Beroa Euskal Herrian, termometroek 35 graduak gainditu dituzte hainbat txokotan
Enkarterrin, Bizkaian, 35 gradutik gorako tenperaturak izan dira, oro har. Tenperatura beroenak Balmasedan (38,7 gradu), Zallan (37,9 ºC) eta Sodupen (37,8 ºC) izan dira.
Euskal Herriak bero egun berri bat bizi du gaur, eta termometroek 35 graduak gainditu dituzte Euskal Herriko hainbat tokitan. Tenperatura maximoa 38,7 gradukoa izan da Balmasedan (Bizkaia).
Eusko Jaurlaritzako Segurtasun Sailak abisu horia ezarri du gaurko tenperatura oso altuengatik, eta Gipuzkoako barnealdean eta, batez ere, Bizkaian eta Arabako Aiaraldean egin du bero handiena.
AEMETek ere abisu horiak ezarri ditu gaurko eta biharko Nafarroan tenperatura altuengatik eta ekaitzagatik. Horrela, Iruñean eta Lizarran 34 gradu izan dira, eta 38 Tuteran.
Enkarterrin, Bizkaian, 35 gradutik gorako tenperaturak izan dira, oro har, eta balio altuenak Balmasedan (38,7 gradu), Zallan (37,9 ºC) eta Sodupen (37,8 ºC) izan dira.
Bizkaian ere bero handia egin du Durangaldean: Igorren 37,3 gradura iritsi dira, eta Zornotzan 37ra.
Gipuzkoan, San Prudentzioko estazio meteorologikoak, Bergaran, 38 gradu erregistratu ditu. Alegian 36,6 gradura iritsi dita, Arrasaten 36,3ra eta Ibai Ederren (Bergara) 36,2ra.
Beroa, oro har, ez da hain handia Araban, baina Aiaraldean (Enkarterrirekin muga egiten duen eskualdea) tenperaturak oso altuak dira. Laudioko Gardea auzoan 38,2 gradu izan dira, eta Amurrioko Saratxon 37 gradu.
Bestalde, gau tropikala izan da, minimorik baxuenak Zumaian (20 gradu), Uxuen (20), Bermeon (20), Bardean (19) eta Mendiben (19) markatu dituzte termometroek.
Eguraldiari buruzko albiste gehiago
Eguraldi aldaketa larunbat arratsaldetik aurrera: tenperaturak behera eta euria
Larunbat eguerdian haizeak iparraldera egingo du eta tenperaturak jaitsiko dira. Gainera, arratsaldean bero-hodeiak agertuko dira eta baliteke zaparrada trumoitsuak izatea. Igandean giro motelagoa eta nabarmen freskoagoa izango da.
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.
Giro nahasi eta freskoarekin abiatuko dugu astea, baina asteazkenean udako giroa itzuliko da
Gaur eta bihar zeru hodeitsuak eta zaparradak izango ditugu, 22º-ko tenperatura maximoekin. Asteazkenean udako giroan murgilduko gara, bete-betean murgildu ere. Dena dela, ez du luze joko, izan ere, ostegunean bertan izango ditugu bueltan euria eta tenperatura freskoak.
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.