Zelenskik eta E3ko liderrek aurrerapauso gutxirekin amaitu dute Londresko bilera, "une kritiko" honetan
Ukrainako presidenteak "bakerako urrats txikiak" izan direla esan du, hala ere, eta laster AEBri Trumpen planaren bertsio berrikusia itzultzea espero duela. Bileraren ostean, Ukrainako presidentea Bruselara joan da, bilera izango baitu asteartean Von der Leyenekin, Costarekin eta Rutterekin.
Volodimir Zelenski Ukrainako presidenteak eta Erresuma Batuko, Alemaniako eta Frantziako buruzagiek "bakerako urrats txikiekin" amaitu dute astelehen honetan Londresen egin duten bilera, eta Donald Trump AEBko presidentearen bake planaren bertsio berraztertu bat bihar gauean AEBri itzultzeko itxaropena agertu dute.
"Nik uste dut plana prest egongo dela bihar, arratsaldeko uneren batean. Uste dut errepasatuko dugula eta Estatu Batuei bidaliko diegula", adierazi die Zelenskik hedabideei bilera egin aurretik. Bi dira zehaztu beharreko gakoak: Ukrainaren lurraldetasun egoera eta Kievek gerraostean izango dituen nazioarteko segurtasun bermeak.
Zelenskik, Starmerrek, Emmanuel Macron Frantziako presidenteak eta Friedrich Merz Alemaniako kantzilerrak argi dute Ukrainak "segurtasun berme sendoak" izatearen garrantzia.
Lau buruzagiek jorratu duten beste gaietako bat Ukraina berreraikitzeko aktibo errusiarrak erabiltzeari buruzkoa izan da. Ildo horretan, nabarmendu dute bilerak "aurrerapen positiboa" ekarri duela, eta datozen egunetako bilera gehiago izango direla horren inguruan.
Oro har, buruzagiak bat datoz egoera "une kritikoan" dagoela eta "beharrezkoa dela Ukrainaren babesa areagotzea eta Vladimir Putin Errusiako presidentearen gaineko presioari eustea gerra astakeria honekin amaitzeko".
Nazioarteko bazkideei deia
Zelenskik eta Starmerrek, elkarrekin, Ukrainaren nazioarteko aliatu guztien izenean hitz egin dute, Finlandiari, Italiari, Poloniari, Norvegiari, Herbehereei, Danimarkari, Suediari, Turkiari, Mark Rutte NATOko idazkari nagusiari eta Antonio Costa zein Ursula von der Leyen Europako Kontseiluko eta Europako Batzordeko presidenteei erreferentzia eginez.
"Koordinatzen ari gara Europaren ahotsa gai guztietan kontuan hartzen dela bermatzeko", azaldu du Zelenskik X-eko bere kontuan. Bertan aliatuei "Estatu Batuekin izandako kontaktuen eta gaur egun mahai gainean dauden proposamen guztietan egindako lanaren" berri eman dietela esan du.
Ukrainako presidentea Bruselan da jada, bilera bat egingo baitu bihar Von der Leyen, Costa eta Rutterekin. Bere sare sozialetan, Zelenskik berretsi du une honetan Ukrainaren segurtasunerako lankidetza bereziki "erabakigarria" dela.
Zure interesekoa izan daiteke
Iranek AEBri ohartarazi dio akordioa hautsiko duela Libanori eraso egiten jarraitzen badu
Israelek Beiruten gaur erasoa egin ondotik iritsi da negoziazioak hausteko mehatxua. Bien bitartean, Trumpek bere 80. urtebetetzea ospatuko du gaur gauean, eta ordurako akordioa sinatuta egoteko itxaropena zeukan.
Suitzak baztertu egin du biztanleria 10 milioira mugatzea, inkesten arabera
Boto-emaileen % 55ek egin dute Suitzako Alderdi Popularrak sustatutako ekimenaren kontra. Proiektuak immigrazioari muga jarri eta asilo arauak gogortzea zuen helburu.
Trumpek aurreratu du AEBk eta Iranek igandean sinatuko dutela gerrari amaiera emango dion akordioa
Irango Gobernuak, aldiz, baztertu egin du AEBrekin datozen 24 orduetan akordioa sinatuko duenik, Pakistango lehen ministroak eta Trumpek berak gaur bertan esandakoa ukatuz. "Datozen egunetan" itxiko dute ituna, zehaztu duenaren arabera.
'Niño Guerrero' Tren de Aragua Venezuelako bandaren liderraren heriotza iragarri du Trumpek
Donald Trump AEBko presidenteak iragarri du Hector Guerrero Flores 'Niño Guerrero' hil dutela. Guerrero Tren de Aragua talde terroristaren burua zen, AEBren arabera. Operazioa Venezuelako Gobernuarekin batera egin dute, Bolivar estatuan.
Iranen eta AEBren akordioa gertu egon daiteke: Pakistanek baieztatu du testua adostu eta lanean jarraitzen dutela
Negoziazioetan bitartekari lanetan ari den Asiako herrialdeko lehen ministroak adierazi du buru-belarri ari direla negoziatzen. Bi aldeek akordioa "gertu" dagoela onartu dute, baina ez datoz bat edukietan. Iranen hitzetan, ez dute nuklearrei buruz hitz egingo akordioa indarrean sartu arte. AEBk, aldiz, testuak bere helburuak betetzen dituela dio.
Albiste izango dira: EBko Migrazio eta Asilo Ituna, EHUren gradu eta graduondo amaierako ekitaldia San Mamesen eta ibilgailu elektriko berriaren aurkezpena Gasteizko Mercedesen
Gaurkoan Orain-en albiste izango direnen laburpena, bi hitzetan.
EBko Migrazio eta Asilo Ituna indarrean sartu da, horren inguruko zalantzen artean
Arau berriak ezartzen dira estatu kideen artean erantzukizunak banatzeko, asilo- eta itzulketa-prozedurak azkartzen ditu, eta Europar Batasuneko kanpo-mugetako kontrolak indartzen ditu.
Trumpek bertan behera utzi ditu Iranen aurkako erasoak, akordioaren "azken puntuak" adostu ostean
AEBko presidentearen arabera, bi aldeek "akordioaren azken puntuak" onartu dituzte, otsailaren 28an piztutako gatazka armatuari amaiera emateko asmoz. "Itsas blokeoak indarrean jarraituko du transakzio hau amaitu arte; sinaduraren data eta lekua laster iragarriko dira", esan du.
Istiluak izan dira Belfasten, bigarren gauez jarraian
Poliziak ur kanoiak erabili ditu manifestariak sakabanatzeko, Belfasten eta Glengormleyn, horiek agenteei harriak eta botilak jaurti ostean. Derry, Newtownabbey eta Stormont hirietan ere protestak eta istiluak izan dira.
Futbola eta geopolitika: Mussoliniren Munduko Kopa, Maradonaren mendekua eta Frantzia multikulturalaren arrakalak
Futbola, eta bereziki Munduko Txapelketak, historikoki helburu politikoekin erabili izan dira, kirolaren esparrutik harago doazen xedeetarako. Historian zehar horren adibide ugari izan dira.