AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Jens-Frederik Nielsen Groenlandiako lehen ministroak astelehen honetan ohartarazi duenez, Donald Trump AEBko presidenteak indar militarra erabiltzea baztertu duen arren, Washingtonek helburu estrategikotzat du Artikoko uhartea kontrolpean hartzea.
Groenlandiako Parlamentuan egindako hitzaldi batean, Nielsenek esan du AEBk "Groenlandiaren jabetza eskuratzeko eta haren kontrola izateko bideak" bilatzen jarraitzen duela.
Urte hasieran, Trumpek AEBk uhartea kontrolatzearen alde egindako adierazpenak areagotu zituen, Errusia eta Txina Artikoan egon zitezkeela argudiatuta. Horrek kezka sortu zuen EBko NATOko zenbait aliaturen artean; Danimarkaren eta Groenlandiaren subiranotasunaren alde egin zuten eta aliantzaren barruan haustura-arriskuaz ohartarazi ere.
Ordutik, AEBko presidenteak diskurtsoa leundu du eta atzera egin du indarra erabiltzeko mehatxuetan. Halaber, AEB bertara "erabateko sartzea" lortu duela ziurtatu du, NATOrekin akordio batera helduta; hala ere, horren xehetasunak ez dira publiko egin.
Nielsenek egoera horrek gizartean duen eraginean jarri du arreta. Joan den astean, herritarren osasun mentalari buruzko inkesta bat hasi zutela iragarri zuen, "ezohiko presioko" testuinguruan. "Gure herrikide batzuek lo-arazo larriak dituzte, haurrek helduen kezka eta antsietatea sentitzen dute, eta guztiok ziurgabetasun etengabearekin bizi gara, bihar zer gertatuko den. Hori guztiz onartezina da", salatu du.
Zure interesekoa izan daiteke
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du "eraso militar" baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternarekin, botikinarekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.
Zazpi zauritu, horietako lau larri, Modenan izandako auto harrapaketa batean
Atxikitzen saiatu den pertsona bati laban batekin egin dio eraso gidariak. Lekukoek baztertu egin dute istripua izan denik, "orduko 100 kilometro orduko abiaduran zihoalako autoa, Modena hirigunean".
Blokeoak eragindako krisi energetikoa muturrera eramaten ari da Kuba
NBEk ohartarazi du gaixotasunak hedatzeko arriskua dagoela, eta 100.000 pazientek baino gehiagok ebakuntzak atzeratu dituztela energia eta medikamentu faltagatik.
Israelek eta Libanok su-etena 45 egunez luzatzea adostu dute
Israelen erasoek ez dute etenik izan azken orduotan Libano hegoaldean, eta hainbat hildako eta dozenaka zauritu izan dira. Negoziazioek su-etena finkatzea eta bake itun baten oinarriak finkatzea dute helburu. Ildo horretatik, Beirutek tropa israeldarrak erretiratzea eskatzen du, eta Israelek Hezbollah taldearen desarmea.
Trumpek adierazi du bat datorrela Xi Jinpingekin Irango gerrari amaiera emateko eta Ormuz berriz irekitzeko beharrarekin
Txinako hiriburuan egin den topaketa Irango krisian eta horrek merkataritza globalean dituen ondorioetan oinarritu da, Ormuzeko itsasarteari arreta berezia eskainiz.
Munduko Futbol Txapelketan bero izugarria izan daitekeela ohartarazi du ikerketa batek, eta egutegia berriz planteatzeko eskatu diote FIFAri
2026ko Munduko Futbol Txapelketako partiden laurdenean bero izugarria egin behar du, eta arriskutsua izan daiteke. Estatu Batuek, Mexikok eta Kanadak antolatuko duten txapelketan jokalari eta zaleek izango dituzten arriskuez ohartarazi du ikerketa zientifiko batek.
Xik Trumpi ohartarazi dio Taiwanekiko harremanak "txarto kudeatzea" bi herrialdeen arteko gatazka ekar dezakeela
AEBko eta Txinako presidenteek eta bi herrialdeetako ordezkariek bilera egin dute gaur goizean, sintonia onean. Horren emaitza da Trumpek egin duen iragarpena: hilabete batzuen buruan beste bilera bat egingo dute, Washingtonen.