Trumpek esan du Iran AEBrekin harremanetan jarri dela beste bilera-sorta bat egiteko
AEBk eta Iranek Pakistanen egin zituzten bake elkarrizketak akordiorik gabe amaitu ondoren, AEBko presidenteak Ormuzen kontrola hartzeko asmoa agertu zuen, eta Irango portuetara joandako eta handik irtendako ontziak geldiarazi ditu.
Ormuzko itsasarteko trafikoa apirilaren 13an, astelehena.
Donald Trump AEBko presidenteak astelehen honetan adierazi duenez, Iran harekin harremanetan jarri da, beste bilera-sorta bat egiteko. "Beste aldeak deitu digu", adierazi du Trumpek: "Akordio batera iritsi nahi dute, kosta ahala kosta".
Bitartean, Ormuzko itsasartean dabiltzan Irango itsasontziak "suntsitzeko" mehatxuari eusten dio Trumpek, AEBren blokeo-eremura hurbiltzen baldin badira. Iranek eta AEBk asteburuan Pakistanen izan zituzten bake negoziazioak emaitzarik eman gabe amaitu ostean, Ormuz erabat blokeatuko zuela iragarri zuen Trumpek.
Truth Social sare sozialean egindako argitalpen batean, Trumpek adierazi du Armadak Irango itsasontzi ia denak suntsitu zituela, baina "erasorako ontzi azkarrak" ez zituztela arriskutsutzat jo, eta ez zietela horiei erasorik egin. Orain, ordea, ontzi horiek desagerrarazteko prest agertu da, "narkotrafikatzaileen aurka erabilitako sistema bera" erabiliz.
Ormuz itsasartetik munduko itsas garraioaren % 20 inguru igarotzen zen AEBk eta Israelek Iran erasotzen hasi aurretik. Erasoei erantzunez Iranek itxi egin zuen itsasartea, eta ontzi batzuei baino ez die ematen igarotzeko baimena.
Trumpek igandean iragarri zuen AEBko Armadak itsasartearen kontrola hartuko zuela. Ondorioz, astelehenean, 16:00etan, indarrean sartu da Irango portuetatik irten zein horietara joateko asmoa duten "nazio guztietako" ontzi guztiei zuzendutako blokeoa.
Erresuma Batuko Itsas Merkataritzako Operazio Zentroak (UKMTO, ingelesezko siglak) astelehenean berri eman duenez, Ormuzko itsasartean Irango portuei ezarritako "murrizketen" inguruko informazioa jaso du.
Arratsaldean, behin blokeoa indarrean zela, bi petrolio-ontzik norabidea aldatu behar izan dute, MarineTraffic ontziak monitorizatzeko plataformak emandako informazioaren arabera.
Benjamin Netanyahu Israelgo lehen ministroak estatubatuarren blokeoa babestu du, eta Amerikako herrialdearekin "etengabeko koordinazioa" dutela adierazi du.
Zure interesekoa izan daiteke
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin suziri batek eztanda egin du Floridan, jaurti aurreko proba batean
Suziria pizte estatikoaren proba batean lehertu da, etorkizunean jaurtiketa orbital bat egin aurretik.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, Kode beltza izenekoak, esklabuak ondasun higiezinen pare jarri zituen. Esklabutza 1848an abolitu zuten, baina Kode beltza ez dute gaur arte indargabetu. Uste da Frantziako sistema kolonialak posible egin zuen 1,5-2 milioi pertsona esklabu izatea.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.
Osasunaren Mundu Erakundeak 900 ebola-kasu baino gehiago zenbatu ditu RDCn, susmagarriak eta baieztatuak batuta
Tedros Adhanom Ghebreyesus Agentziako zuzendari nagusiak aitortu du zailtasunak daudela agerraldi ari aurre egiteko, Ituri probintzian batez ere; eskualde hori da krisiaren epizentroa eta bertan lau pertsonatik batek laguntza humanitarioa behar du eta bost biztanletik herrialdeko baste puntu batzuetatik ihesi iritsitakoak dira.
Marco Rubiok ziurtatu du AEBk ez dutela "akordio txar bat" egingo eta Iranen erantzuna falta dela
Irango Gobernuak jakinarazi du bake akordioa lortzeko bidean AEBrekin abiatutako elkarrizketatan aurrerapausoak egon direla. Dena den, argi utzi du ezin daitekeela esan "ituna berehala iritsiko denik". Halaber, berretsi du etapa honetan ez direla Teheranen programa nuklearrari buruz eztabaidatzen ari.