Iranek salbuespenak egingo ditu Ormuzen, erasoa lurrez ere egin ala ez aztertzen dabil AEB, eta Israelek Libano hegoaldera tropa gehiago bidaliko ditu
Teheranek Ormuzko itsasartean zehar 20 petrolio-ontzi ibili daitezen ahalbidetuko du. AEBk tropak ugaritu ditu inguru horretan, eta lurreko erasoaldia etortzear egon daiteke.
Donald Trump AEBko presidenteak ziurtatu duenez, Iranek Ormuzko itsasartetik igarotzen utziko die 20 petrolio-ontziri. Trumpek uste du erabakia AEBren aldeko keinu bat dela, eskualdean tentsioa areagotu duen gatazka baten erdian.
Neurria "oparitzat" eta "errespetu seinaletzat" jo du AEBko agintariak, eta Teheranekin negoziazioak aurrera doazela eta laster akordio bat lor dezaketela nabarmendu du.
Lurreko erasoaldia
Washingtonek 50.000 soldadu baino gehiago ditu Ekialde Hurbilean, ohi baino 10.000 gehiago, The New York Timesek argitaratutako informazioaren arabera. Lurreko tropak, itsas unitateak eta eskualdeko hainbat puntu estrategikotan dauden aireko baliabideak daude bertan.
Gainera, duela gutxi Itsas Armadako milaka marine eta langile bidali izanak, eraso anfibioko ontziekin batera, estatubatuarren ahalmen operatiboak indartu ditu. Horien artean USS Tripoliren hedapena nabarmentzen da, 3.500 soldadu gehiagorekin eta aireko eta taktikako laguntzarekin.
Testuinguru horretan, The Washington Post egunkariak jakinarazi du Pentagonoa Iranen lurreko inbasioari ekitea ala ez aztertzen ari dela. Operazioa ez litzateke eskala handiko inbasioa izango, baizik eta zenbait astetan zehar indar bereziak eta tropa konbentzionalak konbinatuko lituzketen ekintza zehatz batzuk.
Nahiz eta operazio mugatua izan, esku-hartze horrek arrisku handiak ekarriko lituzke. Irango agintariek salatu dutenez, AEBren diskurtsoak bi aurpegi ditu: batetik, eraso bat prestatzen ari dela dirudielako, eta, bestetik, negoziazioez hitz egiten duelako.
Israel Libanon
Bien bitartean, Israelgo iparraldeko frontean, Benjamin Netanyahu lehen ministroak iragarri du Libano hegoaldeko segurtasun-eremua handitu egingo duela. Neurri hori beste urrats bat da Israelek bertan duen presentzia militarrean.
Netanyahuren esanetan, helburua mehatxuak indargabetzea eta herrialdearen aurkako erasoak urruntzea da, bereziki tankeen aurkako misilen jaurtiketa. Hala ere, litekeena da erabaki horrek Israelen estrategia gogortzea eta Libanoko mugan tentsioa are gehiago handitzea.
Zure interesekoa izan daiteke
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Nolakoa da NBEk planteatzen duen munduko mapa berria?
Nazio Batuen Erakundearen Batzar Nagusiak erabaki du mapamundiaren egungo diseinua erabiltzeari uztea kontinenteen tamainarekiko leialagoa den beste bat erabiltzen hasteko. Mapa berrian, adibidez, Afrika handiagoa izango litzateke.
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.