Fronte batek lainoak eta zaparradak ekarriko ditu arratsaldetik aurrera
100 km/h-tik gorako haize-boladak eta 4 metrorainoko olatuak espero dira eta Eusko Jaurlaritzak abisu horiak aktibatuko ditu.
Eguna giro argi eta lehorrarekin hasi bada ere, euria egingo du arratsaldetik aurrera Euskal Herriko hainbat txokotan.
Euskalmeten iragarpenaren arabera, goizean eta eguerdian giro argia eta, oro har, eguzkitsua nagusituko da. Arratsaldetik aurrera, ordea, fronte batek zaparradak utziko ditu. Hego mendebaldeko haizeak gogor joko du goizean, baina arratsaldeak aurrera egin ahala, mendebaldera aldatuko da. Barnealdean ahultzera egingo du, baina kostaldean ufada gogorrak espero dira.
Gaur, Eusko Jaurlaritzako Segurtasun Sailak abisu horia aktibatuko du Araban, Bizkaian eta Gipuzkoan, 09:00etatik 18:00etara. Hego-mendebaldeko haize-boladek 100 km/h-ko abiaduran baino gogorrago joko dute haizeguneetan, bereziki mendebaldeko mendi inguruetan. Haize-begiak ez diren lekuetan, haize-boladak 60-80 km/h artekoak izan daitezke.
Aemet Espainiako Meteorologia Agentziak, bere aldetik, abisu horia ezarriko du Nafarroa iparraldean, 12:00etatik 19:00etara, 70 km/h-tik gorako haize boladak espero direlako.
Itsasaldeko arriskuagatiko abisu horia ere indarrean egongo da lehen bi milietan 21:00etatik gauerdira arte. Olatuen altuera adierazgarria 3,5 edo 4 metrotik gorakoa izango da.
Abisua ostegun osoan zehar luzatuko da, 5 metro inguruko olatuak altxatuko baitira.
Itsasgorak 05:45ean (4,8 metrokoa) eta 18:06an (4,47 metrokoa) izango dira, 05:00ak eta 07:00ak eta 17:00ak eta 19:00ak bitartean.
Ostegunean mendebaldeko haizeak gogor joko du oraindik, batez ere kostaldean. Tenperatura maximoek behera egingo dute nabarmen, bereziki ipar partean. Zerua lainotuta egongo da eta euria egingo du, bereziki iparraldean. Gainera, litekeena da trumoI-ekaitzak ere jotzea.
Zure interesekoa izan daiteke
Euskadik abisu horia aktibatuko du berriro: euriak baretzera egingo du, baina haizea dator
Asteazken honetan 100 km/h-tik gorako haize-boladak eta 4 metroko olatuak izango dira.
Noiz atertuko du?
Litekeena da arratsaldean euririk ez egitea, baina bihar beste ekaitz bat sartuko da. Baliteke Pedro izena hartzea, EITBko Eguraldiko gure lankideek jakinarazi dutenez.
Astearte goizera arte egongo da indarrean Bizkaian eta Gipuzkoan euriagatik ezarritako abisu horia
Etengabe egingo du euria, asko gainera, eta batez ere Kantauri isurialdean.
Euri-jasengatik abisu horia ezarriko dute berriro gauerditik aurrera Bizkaian, Gipuzkoan, Nafarroa iparraldean eta Ipar Euskal Herrian
Euskalmeten iragarpenaren arabera, metro koadroko 60 litrotik gora pilatuko dira 24 orduan. Nafarroan, metro koadroko 40 litro metatuko dira 12 orduan.
Larrialdi aurreko egoera ezarri dute Arga eta Elortz ibaietan, Iruñean, horien emaria dela eta
Nafarroa abisu horian dago gaur, larunbata, haizeteengatik, euriteengatik, elurteengatik eta luiziengatik. Ebroren ezkerraldeko ibaien emaria nabarmen haztea espero dute.
115 km/h-tik gorako ufadak neurtu dituzte Galean eta Urkiolan, eta metro koadroko 70 litrotik gora bildu dituzte Eskasen
15:00etan utzi dituzte bertan behera euriagatik eta haizeagatik EAEn ezarritako abisu horiak. Barnealdean eta Nafarroako Pirinioetan, abisupean jarraituko dute gauerdira arte, elurragatik. Itsas arriskuagatik ezarritako abisu horia ere egun osoan egongo da indarrean. Ipar Euskal Herria ere abisupean dago uholde arriskuagatik.
Euria, elurra, 100 km/h-tik gorako haize ufadak eta 4 metrorainoko olatuak utziko ditu Orianak larunbatean
Segurtasun Sailak abisu horiak ezarriko ditu prezipitazio eta haizeagatik larunbateko 12:00ak arte eta elurragatik 21:00ak arte. Itsas arriskuagatik ezarritako abisu horia ere larunbat osoan egongo da indarrean.
Uholde arriskuari aurre egiteko planaren larrialdi aurreko fasea ezarri dute Nafarroan
Zehazki, 15:00etan aktibatu dute larrialdi aurreko fase hau, prezipitazio handiak espero direlako Nafarroa iparraldean. Hori dela eta, jarraipen berezia egingo diote eguraldiari.
'Nils' ekaitzak ia 8 metroko olatuak eta 150 km/h-ko haize boladak utzi ditu kostaldean
Abisua ostiral honetako lehen ordura arte egongo da indarrean, nabigaziorako arriskuagatik eta kostaldeko inpaktuagatik. Haizeagatik ere ezarriko dira abisuak, batez ere kostaldean eta haizeguneetan. Donostian, haize bortitzak hogei gorabehera eragin ditu, adarrak bota eta edukiontziak mugitu baititu.