Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Ez da giro Ekialde Hurbilean. 10 egun badira AEBk eta Iranek bi asteko su etena hitzartu zutela, eta atzodanik, indarrean dago Israel eta Libanoren arteko menia. Nolabaiteko baretze horretan urratsa eman zuen Iranek, eta Ormuzko itsasarte estrategikoa zabaldu zuela iragarri zuen atzo. Lasaitasuna hauskorra da, ordea. AEBk Irango portuei ezarritako blokeoari eusten ziola iragarri eta biharamunean, murrizketak ezarri ditu berriro Teheranek.
"Ormuzko itsasartearen kontrola aurreko egoerara itzuli da, eta bide estrategikoa Indar Armatuen kudeaketa eta kontrol zorrotzaren menpe dago berriro", iragarri du Jatam al Anbiya Kuartel Nagusi Zentralaren bozeramaileak, Tasnim agentziak jasotako ohar batean.
Abisua emana zuen Iranek: Trumpek blokeoari eutsiz gero, itsasartea itxi egingo zuen berriro. AEBk lehengo lepotik mantendu du burua, eta hala, hitza bete du Teheranek.
Azken orduetan, eta Al Yazira kateak jasotako datuen arabera, gutxienez lau ontzik zeharkatu dute itsasartea, tartean petrolio-gas likidotuaren garraioak eta hainbat petrolio-ontzi eta kargaontzi petrokimiko. Gainera, Irango Abiazio Zibileko Agintaritzak jakinarazi du 07:00etatik aireko espazioaren zati bat eta hainbat aireportu ireki dituztela. Aurrerantzean, baina, murrizketa zorrotzak berrezarriko ditu Iranek.
Trump: "Agian ez dut (su etena) luzatuko"
Beste muturrean, soka tenkatzen jarraitu du Donald Trump AEBko presidenteak. Ohartarazi duenez, asteazkena baino lehen gatazkari amaiera emateko akordiorik lortzen ez badu, litekeena da Iranekin adostutako su etena ez luzatzea.
"Agian ez dut luzatuko. Beraz, blokeoa dugu eta, zoritxarrez, bonbak jaurti beharko ditugu berriro ", esan du buruzagi estatubatuarrak.
Bestalde, agintariak argitu du Libano eta Israelen arteko menia ez dagoela Iranekin dituen negoziazioen menpe.
Libanoren eta Israelen arteko su eten hauskorra
Azken horren harira, Libanok salatu du Israelek hainbat urraketa egin dituela, eta L'Orient le Jour hedabidearen arabera, Tel Avivek herrialdearen hegoaldea bonbardatu du. Oraingoz ez dute biktimen berri eman.
Joseph Aoun Libanoko presidenteak baieztatu duenez, tropak lurraldearen hegoaldetik erretiratzeko eskatuko diote Israeli. Sare sozialen bidez egindako adierazpen batean, Aounek azpimarratu du ez duela herrialdearen subiranotasuna urratzen edo lurraldea galtzen duen akordiorik sinatuko.
Zure interesekoa izan daiteke
Libanok eskatuz gero, Hezbollah-rekin hitz egiteko prest dagoela esan du Trumpek
Estatu Batuetako presidentea Israelgo Armada Libano hegoaldetik irteteko negoziazioak bultzatzen ari da. Bitartean, ordea, tropa israeldarrak Libanoko Armadaren aurka tiro egin dute, "ohartarazpen" gisa.
Ia mila hildako Kongon, ebola-agerraldiaren ondorioz
Hilkortasun-tasa % 39,9koa da. Munduko Medikuak erakundeak ohartarazi du testuinguru "oso konplexua" dagoela, gatazkak, herritarren joan-etorriek eta osasun-sistemaren gaitasun mugatuak markatuta, eta "lau epidemiari aldi berean" egin behar dietela aurre: "ebola, kolera, elgorria eta mpoxa".
Andy Burnhamen Gobernua argindarraren gaineko BEZa kentzekotan dagoela iragarri du
Neurria, hein batean, nortasun digitalari buruzko programa martxan jartzeko proiektua bertan behera utzita finantzatuko da. Proiektu horren kostua urtean 600 milioi libera ingurukoa izango zela aurreikusten zen.
Nikaraguako presidenteak iragarri du aurrerantzean ez dela hauteskunderik izango herrialdean
Berez, 2027 azaroan egin beharko lirateke hauteskundeak, baina 2007tik herrialdean agintzen duen Daniel Ortega presidenteak egindako iragarpenak atea itxi die hauteskundeei.
Iranek Ekialde Hurbilean egindako erasoen ondorioz AEBko 100 militar inguru zauritu dira, Pentagonoaren arabera
Pasa den asteburuan Pentagonoak berak baieztatu zuenez, hiru soldadu estatubatuar hil dira Iranek Jordanian eta Iraken egindako erasoetan. AEBko Armadak 10 egun jarraian daramatza Irango helburuen aurka eraso egiten, eta Iranek Jordania, Kuwait, Bahrain eta beste herrialde aliatu batzuetan eraso eginez erantzun du.
Trumpek dio AEBtan ez dutela Netanyahu atxilotuko
Irailean NBEren egoitzara joan daiteke Israelgo lehen ministroa. Zohran Mamdani New Yorkeko alkateak adierazi du Netanyahu "gerra kriminala" dela, eta atxilotzeko aukera aztertzen ari dela.
Huthiek itsas blokeoa ezarri diote Saudi Arabiari, Riadeko "setioari" erantzuteko
Neurria "begia begi truk" dela adierazi dute, saudiarabiarrek Yemenen duela hamabi urtetik duten blokeoari aurre egiteko.
Burnhamek Erresuma Batuko lehen ministro kargua hartu du, eta "eredu politiko eta ekonomiko berria" ezarriko duela agindu du
Etorkizuneko gobernuaren lehentasunen artean aipatu ditu hezkuntza-sistemaren erreforma, osasun mentaleko zerbitzuak indartzea eta etxebizitza subentzionatu gehiago eraikitzea.
AEBk Iran bonbardatu du bederatzigarren gauez jarraian
Iranek, bere aldetik, Estatu Batuek Kuwaiten eta Bahrainen dituen hainbat base militarren aurka egin du, eta Bahrainek aire erasoen aurkako sirenak aktibatu ditu.
Trump Espainiaren ospakizunera batu nahi izan da, baina albo batera utzi dute
AEBko presidente Donald Trump FIFAren buru Gianni Infantinorekin batera igo zen oholtzara, Munduko Kopako garaikurra Espainiako selekzioaren kapitain Rodriri ematera. Agertokia uzteko denbora eman bazioten ere, Trump munduko txapeldunen ospakizunen argazkian ateratzen saiatu zen.