Zelenskik eta E3ko liderrek aurrerapauso gutxirekin amaitu dute Londresko bilera, "une kritiko" honetan
Ukrainako presidenteak "bakerako urrats txikiak" izan direla esan du, hala ere, eta laster AEBri Trumpen planaren bertsio berrikusia itzultzea espero duela. Bileraren ostean, Ukrainako presidentea Bruselara joan da, bilera izango baitu asteartean Von der Leyenekin, Costarekin eta Rutterekin.
Volodimir Zelenski Ukrainako presidenteak eta Erresuma Batuko, Alemaniako eta Frantziako buruzagiek "bakerako urrats txikiekin" amaitu dute astelehen honetan Londresen egin duten bilera, eta Donald Trump AEBko presidentearen bake planaren bertsio berraztertu bat bihar gauean AEBri itzultzeko itxaropena agertu dute.
"Nik uste dut plana prest egongo dela bihar, arratsaldeko uneren batean. Uste dut errepasatuko dugula eta Estatu Batuei bidaliko diegula", adierazi die Zelenskik hedabideei bilera egin aurretik. Bi dira zehaztu beharreko gakoak: Ukrainaren lurraldetasun egoera eta Kievek gerraostean izango dituen nazioarteko segurtasun bermeak.
Zelenskik, Starmerrek, Emmanuel Macron Frantziako presidenteak eta Friedrich Merz Alemaniako kantzilerrak argi dute Ukrainak "segurtasun berme sendoak" izatearen garrantzia.
Lau buruzagiek jorratu duten beste gaietako bat Ukraina berreraikitzeko aktibo errusiarrak erabiltzeari buruzkoa izan da. Ildo horretan, nabarmendu dute bilerak "aurrerapen positiboa" ekarri duela, eta datozen egunetako bilera gehiago izango direla horren inguruan.
Oro har, buruzagiak bat datoz egoera "une kritikoan" dagoela eta "beharrezkoa dela Ukrainaren babesa areagotzea eta Vladimir Putin Errusiako presidentearen gaineko presioari eustea gerra astakeria honekin amaitzeko".
Nazioarteko bazkideei deia
Zelenskik eta Starmerrek, elkarrekin, Ukrainaren nazioarteko aliatu guztien izenean hitz egin dute, Finlandiari, Italiari, Poloniari, Norvegiari, Herbehereei, Danimarkari, Suediari, Turkiari, Mark Rutte NATOko idazkari nagusiari eta Antonio Costa zein Ursula von der Leyen Europako Kontseiluko eta Europako Batzordeko presidenteei erreferentzia eginez.
"Koordinatzen ari gara Europaren ahotsa gai guztietan kontuan hartzen dela bermatzeko", azaldu du Zelenskik X-eko bere kontuan. Bertan aliatuei "Estatu Batuekin izandako kontaktuen eta gaur egun mahai gainean dauden proposamen guztietan egindako lanaren" berri eman dietela esan du.
Ukrainako presidentea Bruselan da jada, bilera bat egingo baitu bihar Von der Leyen, Costa eta Rutterekin. Bere sare sozialetan, Zelenskik berretsi du une honetan Ukrainaren segurtasunerako lankidetza bereziki "erabakigarria" dela.
Zure interesekoa izan daiteke
Europako Parlamentuak EB-Mercosur akordioa geldiarazi eta Europako justiziara bidali du
Europar Batasunak Hego Amerikarekin duen merkataritza libreko akordio polemikoa blokeko auzitegi gorenera bidaltzearen alde bozkatu du asteazken honetan Europako Parlamentuak, Batasuneko itunekin bateragarria den azter dezan. Bi urte ere jo dezake prozesuak, eta, akordioa ezereztera ere irits liteke.
Timothy Busfield aktorea digitalki ezabatuko dute bere hurrengo filmetik, haurrei sexu-abusuak egin izana leporatu diotela-eta
Urtarrilaren 9an Busfield atxilotzeko agindua eman zen adingabe baten aurkako sexu-abusuak egitea egotzita, eta handik egun batzuetara bera agertu zen agintarien aurrean. Mendekua dela dio, eta adingabeen gurasoek iruzurren historia luzea dutela. Epaile batek bere erantzukizunpean aske uztea agindu du, epaiketaren zain.
Trumpek ez du Macronen proposamena onartu eta ez du G7aren goi bileran parte hartuko
AEBko presidenteak hori erantzun dio G7aren ezohiko goi bileran parte hartzeko Frantziako estatuburuak egindako proposamenari. Trumpek ez du onartu, Parisen, Errusiaren parte-hartzearekin, egingo den bilerara joatea, uste baitu Macroni "gutxi" geratzen zaiola Eliseoan.
Macron, Davosen: "Ez gara kikildu behar Estatu Batuen mehatxuen aurrean"
“Koherentziaz jokatu ezean”, NATO “ahuldutako erakundea” dela ohartarazi du Frantziako presidenteak.
Von der Leyen: "EBk Groenlandiari buruz emango duen erantzuna irmoa, batua eta proportzionala izango da"
Europako Batzordearen presidenteak Artikoko segurtasuna indartzeko inbertsioa handitzea defendatu du.
Trumpek urtebete baino ez du behar izan Estatu Batuak eta munduko ordena hankaz gora jartzeko
Donald Trumpen gobernu pertsonalistak AEBko demokraziaren zutabeak dardarka jarri dituela diote aditu batzuek. Juanma Benitez Columbiako Unibertsitateko irakasleak eta Brett Bruen Barack Obamaren aholkulari ohiak Donald Trumpen bigarren agintaldiko lehen urtearen balorazioa egin dute EITBrentzat.
Muga-zergak eta interbentzionismoa, Trumpen atzerri politikaren gakoak
Protekzionismo ekonomikoa eta beste potentziekiko merkataritza gerrak izan dira protagonista Trumpen bigarren agintaldiaren lehen urtean. Mikel Reparaz EITBren nazioarteko buruak Donald Trumpen kanpo politikaren gakoak aletu ditu, Etxe Zurira iritsi zela urtebete bete den honetan.
Trumpek Groenlandiari buruzko erasoa areagotu du, adimen artifizialak egindako irudiak erabilita, Davosera iritsi aurretik
"Davos interesgarri oso izango da", aurreratu du presidenteak, bere hitzen eta keinuen aurrean ikusminak markatutako goi-bileran.
Israel UNRWAk Jerusalem ekialdean dituen eraikinak suntsitzen hasi da
Israelgo Atzerri Ministerioak erasoa justifikatu du "Israelgo Estatua Jerusalemgo Unrwa konplexuaren jabea" dela esanda. Jonathan Fowler UNRWAren bozeramaileak, bere aldetik, azpimarratu du eraikin multzo hori "Nazio Batuen egoitza" dela.
Sarekadak, deportazioak, inflazioa, langabezia... Horrela aldarazi du Trumpek AEB, urtebetean
AEBko gizartea polarizatuta zegoen duela urtebete, baina arrakala hori are gehiago zabaldu da azken 12 hilabete hauetan. Mikel Reparaz EITBren nazioarteko buruak Trump Etxe Zurira iritsi zenetik AEBko barne politikaren aldaketaren gakoak aletu ditu.