Trumpek "hirugarren munduko herrialde guztietatik" AEBrako immigrazioa etengo du "modu iraunkorrean"
AEBko presidenteak iragarri du "Estatu Batuentzat aktibo garbia ez dena" kanporatu egingo duela. "Karga publikoa, segurtasunerako arriskutsua edo mendebaldeko zibilizazioarekin bateraezina den atzerritar oro deportatuko dut", gaineratu du. Halaber, "tuntuna" deitu dio Washingtongo tiroketari buruz galdera bat egin dion emakumezko kazetari bati.
Donald Trump, artxiboko irudi batean. Argazkia: EFE
Donald Trump Ameriketako Estatu Batuetako presidenteak immigrazioaren aurkako neurriak gogortzen jarraitzen du. Bart, "hirugarren munduko herrialde guztietatik" AEBra doan immigrazioa gelditu eta herrialdearentzat "aktibo garbia" ez den oro herrialdetik kanporatzeko asmoa iragarri du.
"Hirugarren munduko herrialde guztietatik (AEBra) datorren migrazioa modu iraunkorrean etengo dut sistema estatubatuarraren errekuperazioa ahalbidetzeko, Bidenek onartutako legez kanpoko migratzaileen baimenak bertan behera utziko ditut eta Estatu Batuentzat aktibo garbia ez den oro kanporatuko dut", iragarri du Trumpek Truth Social sare sozialean zabaldutako mezu batean.
Trumpek azpimarratu duenez, estatubatuarrak ez direnek jasotzen dituzten "laguntza eta subsidio guztiak" kenduko ditu "lasaitasun nazionala ahultzen" duten migratzaileak desnaturalizatuko ditu. "Karga publikoa, segurtasunerako arriskutsua edo mendebaldeko zibilizazioarekin bateraezina den atzerritar oro deportatuko dut", gaineratu du.
Trumpek "tuntuna" deitu dio emakumezko kazetari bati
Bestalde, Trumpek "tuntuna" deitu dio bart emakumezko kazetari bati, Washingtonen izandako tiroketaren errua Joe Biden presidente izandakoari zergatik leporatzen dion galdetzeagatik. Tiroketa horretan Guardia Nazionaleko agente bat hil zen eta beste bat larri zauritu zen.
Zure interesekoa izan daiteke
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.
Iranek ohartarazi du eskualdeko merkataritza pasabideak itxiko dituela, AEBk Ormuzko blokeoa kentzen ez badu
Joan den larunbateko negoziazioak akordiorik gabe itxi ostean, Irango agintariek baieztatu dute AEBrekin mezuak trukatzen jarraitu dutela azken egunotan, Pakistan bitartekari dela.