Ingrid ekaitza: arreta elurragatik, haizeagatik eta olatuengatik asteburu honetan Euskal Herrian
Agintariek hainbat abisu iragarri dituzte egunotarako; nabigazio arriskua, kostaldeko inpaktua, elurteak eta haize-bolada indartsuak direla eta. Ildo horretatik, arreta handiz ibiltzeko eskatu diete herritarrei, batez ere joan-etorrietan.
Euria, elurra, hotza, haize-bolada indartsuak eta olatu handiak ekarriko ditu Ingrid ekaitzak asteburu honetan Euskal Herriko hainbat tokitara. Hori dela eta, agintariek joan-etorrietan arreta handiz ibiltzeko eta beharrezko prebentzio neurriak hartzeko eskatu diete herritarrei.
Hala, ostiral honetarako bi abisu hori ezarri dituzte Euskal Autonomia Erkidegoan (EAE); alde batetik, nabigazioan, hiru metro eta erditik gorako olatuak izan daitezkeelako, eta, bestetik, kostaldean inpaktuagatik, lau metroko olatuak izan daitezkeelako.
Larunbatean, abisu horia ezarriko dute nabigazioan, hiru metro eta erdira irits daitezkeen olatuengatik, baita kostaldeko inpaktuagatik ere, lau metrorainoko olatuak egon daitezke eta, bereziki 07:00etatik 09:00etara eta 20:00etatik 21:00etara.
Gainera, elur-arriskuagatik beste abisu hori bat ezarriko dute larunbatean, 15:00etan; izan ere, elur-kota 600 eta 800 metro artean egon daiteke, eta 1.000 metrora igoko da gauean.
Arratsaldean, gainera, euria espero da, zenbait tokitan zaparrada trumoitsuekin batera, eta txingorra kantauri isurialdean.
Igandean elurrari dagokion abisua 15:00ak arte egongo da indarrean EAEn, baina elur-kota 900 edo 1.000 metro inguruan kokatuko da.
Gainera, itsasgoran, 08:00etatik 10:00etara eta 20:00etatik 22:00etara, beste abisu bat ezarriko dute, goizean lau metrorainoko olatuak izan daitezkeelako, eta arratsalde-gauean bost metrotik gorakoak.
Gainera, eguerditik aurrera haize-bolada bortitzak izateko arriskua egongo da: mendebaldeko haize-boladek 100 km/h-ko abiadura gaindi dezakete haizeguneetan, eta baliteke kostaldean 120 km/h-ko abiadura gainditzea.
Nafarroan, elurra kentzeko 48 makina prest dituzte jada, elur-kota jaitsi egingo baita, eta ostiral goizaldetik aurrera 600 eta 700 metro artean kokatuko da elur-kota.
Zehazki, 14 makina prestatu dituzte Agoizko barrutian, Irurtzunen 10 eta Lizarran 4.
Iruñerako 3 makina ere prestatu dituzte, 2 Tafallan, 5 Mugairin, 6 Pirinioetako Autobidean (A-21) eta beste 4 Bideko Autobian (A-12).
Zure interesekoa izan daiteke
Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Aldakor eta nahasi dator astea
Astelehenetik asteazkenera euria egingo du tarteka. Ostegun eta ostiralean, berriz, eguzkia eta tenperatura goxoak izango dira nagusi. Asteburuan okertzera egingo du berriro, negu giroa itzuliko baita.
Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Euria bueltan da eta tenperaturek behera egingo dute
Giro nahasi eta ezegonkorra gutxienez asteburura arte mantenduko da.
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.
Astelehenetik asteazkenera, eguzkitsu eta epel joango da astea, eta ostegunetik aurrera, euritsu eta fresko
Udaberri giroa nagusituko da martxoko lehen egunetan, eta termometroa 16-20 ºC-ra helduko da. Aste bukaera hurbildu ahala, ezegonkortzera egingo du aroak, eta hala jarraituko du egun batzuetan, joeraren arabera.
Tenperaturak behera eta euria larunbatean, eguzkia eta hego haizea igandean
Larunbatean euria egingo du, baina egunak aurrera egin ahala atertzera egingo du. Igandeari begira, giro eguzkitsu eta epela nagusituko da.
Euria eta tenperatura freskoagoak izango dira asteburu hasieran
Ostiral eguerdian haizeak ipar-mendebaldetik joko du, hodeiak sartuko dira eta tenperaturak behera egingo du. Larunbat goibela izango da, eta iluntze partean atertzetzera egingo du. Igandean aroa eguzkitsua izango da eta tenperatura igoko da.
Arnaitz Fernandez: "Hotz errekorrak gero eta urriagoak dira, eta bero errekorrak, aldiz, gero eta ohikoagoak eta gogorragoak"
EITBko meteorologoaren arabera, "egoera planetako joera orokorraren ildokoa da". "Egia da Euskal Herrian sarritan izaten ditugula bat-bateko eguraldi aldaketak; baina gero eta beroaldi latz gehiago dago, muturreko hotz boladekin alderatuta", gehitu du Arnaitz Fernandezek.
Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.