Israelek eta Iranek elkarri eraso egin diote berriro
Israelgo Armadak Irango "helburu militarrei" eraso egin die, Trumpek Netanyahuri horrelakorik ez egiteko eskatu arren. Iranek misilak jaurti ditu Israelen kontra eta sirena hotsak entzun dira berriro Tel Aviven edo Jerusalemen.
Israelen eta Iranen arteko tentsioak gora egin du berriro astelehen goizaldean. Israelgo Armadak jakinarazi duenez "helburu militarren" aurka egin du Iran erdi eta mendebaldean, eta leherketak entzun dira Teheran, Isfahan eta Tabriz hirietan, esaterako. Iranek, aldiz, misilak jaurti ditu eta sirena hotsak entzun dira Tel Aviven edo Jerusalemen.
Israelek Irango planta petrokimiko bat jo du
Irango Juzestan probintziako agintariek astelehen honetan baieztatu dutenez, Israelgo Armadak Mahshahr hiriko planta petrokimiko bati eraso dio "kalte partzialak" eraginez.
Baieztapen ofizialaren aurretik, Israelgo Armadak iragarri du Iran hego-mendebaldeko instalazio petrokimiko horren kontra egin duela.
Iranek misilak jaurti ditu Israelera
Iranek misil olde berria jaurti du Israelen aurka, baina Israelen arabera, horiek guztiak geldiarazi ditu eta ez da inor zauritu.
Hori dela eta, sirena hotsak entzun dira berriro astelehen goizaldean Jerusalemen, Tel Aviven eta Bersheeban.
Edozein agertokitarako prest dagoela ziurtatu du Iranek
Irango Guardia Iraultzaileak "edozein agertokitarako" eta frente guztietan eskala handiko operazioak egiteko prest dagoela nabarmendu du, Irango Fars albiste agentziak jakinarazi duenez.
Horren arabera, Iranek misilak jaurti ditu Israelgo Nevatim eta Tel Nof base militarren aurka, Israelek radar militarren aurka egindako erasoei erantzunez.
Zure interesekoa izan daiteke
Kurti lehen ministroaren alderdiak irabazi ditu berriz ere hauteskundeak Kosovon
Albin Kurti jarduneko lehen ministro nazionalistaren Autodeterminazioa alderdiak argi eta garbi irabazi ditu hauteskundeak, baina ez du bakarrik gobernatzeko gehiengorik lortu.
Israelek Beiruti eraso dio berriro, Trumpek ez egiteko exijitu zion arren, eta Iranek Israelen aurka misilak jaurtiz erantzun du
Gutxienez bi pertsona hil eta 20 zauritu dira Israelen erasoan. Erantzun gisa, Iranek misilak jaurti ditu gaur gauean Israelen aurka. Irango Armadak dio Israelek erasoei erantzuten badie "erantzun suntsitzailea" emango dutela. Trumpek iragarri du Netanyahuri deituko diola erantzun ez dezan.
Paxinianek irabazi ditu Armeniako hauteskundeak, inkesten arabera
Galdeketa batzuek gehiengo osoa eman diote egungo lehen ministroari; beste batzuek, berriz, garaipen estuagoa aurreikusi dute, eta oposizioko alderdi nagusitik puntu gutxira kokatu dute.
Israelgo Armadak ikerketa abiatu du Zisjordanian soldadu batek haurtxo bat tiroz hil ostean
Hain zuzen ere, Sam Fahd Abu Haikal zazpi hilabeteko haurtxoaren hilketa ikertuko dute. Tel Rumeida inguruan, Hebronen, egin zioten eraso, bere gurasoekin autoan zihoala.
Fujimori eskuindarra eta Sanchez ezkertiarra, Peruko Presidentetza lortzeko lehian
27,3 milioi perutar baino gehiago daude botoa ematera deituta. Mende laurden gobernutik urrun eman ostean, fujimorismoa boterera itzuliko den ala ez erabakiko dute hauteskunde hauetan.
Gutxienez hamabi pertsona zauritu dira Ohion izan den tiroketa batean
Gutxienez hamabi pertsona zauritu dira (horietako bi larri daude) Ohioko Toledo hirian izan den tiroketa batean. Aire zabaleko jaialdi batean izan da tiroketa, eta Polizia erasotzaileen bila ari da. Ikerketa hasi dute gertatutakoa argitzeko.
Errusiak 12 pertsona hil ditu Donetsken eta Khersonen, eta 272 drone jaurti ditu Ukrainaren aurka
Azpiegitura energetikoei ere eraso die, eta, ondorioz, etenak izan dira hornidura elektrikoan.
Raul Castro jendaurrean agertu da berriro
Raul Castro Kubako presidente ohia jendaurrean agertu da berriro, 95 urte bete dituela-eta egin dioten omenaldian. AEBk maiatzaren 20an inputatu zuenetik egin duen lehen agerraldia izan da. 1996an nazioarteko uretan bi hegazkin zibil eraisteagatik inputatu dute.
Putinek ez du Zelenskirekin biltzeko proposamena onartu, eta aurrera egiteko agindu dio armadari
Gutun batean, Zelenskik beste herrialde batean biltzeko proposatu dio Errusiako presidenteari, hala nola Suitzan, Turkian edo herrialde arabiar batean. Gainera, gerra amaitzen ez bada, errusiarrek botere-aldaketa behartu dezaketela ohartarazi du.