Zuriak erakutsi zuen mapan ikus daiteke— atzean utzi dute tropek, eta EFE albiste agentziak egiaztatu du milaka gazatar iparralderantz mugitzen hasi direla, Gaza hirirantz hain zuzen ere, Al Rashid kostaldeko bidea hartuta.
Netzarim korridorean, hiriburuaren hegoaldean, dagoen kontrol postua ere utzi dute soldaduek.
Armadako bozeramaile Avichay Adraeeren esanetan, Gazako hegoaldetik iparraldera mugitzea baimendu dute, bai Rashidetik, bai Salah al Dineko errepidetik, baina ohartarazi du enklabearen iparraldea —Beit Hanoun, Beit Lahia eta Shujaiya— arriskutsua dela oraindik, "tropa pilaketagatik", besteak beste.
Israelgo Gobernuak oniritzia eman dio lehen faseari
Israelgo Gobernuak oniritzia eman dio bart Hamasekin Gazarako adostutako bake planaren lehen faseari. Akordioa berretsi ondoren, 24 orduko epean sartuko da indarrean su-etena. Halaber, adostutakoaren arabera, Hamasek bahitu guztiak askatuko ditu, soldadu israeldarrak partzialki erretiratzen hasiko dira eta giza laguntza Gazako Zerrendan sartzen hasiko da.
Eztabaidak 3 ordu baino gehiago iraun du, gobernu barruan kontrako jarrerak agertu direlako, baina gehiengo zabalarekin onartu dute azkenean.
Trumpen ustez, bahituak astelehenean edo asteartean askatuko dituzte
Donald Trump AEBko presidenteak igandean Ekialde Hurbilera joango dela iragarri du ostegun honetan, Gazako su-etenerako akordioaz aritu denean. Horrez gain, bahitu israeldarrak datorren asteko "astelehenean edo asteartean" askatuko dituztela esan du.
Hamasek aitortu du "bermeak" jaso dituela
Khalil Al-Hayya Hamaseko negoziazio taldeko buruaren hitzetan, “gerra benetan amaitu dela” erakusten duten “bermeak” eman dizkiete "Estatu Batuetako, herrialde arabiarretako eta Turkiako bitartekariek”.
Telebista bidez emandako hitzaldian esan du lanean jarraituko dutela bake planaren "gainerako pausoak burutu daitezen” eta Palestinako herriaren “interesak eta autodeterminazioa lortzeko, Jerusalem hiriburu izango duen Estatu independente bat lortu arte".
Zure interesekoa izan daiteke
5,9 graduko lurrikara batek Tokio astindu du
Richter eskalan 5,9 graduko indarra izan duen lurrikara batek Japoniako ekialdea astindu du igande goizaldean, bereziki Tokio eskualdea. 30 pertsona zauritu dira eta tren-zerbitzu batzuetan etenaldiak egin dituzte. Japoniako Meteorologia Agentziak (JMA) baztertu egin du tsunami arriskua.
Auzitegi federal batek baliogabetu egin du Trumpek 75 herrialderi bisak emateko jarritako debekua
Neurria urtarrilean sartu zen indarrean, AEBetako Gobernuaren arabera, etorkin horiek "Estatuarentzat karga bat bihurtzeko arriskua" zegoelako.
Errusiaren eta Ukrainaren arteko erasoek jarraitzen dute, gatazka hasi zenetik lau urte eta erdi igaro direnean
Hogei pertsona baino gehiago hil dira azken orduetan bi herrialdeetan droneak eta jaurtigaiak erabiliz egindako erasoetan.
Zer dago Ukrainaren gerra-estrategia aldaketaren atzean? Eskala handiko erasoak, herritarrengan eragiteko
Hilabeteak dira Ukrainan gerra fronteak aurrerapen handirik gabe diharduela. Horren ordez, maizagoak dira aire bidezko erasoak Errrusiako azpiegitura garrantzitsuen kontra. Olga Tarnovska Kieven bizi den analistarekin eta Albert Sort Moskun bizi den kazetariarekin aztertu du gaia ETBk.
AEBk eta Kanadak ez dute merkataritza-akordiorik lortu, eta % 50eko muga-zergak mantenduko dira
Ameriketako Estatu Batuetako Gobernuak Kanadako ibilgailuen gaineko muga-zergak % 15era eta altzairu eta aluminioarenak % 25era murriztea onartu bazuen ere, larunbat honetan % 50eko kargak sartu dira indarrean.
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.