G7ak eta EBk Ormuzko itsasartea irekitzeko eta inguruko herrialdeak pairatzen ari diren “ondorioak” arintzeko deia egin dute
Mendebaldeko herrialde boteretsuenen Atzerri ministroek, baita AEBkoak ere, “populazio zibilaren eta azpiegituraren aurkako erasoak berehala eteteko” eskatu dute.
G7ko herrialdeek eta Europar Batasunak Ormuzko itsasartea berriro irekitzeko deia egin dute, Atzerri ministroen arteko bilera batean. AEBek eta Israelek Iranen aurka abiatutako gerraren esparruan, Mendebaldeko eragileek eskatu dute herritarren eta azpiegitura zibilen aurkako erasoak "berehala" eteteko. AEBk ere, gatazkaren parte aktiboa izan arren, testua sinatu egin du.
"Ormuzko itsasartean nabigazio libre eta segurua behin betiko berrezartzeko erabateko beharra berresten dugu, Nazio Batuen Segurtasun Kontseiluaren 2817 ebazpenarekin eta itsasoaren zuzenbidearekin bat etorriz", adierazi dute Alemania, Kanada, AEB, Frantzia, Italia, Japonia eta Erresuma Batuko Atzerri ministroek, baita Kaja Kallas EBren Kanpo Politikarako goi ordezkariak ere.
G7ko herrialdeek eta EBk azpimarratu dutenez, "garrantzitsua da eskualdeko kideetan, populazio zibilarengan eta azpiegitura kritikoetan dituen ondorioak arintzea, baita laguntza humanitario koordinatzea ere".
"Populazio zibilaren eta azpiegituraren aurkako erasoak berehala eteteko eskatzen dugu", adierazi dute Marco Rubio Estatu idazkari estatubatuarrak ere sinatutako adierazpenean. Gaur bertan, AEBk Iranen azpiegitura nuklearraren kontrako erasoak egin ditu, Israelekin batera. "Ez dago inolako justifikaziorik gatazka armatuetan zibilei nahita erasotzeko, ezta instalazio diplomatikoei erasotzeko ere", gaineratu dute.
Era berean, "hainbat aliantza osatzeak, ahaleginak koordinatzeak eta ekimenak babesteak dakartzan onurak" jorratu dituzte, bereziki arintzeko "herritarrengan” eta “kate ekonomikoetan, komertzioan eta energiaren eta ongarrien horniduran” eragin zuzena duten krisi ekonomikoak.
Israelen eta estatubatuarren arteko erasoaldia hasi zenetik, Iranek blokeatuta dauka Ormuzeo itsasartea. Bertatik pasatzen ziren, gerra aurretik, itsasoz garraiatutako petrolio eta gas gehien daramaten ontziak. Presio neurri horrek energiaren prezioa garestitzea eragin du.
Zure interesekoa izan daiteke
Trumpek apirilaren 6ra arte luzatu du Ormuzko itsasartea berriro irekitzeko ultimatuma
AEBk Ekialde Hurbilera 10.000 soldadu gehiago bidaltzea aztertzen ari da, Teheranen gaineko presioari eusten dion bitartean eta arazoak luze joko duela ikusita.
Iranek AEBren proposamenari erantzun dio eta bake akordio baterako hainbat baldintza jarri ditu mahai gainean
Teheranek erasoa "ez errepikatzeko baldintzak" eskatzen ditu, eta gatazkaren amaierak "fronte guztiei" eragitea, Libano eta Irak barne.
Israelek iragarri du Alireza Tangsiri Irango Guardia Iraultzailearen Armadako komandantea hil egin duela
Israel Katz Israelgo Defentsa ministroaren arabera, Ormuzko itsasartearen blokeoaren erantzule nagusia zen. Irango agintariek ez dute oraingoz heriotza baieztatu.
Iranek ez du onartu AEBk egindako bake proposamena, "gehiegizkoa" dela iritzita
Irango agintariek behin eta berriz esana dute Ameriketako Estatu Batuek eta Israelek Iranen aurkako "erasoa eta hilketak" gelditu egin behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.