120 km/h-tik gorako ufadak egon daitezkeela eta, alerta laranja iganderako Bizkaiko eta Gipuzkoako haizeguneetan
Nabigaziorako itsasaldeko arriskuagatik ere alerta laranja indarrean izango da. Zarautzen ez da Sagardo Egunik izango eta Donostian parkeak itxi dituzte. Getxon, krisi mahaia bilduko da igande honetan.
Olatuek gogor astindu dute gaur Donostian Haizearen Orrazia. Argazkia: Lazaro Gonzalez
Eusko Jaurlaritzako Segurtasun Sailak eguneratu egin du datozen egunetarako muturreko fenomenoen iragarpena, eta horiek ikusita, alerta laranja ezarriko du igandean Bizkaiko eta Gipuzkoako haizeguneetan 120 km/h baino gehiagoko boladak espero baitira. Haize gogorraz gain, Ingrid ekaitzak itsaso zakarra eragingo du, eta, hori dela eta, nabigaziorako alerta laranja ezarriko du biharko eta etzirako; izan ere, 5-6 metroko olatuak espero dira. Elur-arriskua dela eta, abisu horia egongo da indarrean EAEko barnealdean, baita olatuen inpaktuagatik kostaldean eta haizeagatik Araban.
Gaur, larunbatarekin, hiru abisu hori daude indarrean: bi, itsasaldeko arriskuagatik, eta bestea, elurragatik barnealdean. Gauerdiarekin batera aktibatu da itsasaldeko arriskuagatik ezarritako abisu horia (nabigaziorako, lehenengo bi milietan), eta egun osoan egongo da indarrean. 3-3,5 metroko olatuak izango dira, eta baita hortik gorakoak ere egunaren erdiko orduetan. Bestalde, 20:00ak eta 21:00ak bitartean, itsasgorarekin batera, olatuek kostaldean izan dezaketen inpaktua dela-eta, beste abisu hori bat egongo da aktibo. Elurragatik barnealdean ezarritako abisua 15:00etan sartuko da indarrean, gauerdira arte. Elur-kota 600-800 metro inguruan egongo da, eta azken orduetan, 900-1.000 metroan. Prezipitazio txiki-ertaina egingo du, sarriago eta ugariago isurialde atlantikoan. Trumoi-ekaitzak izan daitezke eta txingorra egin dezake, bereziki isurialde atlantikoan.
Igandean, okertzera egingo du aroak, eta bi alerta laranja ezarriko ditu Jaurlaritzak: haize zakarragatik bata eta itsasaldeko arriskuagatik bestea. Euskalmeten iragarpenaren arabera, eguerditik eguna amaitu arte, mendebaldeko haizeak gogor joko du eta ufadek 120 km/h-ko abiadura gaindi dezakete Bizkaiko eta Gipuzkoako haizeguneetan, bereziki kostaldean. Itsasoan ez da giro izango: lehen bi milietan alerta laranja egongo da indarrean 15:00etatik 24:00etara nabigaziorako. Olatuen altuera adierazgarria 5 metrokoa izango da arratsaldean, eta 6 metrora irits daiteke azken orduetan.
Elurragatik barnealdean (12:00-24:00), elur-kota 900-1.000 metrora jaitsiko baita, nabigaziorako itsasaldean (00:00-15:00) eta inpaktuagatik kostaldean (08:00-10:00 eta 20:00-22:00) itsasgora denean. Gainera, beste hiru jarriko dituzte indarrean: Arabako haizeguneetan haizeagatik, eta haizeguneak ez direnetan Bizkaian eta Gipuzkoan (12:00-24:00), 100 km/h-ko boladengatik, eta beste bat olatuengatik (15:00-24:00). Euskalmeten arabera, olatuen ezaugarrien eta mendebal-osagaiko haize zakarraren ondorioz, pasealeku eta malekoietan zipriztinak eta olatu-zaparrak izan daitezke.
Donostian, parkeak itxita
Donostiako parkeak eta Polloeko hilerria itxiko dituzte igande honetan, haize zakarra dela eta. Zehazki, sarrera debekatuta egongo da honako toki hauetan: Aieteko parkean (Kultur Etxea izan ezik), Cristina Enean, Miramarren, Urgullen, Serafin Barojan, Oroimenaren Parkean eta Polloen.
Gipuzkoan baita ere, ez da Sagardo Egunik izango Zarautzen, eta datorren astean iragarriko dute data berria.
