Iranen aurkako zigor gehiago adostu ditu EBk, errepresioa leporatuta
Drone eta misiletarako materialak eskuratzea zailtzea dute helburu, eta, aldi berean, aho batez erabaki dute Guardia Iraultzaile Islamikoa erakunde terrorista izendatzea. Gainera, errusiarren aurkako zigor berriak onartu dituzte, Ukrainako gerrarekin lotuta.
Europar Batasuneko bandera batzuk, Bruselan. Argazkia: Europa Press
Europar Batasuneko (EB) Kontseiluak zigor berriak ezarri ditu gaur, osteguna, Iranen aurka, azken asteotan herrialdean izandako protesten harira. Zehazki, Eskandar Momeni Barne ministro eta Irango Segurtasun Nazionalerako Kontseiluko burua eta Mohammad Movahedi-Azad fiskal nagusia jo dituzte protesten errepresioaren erantzuletzat.
Guztira, Europar Batasunak 15 pertsona eta 6 erakunde zigortu ditu, giza eskubideen urraketa larrien erantzuletzat jo ondoren, Iranen azken asteetan izandako protesta baketsuen errepresio bortitzaren harira.
Neurri horiek, drone eta misiletarako materialak eskuratzea zailtzea dute helburu, "Iranen gaitasuna are gehiago mugatzeko". Gainera, 2022ko otsailean Errusiak Ukrainaren aurkako inbasioa hasi zuenetik, Iranek laguntza diplomatikoa eta militarra eman dio Errusiari.
Testuinguru horretan, Kaja Kallasek, Europar Batasuneko Atzerri Politikarako goi ordezkariak, iragarri du EBko Atzerri ministroek aho batez erabaki dutela Guardia Iraultzaile Islamikoa erakunde terrorista izendatzea: "Errepresioa ezin da erantzunik gabe geratu. EBko Kanpo Arazoetako ministroek Irango Guardia Iraultzailea erakunde terrorista izendatzeko neurri erabakigarria hartu berri dute".
Era berean, EBk errusiarren aurkako zigor berriak onartu ditu, Ukrainako gerrarekin lotuta. Bitartean, Europa Batzordea hogeigarren zigor-sorta prestatzen ari da Errusiaren aurka, Ukrainiaren aurkako inbasioa hasi zenetik lau urte bete direnean.
Zure interesekoa izan daiteke
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek G7ra iristean: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak 16 urtetan ezarri dute sare sozialetan sartzeko gutxieneko adina. Frantziak 15 urtetan ezarri zuen, eta Espainiak ere 16 urtetan jartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordio hau ulertzen du lurraldea "erabat askatu aurreko urrats" gisa eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.
Albiste izango dira: AEBren eta Iranen arteko bake akordioa, Zubietako espetxearen inaugurazioa eta medikuen greba
Gaurkoan Orain-en albiste izango direnen laburpena, bi hitzetan.
Manifestazio jendetsua egin dute Genevan G7ko gailurraren kontra, eta istiluak sortu dira amaieran
Frantziako agintariek ez dute manifestaziorik baimendu, eta, beraz, No G7 taldeak mobilizazioa Genevan egitea eskatu du. Oro har, martxa baketsua izan da. Dena dela, manifestari talde batek harriak eta bengalak jaurti ditu, eta poliziak negar eragiteko gasa bota du.
Libanok NBEn salatu du Israelek herbizidak erabiltzen dituela arma kimiko gisa
"Israelek glifosatoarekin fumigatu zituen 2026ko otsailaren 1ean Libanoko mugako hainbat herri", esan du bertako Gobernuak Antonio Guterres NBEko idazkari nagusiari eta NBEko Segurtasun Kontseiluari zuzendutako gutunean.