Hotza eta 200–400 metrotik gorako elurra espero dira Errege Egunerako Hego Euskal Herrian
EAE eta Nafarroa abisu horipean egongo dira hurrengo orduetan izozteengatik eta elurragatik. Iragarpenaren arabera elurra 200 eta 400 metro artean egingo du. Eusko Jaurlaritzak eta Nafarroako Gobernuak neguko bidezaintza planak aktibatu dituzte.
Neguko hotzaldiak datozen orduetan utziko ditu ondorioak EAEn eta Nafarroan; izan ere, izozteak izango dira nagusi eta elurra maila baxuetan egingo du, Errege Egunean.
Euskal Autonomia Erkideagoan tenperatura minimoengatik eta izozte arriskuagatik ezarritako abisu horia astelehen honetan aktibatuko da, 18:00etatik aurrera, Ebro ibaiaren ardatzean, eta 21:00etatik aurrera, Kantauri isurialdeko barnealdean.
Tenperatura maximoak 2 eta 4 gradu artekoak izango dira barnealdean, eta 4 eta 6 gradu artekoak kostaldean.
Abisua astearteko 10:00ak arte egongo da indarrean Kantauri isurialdeko barnealdean, eta 12:00ak arte lurraldearen hegoaldean.
Gainera, astearte arratsaldean beste abisu hori bat aktibatuko da izotzagatik: 18:00etatik aurrera, Euskal Autonomia Erkidegoko hegoaldean, eta 21:00etatik aurrera, Kantauri isurialdeko barnealdean.
Abisua elurragatik (asteartea)
Bestalde, astearte goizaldeko 03:00etatik 15:00ak arte, elur-kota 200 eta 400 metro arteko altueran koka daiteke, eta, ondorioz, abisu horia ezarri dute elurragatik.
Ondorioz, Eusko Jaurlaritzak Neguko Bidezaintza Plana aktibatuko du astearte goizaldeko 03:00etatik aurrera, modu prebentiboan. Plan horrek hainbat ibilgailu aktibatzeko aukera ematen du, hala nola, elurra kentzeko 215 makina, tona askoko ibilgailuak erretiratzeko zazpi garabi astun eta lagungarri gisa erabiliko diren beste 130 ibilgailu.
Nafarroan iragarpenak dio edozein mailatan egin dezakeela elurra. Zehazki, 00:00etatik 06:00etara, elur-kota 200 eta 300 metro artekoa izan daiteke. 06:00etatik aurrera elur-kota bera mantenduko da, eta ipar eta mendebalde osoan elurra egin dezake, nahiz eta prezipitazioak ez diren ugariak izango.
Aurreikuspen horren aurrean, elurra kentzeko 52 ekipo mobilizatu ditu Nafarroako Gobernuak. Gainera, errepidean arreta berezia jartzea gomendatzen du, tenperatura baxuak direla-eta izotz-plakak egon daitezkeelako.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.