Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Adingabe bat, tablet bat erabiltzen bere sare sozialak kontsultatzeko. Artxiboko argazkia: Europa Press
Emmanuel Macronen gobernuak bultzatu eta Parlamentuak uztailaren amaieran onartutako legea baliogabetu du Frantziako Konstituzionalak ostiral honetan. Legeak 15 urtez azpikoei sare sozialak erabiltzea debekatu zien, baina Auzitegiak ebatzi du hori neurriz kanpokoa eta adierazpen- eta komunikazio-askatasunaren aurkakoa dela.
Zehazki, legea konstituzioaren aurkakoa dela iritzi dio, ez duelako behar besteko zehaztasunik. Izan ere, komunikatzeko eta informazioa jasotzeko askatasunari ezarritako murrizketa "ez da egokia, beharrezkoa ezta proportzionala ere lortu nahi den helbururako".
"Adingabeei Internet bidezko komunikazio-zerbitzu jakin batzuetara sartzeko askatasuna kentzen dieten xedapen horiek adierazpen- eta komunikazio-askatasuna urratzen dute", adierazi du Frantziako auzitegi horrek ostiral honetako epaian.
Neurriak "adin txikikoen interes gorena babesteko konstituzio-betekizuna" bermatzea helburu duela aitortu arren, debekua beste bitarteko batzuetara ere zabal liteke, "adingabeen osasunerako eta segurtasunerako arriskuak" ezarri ez diren kasuetan.
Era berean, testuak ez ditu "lege-berme nahikoak" eskaintzen erabiltzaileen pribatutasuna babesteko; izan ere, sare sozialetara sartzeko, erabiltzaile guztiek, helduek barne, "adina egiaztatzen duen agiria aurkeztu" beharko lukete.
Testu berria lantzen ari da Macron
Epaiari erantzunez, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "idazketa juridikoki sendoa" egiteko, epai horren eta Europako esparruaren argitan. Izan ere, erreforma hori "2027ko udaberria baino lehen" egitea du helburu.
"Frantziaren ekimenez, mundu osoko hogeita hamar estatuk baino gehiagok proposatu dute datozen hilabeteetan adin txikikoei sare sozialak debekatzea, eta Europako Batzordea xedapen horiek Europar Batasunerako harmonizatzeko lanean ari da", adierazi du Eliseoak zabaldutako ohar batean.
Horrela, 2017an gai hori planteatu zuenetik, adingabeen "interes gorena eta osasuna babestea" da helburua, sare sozialek haiengan dituzten "ondorio kaltegarriak" kontuan hartuta, "zientifikoki dokumentatuta" baitaude.
Arazoak Europako araudiarekin
Hasiera batean, Laure Miller diputatuak aurkeztutako neurria irailetik aurrera, ikasturtearen hasierarekin batera, jarri nahi zuten indarrean.
Legediak, ordea, Europako araudiarekin arazoak izan zituen; izan ere, plataformen "zerrenda beltza" jasotzen zuen, eta aldatu egin behar izan zuten uztailaren hasieran Europako Batzordeak xedapen batzuk Zerbitzu Digitalen Europako Erregelamendua (DSA) urratzeko arriskua zutela ebatzi ondoren, Frantziako erregulatzaileari eskumen gehiegi ematen zizkiotelako.
Testuak ez zituen erabiltzaileen adina egiaztatzeko erabiliko ziren egiaztapen-metodoak zehazten; aitzitik, plataformen esku uzten zuen bakoitzak bere metodoa ezartzea. Ekimenak, halaber, institutuetan telefono mugikorrak erabiltzea debekatzen zuen, zehazki Batxilergoko mailetan, nahiz eta auzitegi horrek ez duen gai horri buruzko iritzirik eman.
Zure interesekoa izan daiteke
Kushner eta Witkoffek Kievera egindako lehen bisitak ez du urratsik ekarri bakerako bidean
AEBk, Ukrainak eta Europako bazkideek adostu dute datozen asteetan bilera gehiago egitea eta neguari begira Ukrainari laguntza indartzea. Lehentasunen artean daude aire-defentsarako sistema gehiago, energia-sektorerako laguntza eta hornidura osagarriak.
Susan Sarandonek salatu du hainbat zinema proiektutatik kanpo utzi dutela Israel kritikatzeagatik
Bere azken filma aurkezten ari zela, Palestinaren defentsa publikoarengatik ondoriorik bizi izan ote duen galdetu diote aktore estatubatuarrari Mostran, eta zenbaitek betatu egin dutela onartu du.
AfD ultraeskuindarrak Saxonia-Anhalteko hauteskundeak irabazi ditu, eta gehiengo osora hurbildu da
Zehazki, 39 edo 41 eserleku lortuko lituzke, boto-emaileen % 44,5aren edo % 44aren babesa jasota. Hala, alderdi ultraeskuindarra oso gertu geratuko litzateke eskualdeko parlamentuan gehiengo absolutua izateko behar diren 42 eserlekuetatik.
AEBko ordezkariak Kieven dira, ia bost urtean lehen aldiz, Zelenskirekin biltzeko
Steve Witkoff eta Jared Kushner AEBko Gobernu ordezkariak Kievera iritsi dira, Volodimir Zelenski Ukrainako presidentearekin biltzeko. Bezperan, Moskun izan ziren Vladimir Putini gerrari amaiera emateko proposamen bat aurkezteko, eta proposamen hori helaraziko diote gaur Zelenskiri.
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Nolakoa da NBEk planteatzen duen munduko mapa berria?
Nazio Batuen Erakundearen Batzar Nagusiak erabaki du mapamundiaren egungo diseinua erabiltzeari uztea kontinenteen tamainarekiko leialagoa den beste bat erabiltzen hasteko. Mapa berrian, adibidez, Afrika handiagoa izango litzateke.
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.