Inoiz erregistratutako tximistarik luzeenak 829 kilometroko distantzia bete du, markak hautsi dituen oinaztargia
Fenomeno meteorologikoa 2017ko urrian gertatu zen, eta une batean Texas eta Kansas arteko eremuak argiztatu zituen. Bestalde, iraupen luzeeneko tximista, 17 segundo pasatxoko distira bat izan zen Argentinako iparraldean eta Uruguain, 2020ko ekainean.
Ekaitza Donostian, 2025eko maiatzaren 2an. Artxiboko argazkia: Ariana Ascunce
Munduko Meteorologia Erakundeak (WMO) gaur baieztatu duenez, inoiz neurtutako tximistarik luzeena 829 kilometrotan zehar hedatu zen Ameriketako Estatu Batuetako hainbat eremutan, 2017an.
Fenomeno meteorologikoa urte horretako urrian gertatu zen, ekaitz bortitz batean, eta une batean Texas eta Kansas arteko eremuak argiztatu zituen, "auto batek zortzi edo bederatzi ordu beharko lituzke distantzia hori betetzeko, eta hegazkin batek 90 minutu", Erakundeak ohar batean nabarmendu duenez.
Gaur aurkeztutako kalkuluen hanka-sartze tartea 8 kilometrokoa da, baina, nolanahi ere, aurreko marka gainditzen du: 768 kilometroko tximista bat, AEBko Lautada Handietan erori zena.
Oraintsu arte ez zen ezagutzen tximistak horizontalki ere distantzia handietara zabal zitezkeenik, baina azken urteotan satelite bidezko neurketek aurrerapauso handia eman dute, eta neurketa mota horiek hobetu egin dira.
WMOk iraupen luzeeneko tximistaren erregistroa ere gordetzen du, 17 segundo pasatxo iraun zuen distira, 2020ko ekainean Argentinan eta Uruguain izandako ekaitz batean.
Hilgarrienak, Zimbabwen eta Egipton
Bestalde, historian zuzeneko heriotza gehien eragin dituen tximistak 21 pertsona hil zituen, 1975ean Zimbabwen, txabola bat jo zuenean.
Zeharka, 1994an Dronkan (Egipto) 469 hildako eragin zituen beste batek, hilgarrienak; izan ere, petrolio gordailuek su hartu zuten, eta, ondoren, herritarrak kiskali ziren.
Eguraldiari buruzko albiste gehiago
Abisu horia ezarri dute ostegunerako eta ostiralerako Bizkaian eta Gipuzkoan, 35 graduko tenperaturak direla eta
Datozen egunei begira, beroa egingo du eta bero bolada larunbatera arte luzatuko da. Hala ere, igandean udazken giroa itzuliko da eta tenperaturak nabarmen jaitsiko dira.
Hodeiak eta ostarteak tartekatuko dira udako azken astean
Hurrengo astea aldaketa gutxirekin dator. Izan ere, hodeiak eta ostarteak tartekatuz joango dira, eta zirimiria ere izango dugu noizbehinka.
Eguraldiak hobera egingo du asteburu honetan; igandean eguzkia izango dugu eta tenperaturek gora egingo dute
Gaur hodeiak eta euri txikia izango ditugu isurialde atlantikoan, baina eguraldiak hobera egingo du Euskadin asteburuan zehar, zerua oskarbi egongo baita batzuetan eta tenperaturak nabarmen egingo baitu gora igandera begira.
2025eko abuztua beroenetan hirugarrena izan da
Batezbesteko globala 16,60°C izanik, 2025eko abuztua beroetan hirugarrena izan da erregistroak daudenetik, 2023 eta 2024aren atzetik. Europako hego-mendebaldea bero-boladen pean erretzen ari zen bitartean, Australiak eta Hego Amerikako zati batek batezbestekoaren azpiko tenperaturak izan zituzten.
Arratsaldearekin batera etorri da iragarritako aldaketa, eta atseden eman du beroak
Gau tropikala izan da bart, kostan zein barnealdean. 25 eta 29 ºC arteko tenperaturak egon dira goizaldean, eta antzeko giroarekin argitu du egunak. Igande arratsaldean etorri da aldaketa, eta aste hasieran nabarmen freskatuko du.
Bero sapa Sopuertan eta Gueñesen, 36 gradutik gorako tenperaturekin
Gaurko beroenak Sopuertan eta Gueñesen neurtu dituzte (36,7 ºC eta 36,6 ºC). Euskalmeten arabera, Amoroton 36,1 ºC harrapatu dituzte, eta Balmasedan eta Galdakaon, 35,3 ºC.
Abisu horia larunbat honetan 34 ºC inguruko tenperaturengatik kostaldean
Gainera, iganderako beste abisu hori bat ezarriko dute, baso-suteak izateko arriskuagatik, hegoaldeko haizeak gogor jotzen jarraituko baitu, bereziki isurialde atlantikoan.
Giro nahasi eta freskoarekin abiatuko dugu astea, baina asteazkenean udako giroa itzuliko da
Gaur eta bihar zeru hodeitsuak eta zaparradak izango ditugu, 22º-ko tenperatura maximoekin. Asteazkenean udako giroan murgilduko gara, bete-betean murgildu ere. Dena dela, ez du luze joko, izan ere, ostegunean bertan izango ditugu bueltan euria eta tenperatura freskoak.
Euria eta kazkabarra gogotik bota ditu Nafarroako hainbat txokotan igande arratsaldean
Iragarpenak bete dira eta 17:00etatik aurrera hasi da euria zarra-zarra, baita kazkabarra ere han-hemenka. Goizuetan bota du gehien 24,9 litro pilatu dira ordu erdian. Beran ere euria goi eta behe, 21,9 litro pilatu dira. Iruñean gutxixeago bota du, baina, asko hala ere, 15,3 litro zehazki.
Fronte hotz batek giroa freskatu eta bustiko du
Zaparrada mardulak bota ditzake zenbait lekutan. Astelehenean eguraldia aldakorra izango da, eta asteartean atertzera joko du.