Egoeraren jarraipen berezia Getxon
Testuinguru horretan, egoeraren jarraipen berezia egiteko krisi-mahaia batuko dute igande honetan Getxon (Bizkaia), eta zuhaitzak dauden eremuetatik ez ibiltzeko gomendatu dute; bereziki Zugatzarte pasealekutik eta Maximo Agirre kaletik, zuhaitz handiak daudelako. Aurreikuspenen arabera, Ereagako igogailuaren ohiko funtzionamenduan ere eragina izan lezake haizeak, eta zerbitzuan etenaldiak egon litezke, segurtasun arrazoiengatik.
Eguraldi kaxkarra astelehenerako
Itsasaldeko arriskuagatik nabigaziorako ezarritako alerta laranjak indarrean jarraituko du astelehenean (00:00-06:00), 5-6 metroko olatuak espero baitira. Haizeagatik Bizkaiko eta Gipuzkoako haizeguneetan abisu horia egongo da aktibo gauerditik 03:00ak arte, ufadek 100 km/h-ko abiadura gaindi dezaketelako. Olatuen zipriztinengatik ezarritako abisu horia ere gauerditik 06:00ak arte egongo da indarrean. Nabigazioari ezarritako alerta laranja abisu hori izango da 06:00etatik eguerdira arte. Olatuen altuera adierazgarria 3,5 metrokoa izango da.
Zure interesekoa izan daiteke
Ostarteak eta euria, astearen hasieran
Arratsaldetik aurrera hodeiak ugarituko dira eta euria egingo du. Asteartean, orduek aurrera egin ahala, hodeiak gutxitu eta ostarteak irekiko dira, eta arratsaldean zaparradak botatzeko arriskua txikiagoa izango da.
Aldakor eta nahasi dator astea
Astelehenetik asteazkenera euria egingo du tarteka. Ostegun eta ostiralean, berriz, eguzkia eta tenperatura goxoak izango dira nagusi. Asteburuan okertzera egingo du berriro, negu giroa itzuliko baita.
Abisu horia Bizkaian eta Gipuzkoan, prezipitazio iraunkorrengatik
Abisua egun osoan izango da indarrean, 60 litro/m2 baino gehiago pila daitezkeelako. Zerua lainotuta egongo da eta euria izango da protagonista; zaparradak ugariak izango dira. Gainera, iparraldeko haizea ibiliko da, bizi-bizi zenbait momentutan.
Euria bueltan da eta tenperaturek behera egingo dute
Giro nahasi eta ezegonkorra gutxienez asteburura arte mantenduko da.
Eguzkia nagusi asteazkenera arte; ostegunean, euria eta tenperaturek behera
Tenperaturak sasoi honetarako batezbestekoaren gainetik izango dira; kostaldean maximoak 20 ºC-ra irits daitezke.
Astelehenetik asteazkenera, eguzkitsu eta epel joango da astea, eta ostegunetik aurrera, euritsu eta fresko
Udaberri giroa nagusituko da martxoko lehen egunetan, eta termometroa 16-20 ºC-ra helduko da. Aste bukaera hurbildu ahala, ezegonkortzera egingo du aroak, eta hala jarraituko du egun batzuetan, joeraren arabera.
Tenperaturak behera eta euria larunbatean, eguzkia eta hego haizea igandean
Larunbatean euria egingo du, baina egunak aurrera egin ahala atertzera egingo du. Igandeari begira, giro eguzkitsu eta epela nagusituko da.
Euria eta tenperatura freskoagoak izango dira asteburu hasieran
Ostiral eguerdian haizeak ipar-mendebaldetik joko du, hodeiak sartuko dira eta tenperaturak behera egingo du. Larunbat goibela izango da, eta iluntze partean atertzetzera egingo du. Igandean aroa eguzkitsua izango da eta tenperatura igoko da.
Arnaitz Fernandez: "Hotz errekorrak gero eta urriagoak dira, eta bero errekorrak, aldiz, gero eta ohikoagoak eta gogorragoak"
EITBko meteorologoaren arabera, "egoera planetako joera orokorraren ildokoa da". "Egia da Euskal Herrian sarritan izaten ditugula bat-bateko eguraldi aldaketak; baina gero eta beroaldi latz gehiago dago, muturreko hotz boladekin alderatuta", gehitu du Arnaitz Fernandezek.
Aurreratu zaigu udaberria Euskal Herrian, eta 24 gradu arteko tenperaturak izango ditugu
Hego haizea nagusituko da, batez ere kantauri isurialdean, eta igoera termikoa erraztuko du.