Abisu horia kostaldean, olatu handiengatik
Segurtasun Sailak bi abisu ezarri ditu: bat, nabigaziorako; beste bat, olatuek kostaldean izan dezaketen eraginagatik. Hainbat lekutan babes-neurriak hartu dituzte; Donostian, adibidez, uhartea eta Paseo Berria itxita egongo dira.
Olatuak, Donostian. Irudia: Danel Martinez.
Segurtasun Sailak bi abisu hori ezarri ditu astearte eta asteazkenerako Gipuzkoa eta Bizkaiko kostaldean itsasaldeko arriskuagatik, olatu handiak izango direlako.
Gaur arratsaldeko 19:00etatik 20:00etara bitartean, abisu horia izango da aktibo olatuek kostaldean izan dezaketen inpaktuagatik. Arratsaldean olatuek 2-2,5 metroko altuera hartuko dute eta 17-18 segundoko tartean sortuko dira. Itsasgora 19:31ean izango da eta marea lau metrotik gorakoa izatea espero da.
Nabigaziorako abisu horia, ordea, gaur eguerdian hasi eta bihar, asteazkena, egongo da indarrean, egun osoan. Sailak kostaldeko lehen bi milietan nabigatzeko abisua ezarri du.
Euskalmeten iragarpenaren arabera, olatuen altuera 2,5 metro ingurukoa izango da. Gaur arratsaldean haizeak ipar-mendebaldetik joko du, 2-3ko indarrarekin, eta itsaso kizkurra edo itsaskirria eragingo du.
Bihar arratsaldean, ordea, zakartu egingo da, eta 3-4ko indarrarekin joko du. Itsaso kizkurra izatetik, itsaskira igaroko da orduan.
Neurriak
Hori dela eta, kostaldeko hainbat herri eta hirik neurriak hartzea erabaki dute. Donostiako Udalak, adibidez, Santa Klara uhartea eta Paseo Berria itxi ditu. Horrez gainera, Kontxako hondartzako bi gabarroiak ere kendu dituzte.
Itsasertzean kontuz ibiltzeko deia egin dute.
Zure interesekoa izan daiteke
Beroak estutzen jarraituko du, baina ezegonkortasun handiarekin
Hurrengo egunetan, tenperatura altuak izango dira nagusi, baina ezegonkortasun handia izango da. Hala, gaur arratsaldean, esaterako, ekaitza bota dezake; Nafarroan, Aemetek abisu horia ezarri du euriteengatik.
Ur-goraldiak iragarri dituzte Nafarroako ubide txikietan eta sakanetan
Euri zaparrada eta ekaitz gogorren ondorioz hainbat probintziatan, tartean Nafarroan, ezarritako abisuak direla eta, Ebroko Konfederazio Hidrografikoak albiste meteorologikoei adi egoteko gomendatu die herritarrei.
Igandean bero egingo du berriro ere Euskal Herrian
Eguna tenperatura baxuekin hasiko da, Gasteizen, esaterako, 14 ºC izango baitira, baina 34 ºC-ra helduko dira termometroak Iruñean, eta 32 ºC-ra, berriz, Bilbon. Arratsaldean, aldaketa etor daiteke, eta zaparrada trumoitsuak eta txingorra egin dezake zenbait puntutan.
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.