AEBk hirugarren petrolio-ontzi bat atxiki du Venezuelan
Bigarren ontzia abordatu ondoren, Venezuelako Gobernuak "pirateria" ekintzatzat jo du gertaera, eta tripulazioaren "bortxazko desagerpena" ere salatu du. Nazio Batuen Segurtasun Kontseiluak bilera egingo du datorren asteartean, hilaren 23an, egoera aztertzeko.
AEBk abordatutako bigarren ontzia. Agentzien bideo batetik ateratako irudia.
AEBko Armadak Bella-1 petrolio-ontzia abordatu du igande honetan Venezuelako kostaldera zihoala, aste honetan Venezuelako uretan itsasontzi baten aurka egindako hirugarren erasoaldian. AEBko Armadak itsas blokeoa ezarri du itsas eremu horretan.
Bella-1 2024ko ekainetik zegoen Estatu Batuetako Altxorraren Atzerriko Aktiboak Kontrolatzeko Bulegoaren (OFAC) zigorpean.
Panamako bandera duen petrolio-ontzia Louis Marine Shipholding Enterprises konpainiari lotuta dago, eta, aldi berean, Irango Guardia Iraultzailearekin ere ba omen du harremana. AEBko Gobernuaren arabera, konpainia horrek "laguntza, babesa edo laguntza materiala eta teknologikoa eman dio Irani".
Petrolio-ontzia Venezuelako kostaldera hurbiltzen ari zen, bere biltegiak kargatzeko asmoz, AEBko indarrek atxiki dutenean, Bloombergeko iturrien arabera.
Abenduaren 10ean Skipper petrolio-ontzia atxiki zuten estatubatuarrek, eta Centuries petrolio-ontzia larunbatetik iganderako gauean atxiki dute.
"Pirateria eta bahiketa"
Hirugarren eraso hau gertatu aurretik, Nicolas Maduroren gobernuak gogor salatu du larunbat honetan AEBk Venezuelako petrolio gordina zeraman "beste ontzi pribatu bat" lapurtu eta bahitu izana; AEBk Karibe itsasoan bi aste baino gutxiagoan konfiskatu duen bigarren petrolio-ontzia, alegia.
Ohar batean, Venezuelako Gobernuak "pirateria" ekintzatzat jo du gertaera, eta tripulazioaren "desagerpen behartua" ere salatu du.
Hego Amerikako herrialdeak ohartarazi duenez, "ekintza horiek ez dira zigorrik gabe geratuko". "Dagozkion ekintza guztiak egingo ditugu, Nazio Batuen Segurtasun Kontseiluaren, beste erakunde batzuen eta munduko gobernuen aurrean salaketa jartzea barne", erantsi dute.
"Estatu Batuetako Gobernuak horrelako praktikekin inposatu nahi duen eredu kolonialistak porrot egingo du, eta garaitua izango da", adierazi du.
Venezuelako Gobernuaren hitzetan, nazioarteko zuzenbidea "gailendu egingo da, eta gertakari larri horien egileek justiziaren eta historiaren aurrean erantzungo dute euren jokabide kriminalagatik".
"Gaur, abenduak 20, egunsentian egindako operazio batean, Estatu Batuetako kostazainek, Gerra Departamentuaren laguntzarekin, Venezuelan porturatu berri den petrolio-ontzi bat atzeman dute", zabaldu du Kristi Noem Segurtasun Nazionaleko idazkariak X sare sozialean.
Noemen esanetan, AEBk "petrolioaren legez kanpoko mugimendua jazartzen jarraituko du, eskualdean narkoterrorismoa finantzatzeko erabiltzen baita".
Asteazkenean, Venezuelak premiazko bilera bat eskatu zion Nazio Batuen Segurtasun Kontseiluari, datorren asteartean, hilaren 23an, Hego Amerikako herrialdearen egoera aztertzeko.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.