Etxe Zuriak ziurtatu du "erabateko eragina" duela Venezuelako behin-behineko Gobernuan
Bien bitartean, Petroleos de Venezuela (PDVSA) enpresa publikoak iragarri du negoziazioak hasi dituela AEBrekin, petrolioa saltzeko.
Karoline Leavitt, gaur, Etxe Zurian. Argazkia: EFE
Delcy Rodriguez buru duen Venezuelako behin-behineko Gobernuan "erabateko eragina" du Etxe Zuriak, eta dagoeneko hasi dira herrialde horretako petrolioa merkaturatzen, itxi berri duten akordio bati esker. Hala ziurtatu du Karoline Leavitt Etxe Zuriko eledunak, gaur hedabideen aurrean egin duen agerraldian. "Noski, une honetan erabateko eragina dugu Venezuelako behin-behineko agintarien gainean", adierazi du.
Haren hitzetan, Donald Trump Ameriketako Estatu Batuetako presidenteak "oso argi" utzi du: "Venezuelak ez du legez kanpoko droga gehiago AEBn sarraraziko, eta ez du talde kriminalik baliatuko, herritar estatubatuarrak hiltzeko, iraganean egin izan duten bezala. Presidentea (Trump) bakerako bere atzerri politika ari da ezartzen, indarraren bidez", zehaztu du.
Hitzok erabili ditu bozeramaileak, Nicolas Maduro presidente venezuelarraren aurka joan den larunbatean egindako operazioa justifikatzeko: narkoterrorismoa leporatuta atzeman, eta New Yorkeko espetxe batera eraman zuten Maduro.
Halaber, Leavittek azaldu du hasi direla Venezuelako petrolioa merkaturatzen, eta, horretarako, munduko petrolio konpainia handienekin eta banketxe nagusiekin hartu-emanetan daudela gaineratu du, "petrolioaren eta hartatik eratorritako produktuen salerosketa-operazioak finantza ditzaten”.
AEBk gaur bi petrolio-ontzi atzeman eta ordu gutxira iritsi da Etxe Zuriaren eledunaren agerraldia: bata, Karibeko uretan harrapatu dute, eta, bestea, Atlantikoan.
Trumpek goizean jakinarazi Washingtonek Venezuelako 30-50 milioi petrolio upel merkaturatzea adostu du Caracasekin.
Negoziazioak
Bien bitartean, Petroleos de Venezuela (PDVSA) enpresa publikoak oharra zabaldu du, AEBrekin negoziazioak hasi dituela jakinarazteko. "PDVSAk jakinarazten du Estatu Batuekin negoziatzen ari dela, petrolioa saltzeko, bi herrialdeen artean dauden merkataritza-harremanen esparruan", idatzi du enpresak Facebook sare sozialean duen kontuan.
Aurreratu duenez, indarrean dagoen araudia errespetatuz ari dira negoziazio prozesua bideratzen, une oro "gardentasuna" eta "bi aldeentzako onura" lehenetsiz.
Venezuelaren "garapen nazionala bultzatzeko" eta "egonkortasun energetiko globalari laguntzeko aliantzak" eraikitzen jarraitzeko konpromisoa duela adierazi du PDVSAk.
Zure interesekoa izan daiteke
AEBren arabera, Venezuelako 150 milioi petrolio upeletik gora saldu dira Maduro harrapatu zutenetik
Chris Wrigt AEBko Energia arloko buruak esan du petrolioaren prezioek uda honetarako behera egitea "epe oso anbiziotsua" da. Aurreikusi dute Ormuzko itsasarte estrategikoan "itsas trafiko esanguratsua" lortu bitartean, energiaren prezioek "altuak" izaten jarraituko dutela.
Libano eta Israelen arteko aurrez aurreko elkarrizketak gaur hasiko dira, Washingtonen, elkarren jarrerak urrun daudela
Hezbollahren buruzagiak Libano eta Israelen arteko negoziazioak gaitzetsi ditu, Israelek 2024ko azaroan adostutako su-etenaren "klausula bakar bat ere" bete ez duela argudiatuta.
Honela gelditu da Hungariako Asanblea Nazionala hauteskundeen ostean
Parlamentu berriak indar kontserbadoreen eta eskuin muturrekoen pisua indartu du, nahiz eta Viktor Orban ultranazionalista agintaritzatik atera.
Nazioarteko Itsas Erakundea: "Inongo herrialdek ez du itsasarteetako joan-etorria oztopatzeko eskubiderik"
Arsenio Dominguez idazkari nagusiak kritika gogorrak egin dizkie AEBri eta Irani; alde batetik, Ormuzetik ontzien joan-etorria blokeatzeagatik, eta, bestetik, ingurutik pasatzeko bidesaria ezartzeagatik.
Leon XIV.a aita santuak "beldurrik gabe" erantzun dio Trumpi
"Ez diot beldurrik Trumpen administrazioari" eta "ahotsa altxatzen jarraituko dut bakea eraikitzeko". Horrela erantzun dio Leon XIV.a aita santuak Estatu Batuetako presidentearen deskalifikazioei.
Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, Irango portuak helmuga edo irteera dituzten ontziei bidea itxiz.
Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.
Peter Magyar, Orbanen nagusitasunari amaiera eman dion kontserbadorea
Arlo ekonomikoan modernizatzaile, eta sozialean, kontserbadore, Magyar gai izan da bere inguruan biltzeko ofizialismoan jada gustura ez zeuden horiek, bai eta oposizio liberala eta, are, progresista ere, Orbanen eta haren Fideszen 16 urteko agintearen ostean, aldaketa gosez zirenak, guztiak ere. Ustelkeriaren kontrako diskurtso indartsuarekin, erakundeak "garbitzera" dator, funts europarrak berreskuratzera eta ekonomia biziberritzera.
Urkulluren ustez, Magyarren garaipena EBrako "itxaropen puntu bat" da, baina adierazi du zuhur jokatu beharko litzatekeela harekin
Iñigo Urkullu lehendakari eta eAtlantic fundazioaren presidenteak adierazi duenez, Europar Batasunaren ikuspuntutik, Magyarrek Orbanen aurrean lortutako garaipena "itxaropen puntu bat" da, baina "nondik datorren" kontuan hartuta, zer politika darabilen ikusi arte itxarotea eskatu du.