AEBk % 10era jaitsiko ditu fentaniloagatik Txinari ezarritako muga-zergak; trukean, Pekinek lur arraroen esportazioen gainekoak bertan behera utziko ditu
Ameriketako Estatu Batuetako presidenteak iragarri du akordioa, 2019tik Txinako buruzagiarekin izandako lehen bileraren ostean. Halaber, Txinak soja estatubatuarra berriz kantitate handitan erosiko du, eta fentaniloaren trafikoaren aurkako kontrolak indartuko ditu. Xi Jinpingek, berriz, epe luzerako lankidetza eskatu dio AEBri, "gurpil zoro batean ez erortzeko".
Donald Trump AEBko presidenteak iragarri du % 20tik % 10era murriztuko dituela fentaniloagatik Txinako produktuen gainean ezarritako muga-zergak, sei urtez elkartu barik egon eta gero, Xi Jinpingekin egin duen lehen bileraren ostean. Ia bi ordu iraun duen bilerak balio izan du bi potentziak elkarrengana hurbiltzeko eta adostasunetara heltzeok.
'Air Force One' ontzian, Washingtonera bidean zeogela, Trumpek zehaztu du murrizketa horrekin AEBk Txinako produktuen gainean ezarriko dituen kargak nabarmen jaitsiko direla, eta Xik fentanilo trafikoaren gaineko kontrolak indartzeko konpromisoa hartu duela adierazi du.
Buruzagi errepublikanoak azaldu duenez, neurriak "Txinaren lankidetza saritzen du", eta aldebiko harremanetan "aro berri bat irekitzea" du helburu. Gainera, iragarri du Pekinek AEBko soja erosteari ekingo diola berriro.
Presidente estatubatuarrak adierazi du bilera "zoragarria" izan dela, eta bilerari 10etik 12ko nota eman dio. Azaldu duenez, Txinak konpromisoa hartu du urtebetez lur arraroen esportazioari mugak jartzeari uzteko.
Trumpek eta Xik datorren urteko apirilean Txinan berriro biltzea adostu dute, baina AEBko presidenteak argitu du ez dutela Taiwanen auzia aztertu. Busango bilera Asia-Pazifikoko Ekonomia Lankidetzarako Foroaren (APEC) atarian egin dute, Hego Koreako Gyeongju hirian.
Iturri diplomatikoek azpimarratu dutenez, hurbilketak tonu-aldaketa ekar lezake munduko bi ekonomia handienen arteko harremanean, baina konpromisoak datozen hilabeteetan zehaztu beharko direla ohartarazi dute.
Xi Jinpingek epe luzerako lankidetza eskatu dio AEBri
Txinako presidente den Xi Jinpingek epe luzerako lankidetzan azpimarra jartzeko eskatu dio AEBri, errepresalien "gurpil zoroan ez erortzeko", Xinhua agentzia ofizialak zabaldutako informazioaren arabera.
Azaldu duenez, Txinak "ez du herrialde bat ordezkatu edo desafiatu nahi" eta Txinaren lehentasuna "lana ondo egitea eta garapenean zentratzea" dela azaldu du.
Xehetasunetan sartu gabe, bi herrialdeek "akordioak" lortu dituztela nabarmendu du buruzagi txinatarrak. Trumpek egin bezala, Xi Jinpingek ere positiboki baloratu du bilera.
Zure interesekoa izan daiteke
Nick Reiner atxilotu dute, Rob Reiner zinemagilearen eta Michel Singerren semea, gurasoen heriotzarekin lotuta
Zinema zuzendaria eta bere emaztea hilda agertu ziren igande honetan Brentwoodeko bere egoitzan, Los Angelesen, Estatu Batuetan.
Nazioarteko Zigor Auzitegiak Palestinako auzia ikertzen jarraituko du, Israelen helegitea baztertu baitu
Israelgo Gobernuak ikerketa bere gain hartu nahi zuen, eskumena zuela argudiatuta. Argudioa errotik ukatu du Zigor Auzitegiak, eta hala, Fiskaltzak ikertzen jarraitu ahalko du.
EBk asumitu du Ukraina behartuko dutela NATOri uko egitera, eta haren segurtasuna babesteko konpromisoa hartu du
Europako iturriek azaldu dutenez, behin bake-akordioa lortuta, Ukrainaren etorkizuneko segurtasuna bermatzeko neurriak zehazteko lan “serioak” daude abian.
Adierazpen-askatasunak okerrera egin du munduan: % 10, 2012tik
Lehen Mundu Gerran edo Gerra Hotzaren unerik txarrenean izandako beherakadaren pareko da azken urteotakoa. 2022-2025 epean, 185 kazetarik galdu dute bizia, aurreko lau urteetan baino % 67 gehiago.
Kast, Txile demokratikoan boterera iritsi den lehen pinochetista
59 urteko Alderdi Errepublikanoaren burua datorren martxoaren 11tik aurrera delinkuentziaren eta migrazio irregularraren aurkako programa neoliberal bat ezartzeko prestatzen ari da, igandeko hauteskundeetan Jeannette Jara ezkertiarrari tarte handiz irabazi ondoren.
Jose Antonio Kast ultraeskuindarrak irabazi ditu Txileko hauteskundeak
Kastek iragarri du migratzaileak masiboki kanporatuko dituela, migrazioa delitu gisa tipifikatuko duela eta segurtasun goreneko kartzelak eraikiko dituela.
Atzerrian dauden israeldarrei kontuz ibiltzeko eskatu die Gobernuak, Sydneyko erasoaren imitatzaileak egon daitezkeelakoan
Janucaren ospakizuna bertan behera geratu da Moskun eta juduen gurtza lekuen segurtasuna indartzea erabaki du Frantziako Gobernuak.
Zelenski Trumpen ordezkariekin bildu da Berlinen, bake akordioa negoziatzen jarraitzeko
Lehen informazioen arabera, Ukraina prest legoke NATOn sartu gabe geratzeko, Errusiak berriz ere erasotzea eragotziko luketen segurtasun bermeak ematen badizkote. Astelehenean berriz ere bilduko dira bi aldeak.
Australiako hondartza bateko juduen festa batean izandako eraso batek gutxienez 16 hildako eta 40 zauritu utzi ditu
Poliziak erasotzaileetako bat hil du, eta bestea atxilotu egin dute, hil ala biziko egoeran. Poliziak uste du aita-semeak zirela. Bondi hondartzan jazo da erasoa, 2.000 pertsona inguru bildu dituen juduen ospakizun batean.
Bi hildako eta bederatzi zauritu Rhode Islandeko unibertsitate batean izandako tiroketan
Zaurituetako bat egoera kritikoan dago. Poliziak atxilotu egin du susmagarri nagusia.