Danimarkak eta Groenlandiak NATOk uhartean misio bat egitea eskatu diote Mark Rutteri
Bruselan egindako bileraren ostean, Danimarkako Defentsa ministroak adierazi du AEBk Groenlandia bereganatzeko duen asmoaren ondorioz herrialdeak are beharrezkoagotzat jo duela eskualdearen Defentsan inbertitzea.
Rutte Poulsen eta Motzfeldtekin elkartu da, Groenlandiari buruz hitz egiteko.
Troels Lund Poulsen Danimarkako Defentsa ministroa eta Vivian Motzfeldt Groenlandiako Atzerri ministroa Mark Rutte NATOren idazkari nagusiarekin bildu dira astelehen honetan, Bruselan, eta Aliantza Atlantikoak Artikoko uhartean misio bat egin dezala eskatu diote, Amerikako Estatu Batuek Groenlandia bereganatzeko asmoa agertu ondoren.
Bileraren ondoren kazetarien aurrean egin duten agerraldian ez dute zehaztu zer erantzun dien NATOren idazkari nagusiak, baina "Aliantza Atlantikoa zelan dagoen jakitun" dela jakinarazi dute.
Poulsenek Danimarka, Norvegia, Suedia, Frantzia, Alemania, Erresuma Batua, Herbehereak eta Finlandia parte hartzen ari diren maniobra militarrei buruz ere hitz egin du. Artikoaren defentsan erantzukizun handiagoa hartzeko ahaleginean, Danimarkako Gobernuak daukan "estrategia argiaren" erakusle direla esan du.
Era berean, Donald Trump Ameriketako Estatu Batuetako presidenteak Groenlandia bereganatzeko asmoaren inguruan egindako adierazpenak "benetan mingarriak" izan direla adierazi du. Horren ondorioz, "inbertsioa eta presentzia militarrari dagokionez Europatik gehiago" egiteko eta "AEBri erantzuteko" arrazoiak ugaritu direla adierazi du.
Danimarkako ministroak AEBk NATOn duten presentziaz eta zereginaz ere hitz egin du. Haren ustetan, Washington Aliantza Atlantikotik aterako balitz, Europaren segurtasunak "erronka erraldoia" izango luke aurrean.
Bestalde, sare sozialetan argitaratutako argitalpen batean, Mark Ruttek bilera hori aipatu du, eta "gai garrantzitsu horretan aliatu gisa lanean" jarraituko dutela adierazi du.
Zure interesekoa izan daiteke
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.
Dagoeneko 1.450 pertsona hil dira Venezuelan, lurrikaren ondorioz
Halaber, 3.150 pertsona zauritu dira, 774 eraikin daude kaltetuta edo kolapsatuta, eta, horrek, 12.721 familiari eragin die. Tokian nazioarteko 2.624 erreskatatzaile ari dira lanean, bizirik izan daitezkeen pertsonak bilatzeko.