Gobernu federala berriz irekitzeko akordioa lortu dute AEBko Senatuan, bost astez itxita egon ostean
Zortzi senatari demokratak errepublikanoekin bat egin dute neurria desblokeatzeko. Horri esker, 4.000 langile federal baino gehiago itzuliko dira lanera, eta Administrazioa finantzatuko dute 2026ko urtarrilera arte.
Ameriketako Estatu Batuetako (AEB) Senatuak akordioa lortu du Gobernu federala berriro martxan jartzeko, duela bost astetik itxita baitago. Neurriak aurrera egin du aldeko 60 botorekin eta kontrako 40rekin, gutxiengo demokratako zortzi senatarik errepulikanoen blokearekin bat egin baitute.
Dick Durbin (Illinois), Angus King (Maine), Catherine Cortez eta Jacky Rosen (Nevada), John Fetterman (Pennsylvania), Tim Kaine (Virginia), Jeanne Shaheen eta Maggie Hassan (New Hampshire) senatari demokratek babestu dute proposamena.
Proiektuaren bidez, eraikuntza militarra, beteranoentzako programak, Defentsa eta Nekazaritza departamentuak eta botere legegilea finantzatu ahal izango dira 2026ko irailaren 30era arte. Era berean, behin-behineko neurri bat ere jaso da, Administrazioaren gainerakoa datorren urteko urtarrilaren 30era arte martxan egon dadin eta itxialdian kaleratutako 4.000 langile federal baino gehiago lanera itzuli daitezen, The Hill AEBko hedabideak jakinarazi duenez.
Hori gauzatu baino lehen, proposamena Ordezkarien Ganberak onartu beharko du, eta Donald Trump presidenteari bidali, sinatu behar du eta. Bozketa egin baino ordu batzuk lehenago adierazi duenez, "itxieraren amaieratik oso gertu" zeudelakoan zegoen.
Gobernuaren blokeoak ondorio nabariak izan ditu herrialdeko ekonomian eta zerbitzu publikoetan. Hilaren hasieran amaitu ziren Nutrizio Laguntza Osagarriaren Programaren funtsak, eta milioika pertsona daude programa horren mende. Gainera, aire-kontrolatzaileen faltak milaka hegaldi bertan behera uztea eragin du, eta gobernuaren jardueren paralisiak, berriz, BPGaren hazkundea 2025eko laugarren hiruhilekoan murriztea, Kevin Hassent Etxe Zuriko Ekonomia Kontseilu Nazionaleko zuzendariaren arabera.
Zure interesekoa izan daiteke
Erresuma Batuko Justiziak legez kanpokotzat jo du Palestine Action taldea debekatu izana
Londresko Auzitegi Goreneko hiru epaileek adierazi dutenez, 2020an sortutako taldeak "delituzko metodoak" erabiltzen baditu ere protestak egiteko, bere taktikek ez dute legean ezarritako baremoa betetzen terrorista gisa sailkatu ahal izateko. Betoa indarrean sartu zenetik, 2.700 pertsona baino gehiago atxilotu dituzte Palestine Actioni babesa emateagatik. Horietako asko adineko helduak dira, eta babesa adierazteko pankarta bat eramate hutsagatik atxilotu dituzte.
Nils eta Oriana ekaitzek kalte handiak eragin dituzte Europa hegoaldean
Azken orduetan Nils eta Oriana ekaitzek uholdeak, 150 km/h-tik gorako haize-boladak, milaka pertsona argindarrik gabe... utzi dituzte Europa hegoaldean. 2026. urtea hasi denetik inpaktu handiko bederatzi ekaitz iritsi dira Europara.
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".
"Araudia sinplifikatzea" aztertzen ari da EB, ekonomia suspertzeko
Ursula von der Leyen Europako Batzordeko presidenteak agindu du "araudia sinplifikatzeko ahalegina" egingo dutela, baina, aldi berean, beharrezkotzat jo du herrialde bakoitzak bere lege prozedurak arintzea.
Lotsa bortxatzaileek sentitu behar dutela esan du Gisele Pelicotek epaiketa ondoren emandako lehen elkarrizketan
Xabier Ormazabal Parisko korrespontsalak Pelicotek emandako elkarrizketa jarraitu du. Ez da damutzen epaiketa ateak zabalduta egiteaz eta lotsa bere bortxatzaileek sentitu behar dutela dio. Asteartean 'Eta bizipoza' liburua kaleratuko du.
Minnesotako immigrazio agenteen hedapen masiboaren amaiera iragarri du Trumpen Gobernuak
Tom Homan Donald Trump presidentearen "mugako tsarra" deiturikoak baieztatu egin du estatuan zabaldutako operatibo bereziak atzera egingo duela pixkanaka, gobernadorearen oposizioaren eta bizilagunen mobilizazioen ondotik.
Kaskoa argazkiz janzteagatik ezarritako zigorrak olinpismo modernoaren bazterrak astindu ditu
Nazioarteko Batzorde Olinpikoak Vladyslav Heraskevych skeletonista ukrainarra kanporatu du Neguko Jokoetatik, gerran hildako kirolari ukrainarren argazkiak zituen kasko batekin lehiatzeagatik, neutraltasun politikoaren arauak urratzen zituela iritzita.
Ikatza erabiltzea sustatuko duela agindu du Trumpek, eta 175 milioi dolar bideratuko ditu erregai horren instalazioetara
Ameriketako Estatu Batuetan ikatzaren erabilerak behera egin du azken urteetan, 2007an goia jo ondoren. 2022an, ikatz bidezko elektrizitate ekoizpena ia % 20 izan zen herrialdean.
NATOk 'Artikoaren Zaindaria' operazioa abiatu du Groenlandiako krisiaren ostean presentzia militarra indartzeko
Misioa Ruttek eta Trumpek adostu zuten, aliantzak eskualdeko defentsaren erantzukizun handiagoa bere gain hartu behar zuelakoan.
Estatu Batuen eta Iranen arteko negoziazioei buruzko informazioa jaso du Netanyahuk, Trumpekin bildu aurretik
Asteazken honetan Marco Rubio Estatu idazkariarekin eta Donald Trump presidente estatubatuarrarekin bildu atarian, Israelgo lehen ministroa Steve Witkoff eta Jared Kushner Ameriketako Estatu Batuetako ordezkariekin elkartu da.