Delcy Rodriguez Trumpen "aginduetara" dagoela esan du Maria Corina Machadok
Trumpek, bestalde, Machadorekin kontaktuan jarraitzeko asmoa du, eta "errespetu handia" dion emakumea dela esan du, ostegunean Etxe Zurian izandako bileraren ostean.
Donald Trump, AEBko presidentea, eta Maria Corina Machado, Venezuelako oposizioko burua. Argazkia: EFE
Delcy Rodriguez Venezuelako jarduneko presidenteak "ez du inolako akordiorik" Donald Trump AEBko presidentearekin, eta "bere aginduak betetzera mugatzen da", adierazi du Maria Corina Machado Venezuelako oposizioko buru eta Bakearen Nobel saridunak ostiral honetan.
AEBko Administrazioak trantsizio prozesutik kanpo utzi du oraingoz Machado, Venezuelan boterea hartzeko babes nahikorik ez duela iritzita, eta Rodriguezen Gobernuarekin lan egitea erabaki du.
Venezuelako politikaria Trumpekin bildu zen ostegunean, lehen aldiz, Etxe Zurian, eta Nobel Sariaren domina oparitu zion, "esker oneko" keinu gisa, Maduroren atxiloketagatik eta agintariarekin jarrerak hurbiltzeko.
Machado ziur agertu zen bere herrialdean "trantsizio ordenatu bat" egongo dela, baina ez zuen datarik finkatu edo egun zehatzik aurreratu nahi izan, "arduragabekeria izango litzatekeelako".
Edmundo Gonzalez Urrutia nazioarteko herrialde batzuen arabera 2024ko hauteskundeak irabazi zituen hautagaiarekin batera Venezuelara itzultzeko "gogor" lan egiten ari dela adierazi zuen Machadok.
Testuinguru horretan, Venezuelako presidente arduradunak "Trump presidenteari beldurra" diola azpimarratu zuen oposizioko buruak.
Machadorekin "txundituta" geratu dela esan du Trumpek
Trumpek, bestalde, Machadorekin kontaktuan jarraitzeko asmoa agertu du, eta "errespetu handia" dion emakumea dela esan du, ostegunean Etxe Zurian izandako bileraren ondoren.
"Atzo oso bilera ona izan nuen errespetu handia diodan pertsona batekin, eta berak, noski, ni ere errespetatzen nau, eta bere Nobel saria oparitu zidan. Ez nuen ezagutzen, eta txundituta geratu nintzen", adierazi zuen Trumpek.
"Honakoa esan zidan berak: Zortzi gerrari amaiera eman diezu, eta historian inork ez du sari hau zuk baino gehiago merezi. Eta oso keinu polita iruditu zitzaidan. Emakume handia dela uste dut, eta ziur naiz berriro hitz egingo dugula", gaineratu zuen Trumpek.
Zure interesekoa izan daiteke
Israelgo Armadaren tanke batek UNIFILen konboi militar bati tiro egin dio berriro Libanoko hego-ekialdean
Kalibre txikiko 30 bat bala jaurti dituzte Nazio Batuen Libanorako Indar Behin-behinekoak (UNIFIL) Libano hegoaldean duen konboi militar baten aurka, 2024an hitzartutako su-etenari muzin eginda.
Groenlandiako planak onartzen ez dituzten herrialdeei muga-zergak igotzeko aukera iradoki du Trumpek
Errepublikanoak muga-zergak baliatu ditu bere bazkide komertzialen aurkako tresna politiko gisa, eta Brasilgo eta Indiako inportazioen gaineko tasak % 50eraino igo ditu 2025eko urtarrilean Etxe Zurira itzuli zenetik.
Delcy Rodriguez eta CIAko zuzendaria Caracasen bildu ziren ostegunean
Jarrerak hurbiltzeko asmoz, lankidetza ekonomikorako aukerak aztertu zituzten Venezuelako jarduneko presidenteak eta CIAko zuzendariak. Bitartean, Maria Corina Machado Venezuelako oposizioko burua eta Donald Trump AEBko presidentea Etxe Zurian bildu ziren.
Elurrak etxebizitzak estali ditu Errusiako Kamtxatka eskualdean
Gutxienez bi pertsona hil dira Kamtxatkako Petropavlovsk hirian, teilatuetan pilatutako elurra erori eta azpian harrapatuta. Elurteek larrialdi egoera ezartzera eta presoen kamioiak garraio publikorako erabiltzera behartu dituzte tokiko agintariak.
Lecornuk aurrekontuak adosteari uko egin dio eta dekretu bidez onartzea negoziatuko du
Lecornuk eta bere kabineteak aurrekontuen proposamen bat jarriko dute mahai gainean, eta horren inguruan alderdiekin negoziatuko dute, ez hainbeste aldeko botoa eman dezaten, baizik eta dekretu bidez onartu ostean etorriko den zentsura-mozioaren alde ez dezaten bozkatu.
Machado ezagutzea "ohore handia" dela esan du Trumpek, profil baxuko bilera baten ostean
Etxe Zurian ateak itxita egin duten batzarraren ondotik, Machadok Bakearen Nobel sariaren domina eman diola baieztatu du Trumpek sare sozialetan. Bestalde, bilera ondo joan dela nabarmendu du Machadok.
Maria Corina Machadok Nobel sariaren domina eman dio Trumpi
Machadok urrezko marko bat erabili zuen presidenteari oparitu zion Nobel saria jartzeko, eta goiko aldean honako hau idatzi zuen: "esker onez, bakea sustatzeko izan zuen lidergo apartagatik". Errepublikanoak Machado "emakume zoragarria" zela esan zuen Truth Social plataforman, eta Nobel sariaren oparia eskertu zuen, "elkarrekiko errespetuaren erakusle" izateagatik.
Europako hainbat herrialdek Groenlandian tropak zabaltzeko atea ireki dute, "Artikoan segurtasuna mantentzeko"
Europak erreakzionatu egin du Donald Trump AEBko presidenteak Artikoko uharte horren inguruan egindako mehatxuen aurrean.
AEBko indarrek beste petrolio-ontzi bat konfiskatu dute Kariben
Ameriketako Estatu Batuetako kostazainek "Veronica" petrolio-ontzia konfiskatu dute ostegun honetan Karibeko uretan, Washingtonek Venezuelako petrolio gordinari ezarritako blokeoa urratzea egotzita. Seigarren operatiboa izango litzateke, Trumpen Administrazioak Kariben konfiskazioak eta igortutako ontziak blokeatzen hasi zenetik.