Venezuelak bertako eta atzerriko presoak askatuko dituela iragarri du
Jorge Rodriguez Asanblea Nazionaleko presidenteak egin du iragarpena, Venezuelan "bakea eta bizikidetza baketsua sendotzeko" keinu gisa. Espainiako Gobernuko Kanpo Arazoetako ministroak adierazi duenez, Espainiako herritarrak daude askatutako presoen artean; horien artean, 2024an atxilotutako bi bilbotarrak daude.
Jorge Rodriguez Venezuelako Parlamentuko presidente eta chavismoaren negoziatzaileen buruak iragarri duenez, preso "kopuru nabarmen bat" askatuko dute, herrialdean "bakea eta bizikidetza baketsua sendotzeko" keinu gisa. Preso horiek venezuelarrak eta atzerritarrak izango dira, eta ez du zehaztu kopurua.
"Bakea bilatzeko asmo zabala duen gobernu bolivartarraren keinu hori har bedi gure errepublikak bere bizitza baketsua jarrai dezan, oparotasunaren bila, guztiok egin behar dugun ekarpentzat", adierazi du Rodriguezek.
Bere hitzaldian, eskerrak eman dizkie "bizitza osorako, autodeterminaziorako, independentziarako eta bakerako" eskubidea "defendatzeko" beti ondoan egon direnei: Jose Lusi Rodriguez Zapatero Espainiako Gobernuko presidente ohiari, "duela hamar urtetik hona adostasun nazionalaren alde lan egiteko gaitasun guztiak erakusteagatik"; Luiz Inacio Lula da Silva Brasilgo presidenteari, eta Qatarri.
Bi euskal preso Venezuelan
Jose Manuel Albares Espainiako Gobernuko Kanpo Arazoetako, Europar Batasuneko eta Lankidetzako ministroak adierazi duenez, askatutako presoen artean Jose Maria Basoa eta Andres Martinez Adasme bilbotarrak daude, Espainiako herritartasuna duten beste hiru presorekin batera.
Basoa eta Adasme 2024ko irailaren 14an atxilotu zituzten Venezuelan, CNIrekin lotura zutelakoan, eta liberatutako atzerritarren artean egon litezke.
"Egun osoan zehar jarraitzen ari naizen informazioaren arabera, askatze horiek gertatzen ari dira, Jorge Rodriguez Venezuelako Asanblea Nazionaleko presidenteak iragarri duen bezala", eta, "zuhurtzia osoz", askatutako preso horien artean espainiar herritarrak daude, adierazi du Albarasek TVEn.
Ministroak ez du xehetasun gehiagorik eman nahi izan askatutako kopuruaren gainean, baina hori gauzatuz gero "Delcy Rodriguez presidente arduradun berriak Venezuelaren etapa berrian emandako pauso oso positiboa" litzateke.
Zure interesekoa izan daiteke
Kolonbian ekintza militar estatubatuarraren "benetako mehatxua" dagoela ohartarazi du Petrok
Narkotrafikoari aurre egiteko herrialde horrek ez duela nahikoa egiten ohartarazi du berriki AEBko presidenteak, Venezuelari eraso egin ostean. Bi agintariek telefonoz hitz egin zuten asteazkenean.
Ramon Larramendi, Groenlandian bizi den euskal herritarra: "Harridura, beldurra eta haserrea dago; ez gaude salgai"
Abenturak eta esplorazioak 1986an eraman zuten lehen aldiz Ramon Larramendi Groenlandiara, eta han bizi da duela 40 urtetik. Adierazi duenez, Donald Trumpek uhartea erosteko egindako mehatxuek eta desioek aldaketa handia eragin dute groenlandiarren iritzian (% 80, inuitak), duela urte batzuk arte nahiko "pro-amerikarrak" baitziren. Orain, ordea, sentimendu hori "erabateko gaitzespenean eraldatu da".
Lau pertsona hil eta hogeitik gora zauritu ditu Errusiak Kieven guean egindako eraso batean
Defentsa Ministerioak azaldu duenez, "Errusiako presidenteak Novgorod eskualdean duen egoitzaren aurka Kieveko erregimenak abenduaren 29an egindako erasoari" erantzun diote.
Trumpek Mexikon lurreko erasoak iragarri ditu, droga kartelen aurka
AEBko presidentearen arabera, droga kartelak dira Mexiko herrialdea "gidatzen" ari direnak. Bestalde, Trumpek aurreratu du Maria Corina Machado Venezuelako oposizioko buruarekin bilduko dela datorren astean.
Gaur iritsiko dira Madrilera Venezuelak aske utzi dituen bi preso bilbotarrak
Jose Maria Basoa eta Andres Martinez Puerto Ayacuchon atxilotu zituzten, Venezuelako Amazonas estatuko hiriburuan. CNIren eta Venezuelako oposizioarekin lotura izatea leporatu zieten. Espainiako Gobernuak hasieratik ukatu ditu akusazio horiek.
Groenlandiako independentistek AEBrekin "zuzenean" hitz egitea eskatu dute, Danimarka kanpoan utzita
Whashingtonekin akordio bat ixteko aukera ez du baztertzen Naleraq alderdiak, elkartze librearen formula erabilita.
38 pertsona hil dira Iran osora zabaltzen ari diren protestetan
Protestak abenduaren 28an hasi ziren, rialaren balio-galeragatik eta inflazio handiagatik, baina manifestariek Errepublika Islamikoaren amaiera ere eskatu dute. Manifestazioetako batean, pertsona talde batek 2020an AEBk eraildako Qasem Soleimani Guardia Iraultzailearen komandante ohiaren estatua bat eraitsi du.
AEBren esku-hartzeak Venezuelan luze jo dezake, Trumpen esanetan
The New York Times egunkariak egindako elkarrizketa batean, esku-hartze horrek hilabeteak edo urtebete iraun dezakeen galdetu diotenean, buruzagi estatubatuarrak ondorengoa erantzun du: "Askoz denbora gehiago, esango nuke".
AEBren eraso militarrean 100 pertsona hil zirela baieztatu du Venezuelak
Delcy Rodriguezek, Venezuelako presidenteorde exekutiboak, astebeteko dolu nazionala ezarri du biktimak omentzeko.