Sébastien Lecornu makronistaren gobernuaren aurkako bi zentsura-mozioek porrot egin dute
Ezkerreko LFIk aurkeztutako mozioa babestu du Marine Le Penen eskuin muturrak baina, hala ere 271 boto lortu ditu, aurrera egiteko behar zituen 289 botoen azpitik; Le Penen Bilgune Nazionalak aurkeztutakoak, berriz, 144 boto lortu ditu.
Sébastien Lecornu, gaur, Asanblea Nazionalera iritsi denean. EFE.
Frantzia Intsumisoaren ezkerrak (LFI) eta Marine Le Penen eskuin muturrak Sébastien Lecornuren bigarren gobernuaren aurka aurkeztutako bi zentsura mozioek ez dute makronista erorarazteko nahikoa babes lortu Asanblea Nazionalean.
LFIren mozioak, Marine Le Penen eskuin muturrak babestuta ere, 271 boto lortu ditu, aurrera egiteko behar zituen 289 botoen azpitik; eta Le Penen Bilgune Nazionalak aurkeztutakoak, berriz, 144 boto.
LFIk, komunistek, berdeek eta eskuin muturrak iragarria zuten LFIren mozioa babestuko zutela; Errepublikanoek eta, batez ere, Alderdi Sozialistak, ordea, kontrako bidea hartu dute, oro har.
Horrela, Bilgune Nazionalak hemezortzi botoko tarte estuagatik soilik baztertu du LFIk gobernuaren aurka aurkeztutako zentsura mozioa, Alderdi Sozialistak Lecornuri aukera bat emateko hartutako erabakiari esker. Babes hori ez diote musutruk eman, ordea, sozialistek, trukean pentsioen erreforma 2028ko urtarrilera arte (2027ko udaberrirako aurreikusitako presidentetzarako hauteskundeak pasa arte behintzat) bertan behera utziko duela hitz eman die Lecornuk.
Euren mozioak jasotako zartakoaren ostean, Mathilde Panot LFIko Asanblea Nazionaleko taldeburuak iragarri du Emmanuel Macron Frantziako presidentea kargutik kentzeko beste mozio bat aurkeztuko dutela.
Panotek, halaber, Alderdi Sozialistako ekintzaile eta boto-emaileei dei egin die Olivier Faureren buruzagitza sozialistatik aldentzeko". Faurek, bere aldetik, LFIren zentsura mozioaren alde bozkatu dutenen "hipokrisiaren" aurka egin du.
"Hipokrisia dago Asanblea honetan", izan ere, zentsura mozioa babestu dutenek "badakite, onartuko balitz, gobernuak bere aurrekontua lege berezi baten bidez ezarriko lukeela, eta borrokatzen omen duten horren aurkako guztia Frantziako herriari inposatu egingo litzaiokeela", 2026rako Estatuaren kontuak negoziazio parlamentarioan aldatzeko aukerarik eman gabe.
Bestalde, Jordan Bardella Bilgune Nazionala ultraeskuindarraren presidenteak deitoratu duenez, "gehiengo negoziatzaileak bere posizioak salbatzea lortu du gaur, interes nazionalaren kaltetan", eta sare sozialetan iragarri duenez, frantziarrak dira "aurrekontu zigortzaile baten sarraski sozial eta fiskala jasateko prestatzen ari direnak".
"Gaur mozioari uko egin dioten guztiak izango dira herrialdearen etorkizuneko sufrimenduaren erantzule", esan du Bardellak.
Zure interesekoa izan daiteke
13 urteko kartzela zigorra ezarri diote Berlinen turista bilbotar bat larri zauritu zuen atentatuaren egileari
Erasoa iazko otsailean gertatu zen, Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren.
Macronek eta EBk babesa adierazi diote Espainiari, Trumpen mehatxu komertzialen aurrean
Sanchezek esker ona adierazi du, EBko erakunde nagusietako presidenteek eta Europako bazkideek (Frantziak, esaterako) laguntza eskaintzeko dei eta mezuak bidali dizkiotelako.
Israelek Iranek izendatutako edozein buruzagi hil egingo duela ohartarazi du Israel Katz Defentsa ministroak
Israelgo aireko armadak asteartean eraso egin zion Ali Khamenei aiatolaren ondorengoa aukeratzeko Adituen Batzordea biltzekoa zen eraikinari, Qom hiri santuan, izendapen prozesua etenarazteko ahaleginean. Hala ere, une horretan 88 erlijio-gizonak ez zeuden eraikinean bilduta.
Trumpek Espainiarekin duen merkataritza-harremana etengo duela mehatxu egin du, Irango gerrarekiko duen jarreragatik
Espainiako Gobernuak Trumpi erantzun dio, eta nabarmendu diu NATO eta Europako Defentsa konpromisoak bete egiten dituela. Era berean, ohartarazi dio EBren eta AEBren arteko akordioak errespetatu beharko dituela, aldebiko harremanak berrikusi nahi baditu.
Sidenor auziko epaileak mediku palestinar bat onartu du biktima eta akusazio partikular gisa
Akusazio partikular horrekin, Sidenorreko hiru arduradunak kontrabando delituaz gain, genozidio delituaren, gizateriaren aurkako delituaren eta gatazka armatuan babestutako pertsonen eta ondasunen aurkako delituan konplize gisa ikertu ahal izateko baldintza beteko litzateke. Fiskalak Sidenorreko erregistroak baliogabetzeko eskatua zuen, eta kontrabandoa ez beste delituen akusazioak erretiratzea, hain zuzen ere, baldintza hori betetzen ez zelako. Ikusteko dago, orain, ikerketak zer norabide hartuko duen.
Von der Leyenek Ekialde Hurbileko krisiaren "ondorioei" aurre egiteko prest egotea eskatu dio EBri
Frantzia prest agertu da Iranen erasoen aurrean Golkoko eta Jordaniako herrialdeen defentsan parte hartzeko, eta Alemaniak, berriz, baztertu egin du Iranen aurkako erasoarekin bat egitea, eta bere tropek eskualdean duten papera autodefentsara mugatuko du.
Israelek Iranen lur azpiko kuartelei eraso die, Teheranen
Israelgo Armadaren arabera, 100 eraso baino gehiago egin ditu lurpeko kuartelen kontra, eta jaurtitzeko baseak eta misil balistikoak ere suntsitu ditu. Azpimarratu duenez, "behar beste denbora" iraungo du gerrak . Larunbatetik, 555 pertsona hil dituzte Iranen, Ilargi Gorriaren arabera.
Petrolioaren prezioak gora egin du eta gorabeherak daude itsas eta aire trafikoan, Ormuzko itsasarteko tentsioaren ondorioz
Ontzi enpresa nagusiek ez dute handik igaro nahi, eta zer gertatuko zain daude. Halaber, 3.000 hegaldi baino gehiago bertan behera utzi dituzte asteburuan, Ekialde Hurbileko gatazka lehertu denetik.
Albistea izango dira: Gatazka Iranen, Makina-Erremintaren Azoka eta martxoaren 3aren aurreko eguna
Gaurkoan Orain-en albiste izango direnen laburpena, bi hitzetan.
Hezbollak Libanotik eraso dio Israeli, eta Israelgo Armadak Beirut bonbardatu du
Donald Trump AEBko presidenteak Venezuelaren antzeko trantsizioa proposatu du Iraneraok, eta erasoaldiak "lau aste edo gutxiago" iraun dezakeela adierazi du.