Peter Magyarrek espero du trantsizio "labur eta azkarra" izatea
"Hungariako presidenteak, Tamas Sulyokek, Parlamentua deitu behar du 30 eguneko epean, beranduenez. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
Peter Magyarrek, Hungariako hauteskundeetako irabazleak, esan du trantsizio "labur eta azkarra" espero duela, Gobernua lehenbailehen hartzeko, Viktor Orban lehen ministro ultranazionalista garaitu ostean.
"Hungariako presidenteak (Tamas Sulyok), Orbanen txotxongilo denak, Parlamentua deitu behar du, beranduenez 30 eguneko epean. Lehenbailehen egiteko eskatzen diot, maiatzaren 12ra arte ez itxaroteko", adierazi du Magyarrek hauteskundeak irabazi ostean eman duen lehen prentsaurrekoan.
"Ez dugu denborarik galtzeko, herrialdea lapurtu eta zorpetu dute. EBko herrialderik pobreena eta ustelena gara orain. Hungariarrek aldaketaren alde bozkatu dute. Erregimena aldatu behar izan dugu, orain arte antolatutako talde kriminal batek zuzendu duelako herrialdea", nabarmendu Hungariako lehen ministro izango denak.
Ildo horretan, Magyarrek adierazi du Viktor Orbanen agintariak "dokumentu garrantzitsuak" suntsitzen ari direla "azken 16 urteetan burututako ekintzak estaltzeko"; Gobernuak sinatutako akordio sekretuak, tartean.
Gobernu berrirako dituen planei dagokienez, Magyarrek azpimarratu du Hungariak Europako Fiskaltzan sartzea sinatuko duela, "Aktiboak Berreskuratzeko Bulegoa" sortuko duela Orbanen sistemak bidegabe erabili zituen funtsak aurkitzeko, eta Gobernuaren buruzagitza lau urteko bi agintalditara mugatuko duela.
Hungaria Nazioarteko Zigor Auzitegira itzultzea proposatuko du
Magyarrek iragarri duenez, Gobernura iristen denean, berriro Nazioarteko Zigor Auzitegian sartzea proposatuko du; izan ere, orain arteko gobernuburuak, Viktor Orbanek, hortik ateratzea erabaki zuen iaz.
"Jada ezin dugu irteera prozesua geldiarazi", esan du, "baina Hungaria berriro Nazioarteko Zigor Auzitegira batzeko ahalegina egingo dugu", gaineratu du Magyarrek, Budapesten egindako agerraldian.
Zure interesekoa izan daiteke
Gutxienez 100 pertsona hil dira Afrika Erdiko Errepublikako urre-meategi bateko lur-jausian
Luizia maiatzaren 6an gertatu zen. Hasiera batean, agintariek 11 hildako baieztatu zituzten, baina hainbat egunez biktimak bilatu eta zaurituak artatu ondoren, kopuruak nabarmen egin du gora.
1.700 pertsona konfinatu dituzte gurutzaontzi batean, Bordelen, gastroenteritis agerraldi baten ondorioz
Gastroenteritisak bidaiari baten heriotza eta sintomak dituzten hamarnaka kasu agertzea eragin du. Osasun-agintariak probak egiten ari dira kutsatzearen jatorria zehazteko; elikagai-intoxikazioa izan daitekeela uste da.
Trump Pekinera iritsi da bi eguneko goi-bilerarako, eta Xi Jinpingekin bilduko da
Txinako 20:00ak (Euskal Herriko 14:00ak) pasatxo zirenean, 'Air Force One' hegazkinak lur hartu du. Bertan zihoazen Donald Trump AEBko presidentea, Marco Rubio Estatu idazkaria, Pete Hehseth Defentsa idazkaria eta AEBko multinazional handien ia hogei enpresa-buru.
Trumpek Venezuela AEBko banderaz margotuta ageri den mapa bat argitaratu du, 51. estatu gisa irudikatzeko
Nicolas Maduro Venezuelako presidentea kargugabetu eta urtarrilaren 3an atxilotu zutenetik, Trumpek hainbat aldiz iradoki du herrialdea AEBko estatu izan dadin nahi duela.
Europar Batasunak, Ormuz babesteko, Itsaso Gorriko misioa eta Libanon beste bat zabaltzea planteatu du
Europar Batasunak Kanpo Politikarako duen goi-ordezkari Kaja Kallasen ustez, bi misio horiekin, alde batetik, itsasarteko garraioa babestuko litzateke, eta, bestetik, Libanoko Armada indartu.
Txina eta Estatu Batuen arteko lehia komertzialaren gakoak: muga-zergak, lur arraroak eta epaitegien ebazpenak
Horiek izango dira Donald Trump AEBko presidenteak, Xi Jinping presidenteak gonbidatuta, Txinara maiatzaren 13tik 15era egingo duen bisitaren gai nagusiak.
Alderdi Laboristako 70 diputatuk baino gehiagok Starmerren dimisioa eskatu dute, baina, oraingoz, lehen ministroak eutsi egiten dio karguari
Erresuma Batuko udal hauteskundeetan emaitza txarrak lortu ondoren, lehen ministro laboristaren aurkako presioa areagotzen ari da. Hala ere, entzungor egin die dimisio eskariei, herrialdean "kaosa" areagotu egingo litzatekeela argudiatuta.
Hainbat familiak TikTok salatu dute Frantzian, gazteei buruko arazoak eta pentsamendu suizidak eragiten dizkielakoan
Salaketan, beren buruaz beste egin zuten bost neskaren familien kasua jasotzen da, bai eta anorexia, depresioa eta joera suizidak dituzten hamar neska eta mutil baten kasuak ere. Sare sozialak ahultasun abusua egin zuela salatzen dute, adingabeak zaurgarri direlako eta sare sozialak ahultasun hori ustiatu egiten duelako.
Trump Txinara joango da maiatzaren 13tik 15era, Xi Jinpingek gonbidatuta
Bidaia, Iranen aurkako erasoagatik atzeratua, Hego Korean hasiko da. Bertan, bi aldeek merkataritzari buruzko elkarrizketak izango dituzte.
Iranek bake proposamenari emandako erantzuna "guztiz onartezina" dela esan du Trumpek
Ez du erantzunaren xehetasunik eman, baina Teherani ohartarazi dio ez diela estatubatuarrei "barrerik" egingo. Brent upelaren prezioa % 4,5 garestitu da, 105,81 eurora arte, AEBko presidentearen erreakzioaren berri izan ostean.