Swinneyk Eskoziaren independentziarako bideari berrekingo dio, hauteskundeak gehiengo nahikoarekin irabaziz gero
Eskoziako egungo ministro nagusi eta Eskoziar Alderdi Nazionalistako buru denak, independentzia ardatz hasita ekin dio datorren urteko hauteskundeetarako kanpainari. Maiatzean izango dira bozak.
2026ko maiatzeko Eskoziako hauteskundeetarako bost hilabete falta diren honetan, John Swinney Eskoziako ministro nagusiak iragarri du Eskoziaren independentzia lortzeko aurrerapausoak ematea izango dela bere programa politikoaren ardatz nagusia.
Glasgoweko Zientzia Zentroan egin du abenduaren 8 honetan, Eskoziako Alderdi Nazionalistak (SNP) kanpainako lehen ekitaldi handia, eta bertan, buruzagi nazionalistak ziurtatu du Eskoziak "hasiera berri bat" behar duela bere baliabideak kudeatzeko eta bere norabide ekonomikoa zehazteko.
Swinneyk defendatu duenez, hainbat hamarkadatan Eskoziak ekarpen handia egin dio Erresuma Batuko ekonomiari, baina Londresen hartutako erabakien ondorio txarrak jasan ditu. Horregatik, independentzia lortuz gero, herrialdeak dituen aberastasun energetiko eta fiskalak eskoziarren mesedetean erabili ahal izango liratekeela defendatu du. Izan ere, egungo politikekin iparraldeko energia sektorea "sakrifikatzea" leporatu dio Westminsterreko Gobernuari.
SNPko buruzagiak iragarri duenez, "maiatzeko hauteskundeak gehiengo nahikoarekin irabazten baditugu, beharrezko pausoak emango ditut Eskoziak bere etorkizuna argi eta garbi zehaztu dezan, Eskoziaren nahi demokratikoak errespetatu egin behar direlako".
2011n gehiengo nazionalista batek 2014ko erreferendumari bide ematea ahalbidetu zuela gogorarazi du -ezezkoak irabazi bazuen ere-, eta Eskoziak bere etorkizuna erabakitzeko argudio demokratikoak "eztabaidaezinak" direla azpimarratu du.
Une honetan, beste kontsulta bat egiteko bideak blokeatuta jarraitzen du, Erresuma Batuko Auzitegi Gorenak 2022an ebatzi baitzuen Eskoziako Parlamentuak ezin duela erreferendumik deitu parlamentu britainiarraren baimenik gabe.
Hala ere, maiatzean emaitza sendo bat izanez gero, Londresen gaineko presio politikoa indartzea espero du SNPk.
Zure interesekoa izan daiteke
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.
Trump, Italian eta Espainian dituen tropa estatubatuarrak erretiratzeaz: "Zergatik ez nuke egin behar?"
Ameriketako Estatu Batuetako presidentearen ustez, Europako herrialde batzuek ez diote lagundu behar izan duenean, Washingtonek Ukrainako gerran lagundu arren, AEBrekin "zerikusirik" ez badu ere.
Israelgo Armadak Global Sumud Flotillako 22 ontzi atzeman ditu nazioarteko uretan
Erasoa nazioarteko uretan egin du, Israeldik 1.000 kilometrora. Israelgo Atzerri Ministerioak jakinarazi duenez, 175 ekintzaile atxilotu dituzte. Azken orduetan, Greziako hondartza batean utziko dituztela jakinarazi dute. Israelen eta inguruetan dauden Espainiako enbaxadak aktibatuta daude bertako pasaportea duten atxilotuak artatu ahal izateko.