Ia 4.000 hildako eta 9.000 zauritu izan dira Irango protestetan, GKE baten azken balantzearen arabera
HRANAk (Human Righs Activists News Agency) eman du kopuru hori; eta IHRNGOren arabera (Iran Human Rights), berriz, 3.428 dira hildakoak. Gainera, Interneteko zerbitzuak etenda jarraitzen du.
Teheran, protesten ondoren. Argazkia: EFE
Gutxienez 3.919 pertsona hil dira Iranen, abenduaren amaieran herrialdeko hiri nagusietan Gobernuaren aurka hasitako protestetan, HRANA Ameriketako Estatu Batuetan egoitza duen gobernuz kanpoko erakundeak igande honetan argitaratutako azken balantzearen arabera.
GKEak zehaztu duenez, protestekin lotura izan dezaketen beste 8.949 heriotza kasu ikertzen ari dira, beraz, baliteke hildakoen kopurua deklaratutakoa halako hiru izatea.
Agintariek ez dute hildakoen kopurua zein den adierazi, eta beste erakunde batzuek hildakoen kopurua oso azpitik jarri dute. Irango Giza Eskubideetarako Zentroak (IHRNGO), egoitza Norvegian duenak, adierazi du hildakoak 3.428 direla, urtarrilaren 15ean argitaratutako balantzearen arabera.
Zaurituei dagokienez, HRANAk zenbatutako 8.949 kasuetatik 2.109 larri daude. Gainera, 24.669 pertsona atxilotu dituzte.
Bestalde, Gobernuz Kanpoko Erakundeak nabarmendu du Interneteko zerbitzuak etenda jarraitzen duela, eta horrek informazioa biltzea zailtzen duela.
Protestak abenduaren 27an hasi ziren, Teherango Bazar Handian, monetaren balioaren gainbeherarekin lotuta, baina herrialdeko hiri nagusietako klase politikoaren aurkako mobilizazio orokorrak eragin dituzte.
Zure interesekoa izan daiteke
EBko herrialdeak deituko ditu Costak datozen egunetan, Trumpi erantzun bateratua emateko
Igande honetan Europako enbaxadoreekin izandako bileraren ostean, Europako Kontseiluko presidenteak azpimarratu du EBko herrialdeak prest daudela "edozein hertsapenen" aurrean bere burua defendatzeko, baina baita "interes komuneko gai guztietan AEBrekin modu eraikitzailean hitz egiten jarraitzeko ere".
Hautagai sozialista eta ultraeskuindarra igaro dira Portugalgo hauteskunde presidentzialen bigarren itzulira
Antonio Jose Seguro ministro ohi eta sozialisten buruzagi ohiak botoen % 30,53 lortu ditu eta Andre Ventura buruzagi ultraeskuindarrak % 24,59. Portugalgo presidentetzarako hauteskundeen bigarren bozketa otsailaren 8an izango da.
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera egin dute, muga-zergei eman beharreko erantzuna adosteko.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.
Trumpek ezarritako muga-zergei "erantzun bateratua" eman nahi die EBk
Antonio Costa Europako Kontseiluko presidenteak adierazi duenez, Europak "oso jarrera irmoa izango du beti nazioarteko zuzenbidearen defentsan, edonon dela ere, eta, jakina, EBko estatu kideen lurraldetik hasita".