Hotza eta giro aldakorra neguari ekiteko
Urtaroa sasoiari dagokion tenperaturekin abiatu dugu: barnealdean, zeroz azpitik ibili dira termometroak, eta kostaldean ozta-ozta heldu dira 5 ºC-ra. Hodeiak nagusi dira zeruan, eta euria iragarri dute, tarteka bada ere. Elur-maila 800-1.000 metro inguruan da, astearterako gorago espero bada ere.
Neguko lehen astea dugu honakoa, eta urtaroak berezko dituen ezaugarriak izango ditu, Euskalmet Euskal Meteorologia Agentziak datozen egunetarako egin duen iragarpenaren arabera.
Astelehenean, giro goibela nagusituko da, baina prezipitazio gutxi egingo du. Zeru estaliak izango ditugu egun osoan, baina goizean behintzat ez da euri konturik espero (akaso zertxobait kostaldetik gertu); arratsaldean, ordea, prezipitazioa egiteko probabilitatea handiagoa izango da.
Elur-kota 800-1000 metro inguruan egongo da. Hego-mendebaldeko haizea ibiliko da, bolada gogorrekin kostaldean. Tenperaturari dagokionez, hotz egingo du barnealdean —izotzagatik abisu horia egongo da indarrean Arabako Errioxan—, eta termometroak zeroz azpitik ibiliko dira. Kostaldean, 3-5 ºC-ren langa ezin gainditu ibiliko dira minimoak. Maximoak 12-13 ºC ingurukoak izango dira kostaldean, eta 8 ºC-koak barnealdean.
Asteartean ere, hodeiak izango dira nagusi, eta euritara jo dezake egunean zehar. Elur-kotak gora egingo du, eta 1.000-1.200 metro inguruan kokatuko da eguerditik aurrera. Tenperaturan ez da aldaketa handirik sumatuko, edo apur bat igo daiteke. Bigarren egunez, Arabako eta Nafarroako zenbait tokitan izotza egin dezake.
Asteazkenean, Eguberri bezperan, zerua erabat estalita egongo da, eta bustitik jarraituko dugu. Tenperaturan ez da aldaketarik espero.
Joeraren arabera, ildo beretik jarraituko du aroak abenduaren 25ean ere, ostegunarekin. Zerua hodeitsu egongo da tarteka, eta euria egingo du. Termometroek koska bat egingo dute behera.
Zure interesekoa izan daiteke
Abisu horia ezarri dute gaurko eta biharko Bizkaian eta Gipuzkoan, tenperatura altuak direla eta
30 gradutik gorako tenperaturak neurtuko dira bai kostaldean eta baita barnealdean ere. Euskalmeten iragarpenaren arabera, gutxienez datorren asteazkenera arte bero egiten jarraituko du.
Eguzkia, beroa eta 30 gradutik gorako tenperaturak
Ostiralean ere zerua oskarbi egongo da eta tenperatura maximoak 30-35 artekoak izango dira.
Udaberria bueltan da Euskal Herrian, eta ostegunetik aurrera 30 graduen bueltan ibiliko dira termometroak
Astelehen eta asteartean tenperaturak gora egingo du, apurka, eta hodeiak egongo dira.
Bueltan da udaberria
Etzidamu iritsiko da aldaketa nabarmenena. Egun eguzkitsua eta beroa izango da asteazkenekoa, baita ostegunekoa eta ostiralekoa ere. Barnealdean, 30 graduak gaindituko dituzte termometroek.
Abuztuko eguzki-eklipse osoan murgilduta, errealitate birtualari esker
2026ko abuztuaren 12an eguzki-eklipse oso bat ikusiko da Euskal Herrian, eta Eguraldia barruan murgildu da errealitate birtualari esker. Hau da horrelako sei bideoetatik lehenengoa.. 114 urteren ondoren, minutu batetik gorako erabateko iluntasuna izango da, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria izango da ikusteko lekurik onenetarikoa.
Elurra egin du Aralarren, maiatzean
Txomin Rezolak eta David Aznarezek Aralarren maiatzaren 15ean grabatutako irudiak.
Udazken giroa eta euria barra-barra izango dira nagusi ostiral honetan
Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrengatik, 24 ordutan metro koadroko 60 litro baino gehiago pila daitezkeelako.
Eguraldi ezegonkorrak jarraituko du eta arratsaldean ekaitz-giroa izango da, Nafarroan eta Iparraldean batez ere
Egunak aurrera egin ahala hodeiak ugaritzen joango dira eta trumoi-zaparradak izango dira nonahi. Nafarroa erdialde eta hegoaldean eta Ipar Euskal Herrian abisu horia egongo da indarrean arratsaldean.
Euri erauntsi izugarria, Atarrabian
Euri erauntsi izugarria bota du, gaur arratsaldean, Atarrabian. Ordu erdiz, euria eta txingorra gogotik bota ditu, kaleren bat erreka bihurtzeraino. Halere, ekaitzak ez du aparteko kalterik eragin. Atertu eta eguzkia agertzearekin batera, ura Ultzama ibaira bideratu da, eta zorua berehala lehortu da.
Ilargiaren itzala Lurraren gainazalean grabatuko dute eguzki-eklipsearen egunean
Abuztuaren 12an, eguzki eklipse osoaz gozatzeko aukera izango dugun egunean, hainbat zunda-globo botako dira estratosferatik eklipsearen irudiak lortzeko asmoz.