Donald Trump, Europako agintariei buruz: "Ahulak direla uste dut, ez dakite zer egin"
Elkarrizketa egin diote AEBko presidenteari Politico hedabide espezializatuan, eta aho-bizarrik gabe hitz egin du. Ukrainako gerrari buruz, Zelenskik "esnatu" egin beharko duela uste du.
Donald Trump, artxiboko irudi batean. Argazkia: EFE.
Donald Trump AEBko presidenteak Europar Batasuna (EB) pertsona "ahulek" gidatutako "gainbeheran" dauden herrialdeen taldea dela esan du, Politico hedabide espezializatuan eman duen elkarrizketa batean. "Ahulak direla uste dut. Baina politikoki hain zuzenak izan nahi dute, ezen ez dakite zer egin ere. Europak ez daki zer egin", adierazi du Trumpek Europako buruzagien gainean.
Ukrainako gerrari dagokionez, AEBko agintariaren esanetan, Europako liderrek "hitz egiten dute, baina, egin, ez dute ezer egiten", eta bitartean "gerrak jarraitu egiten du". AEBko presidentearen iritziz, "Europa ez da lan ona egiten ari, alderdi askotan".
Bestalde, Trumpek Volodimir Zelenski Ukrainako presidentearen aurka ere egin du. "Esnatu eta gauzak onartzen hasi" beharko duela esan du. Agintari estatubatuarra haserre agertu da ukrainarrarekin; haren ustez, "ez du irakurri ere egin" gerrari amaiera emateko egindako azken proposamena.
Zelenski Erresuma Batuko, Frantziako eta Alemaniako buruzagiekin bildu zen astelehen honetan Londresen, eta Europako kideek gerrari irtenbidea aurkitzeko "jarrera bateratua" dutela adierazi zuen. Ukrainako presidenteak azpimarratu zuen Ukrainak ez diola Errusiari lurralderik emango. Astearte honetan bertan beste bake plan bat aurkeztea espero du.
Politico hedabideak egindako elkarrizketan, Trumpek adierazi du Ukrainak hauteskundeak lehenbailehen egitea nahi duela. "Uste dut hauteskundeak egiteko unea dela. Hauteskundeak egitea saihesteko gerra erabiltzen ari dira aitzakia gisa, baina uste dut Ukrainako herriak aukera hori izan beharko lukeela. Agian Zelenskik irabaziko luke. Ez dakit", esan du.
Zure interesekoa izan daiteke
Irango zenbait ontzik “arazorik gabe” Ormuzko itsasartea zeharkatu dute, AEBen eta Iranen arteko akordioa iragarri ostean
Hiru petrolio-ontzi eta lehen beharrizanezko produktuak garraiatzen zituzten beste bi merkantzia-ontzi izan dira itsasartea zeharkatu dutenak.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak 16 urtetan ezarri dute sare sozialetan sartzeko gutxieneko adina. Frantziak 15 urtetan ezarri zuen, eta Espainiak ere 16 urtetan jartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.