115 km/h-tik gorako ufadak neurtu dituzte Galean eta Urkiolan, eta metro koadroko 70 litrotik gora bildu dituzte Eskasen
15:00etan utzi dituzte bertan behera euriagatik eta haizeagatik EAEn ezarritako abisu horiak. Barnealdean eta Nafarroako Pirinioetan, abisupean jarraituko dute gauerdira arte, elurragatik. Itsas arriskuagatik ezarritako abisu horia ere egun osoan egongo da indarrean. Ipar Euskal Herria ere abisupean dago uholde arriskuagatik.
Bi lagun, Zumaian, euripean eta haize bolada gogorrei aurre eginez. Argazkia: Luis Mari Alkorta
Oriana ekaitzak gogor astindu du Euskal Herria, eta ia lurralde osoa abisupean egon da, euria, haizea, elurra edota itsasaldeko arriskua tarteko. 24 orduan 80 l/m2 euri pilatzea, kostaldean 110 km/h-ko haize-boladak izatea eta EAEko barnealdean eta Pirinioetan elur-kota 800 metroan kokatzea aurreikusi dute.
Eusko Jaurlaritzako Larrialdiei Aurre Egiteko eta Meteorologiako Zuzendaritzak 15:00etan utzi du bertan behera Bizkaian eta Gipuzkoan prezipitazio iraunkorrengatik jarritako abisu horia. Bi lurraldeak abisupean egon dira isurialde atlantikoko zenbait puntutan 24 orduan 60 l/m2 baino gehiago pilatuko zirelakoan. Arratsalde-gau partean, zaparradak gutxitzen joango dira, eta, horrenbestez, abisu horia desaktibatu dute.
Euskalmeten arabera, Eskaseko estazio meteorologikoan (Goizueta) metro koadroko 72 litro pilatu dira azken 24 orduetan. Bizkaian, Cerrojakoan (Karrantza) 64 litro bildu dituzte, eta Urkiolakoan (Abadiño), berriz, 62.
Hain justu, azken egunotako euriteen ondorioz, ibaiak gainezka datoz eta Nafarroa eta Ipar Euskal Herria abisu horipean daude, uholde arriskuagatik. Foru Erkidegoan uholde arriskuari aurre egiteko planaren larrialdi aurreko fasea ezarri dute, eta kezka iturri dira Arga eta Elortz ibaien emariak. Ipar Euskal Herrian, Aturri ibaia maila horian dago, eta Errobi, oraingoz, berdean.
Haize bolada zakarrak direla-eta ezarritako abisu horia ere 15:00ak arte izan da aktibo. Haizeguneetan, ipar ipar-mendebaldeko boladek 100 km/h-ko abiadura gainditu dute, eta haizeguneak ez diren lekuetan, berriz, 80 km/h-tik gorakoak neurtu dituzte.
Nafarroan, haizeagatik ezarritako abisuak 18:00ak arte egongo dira indarrean Foru Erkidegoko erdialdean, Pirinioetan eta Erriberan. 80 km/h-ko ufadak espero dira bertan.
Elurragatik ere abisu horia ezarri dute EAEko barnealdean 21:00ak arte. Elur-kota 800-1.000 metroan kokatuko da, eta Arabako ekialdean, beherago. 2 eta 15 zentimetroko arteko geruzak pilatuko dira 1.000 metroan, eta 600 metrotik behera ez du zurituko. Nafarroako Pirinioetan, gauerdira arte egongo da indarrean abisu horia, 900 metroan 5 zentimetro pilatu baitaitezke.
Azkenik, abisu horia izango da egun osoan nabigaziorako, itsasaldeko arriskuagatik. Aurreikuspenen arabera, olatuen altuera 3,5-4 metrotik gorakoa izango da.
Zure interesekoa izan daiteke
Euri kontuak oraindik, baina arratsaldean eta asteburuan atertzera egingo du
Gaur zaparrada gogorrak bota ditzake isurialde atlantikoan, bereziki Bizkaian, Gipuzkoan eta Ipar Euskal Herrian, eta abisu horia ezarriko dute. Larunbatean eta igandean, baliteke zaparrada trumoitsuak izatea.
Iritsi da euria Euskal Herrira
Mendebaldean eta kostaldean hasi dira lehen zaparradak goizean eta orduek aurrera egin ahala, Euskal Herri osora zabalduko da euria, tarteka trumoi-ekaitzek eta txingorrak lagunduta. Abisu horipean izango dira EAE, Ipar Euskal Herria eta Erribera.
Beroaren ostean, tenperaturak behera nabarmen asteburu osoan zehar
Ebro ibaiaren ardatza abisu horipean dago tenperatura altuengatik, eta ostegunean, berriz, eguraldi-aldaketa etorriko da: euria izango dugu protagonista eta tenperaturak behera egingo du.
Hodeiak eta euri pixka bat, aldaketaren aurretik
Asteazken lainotsuago baten ostean, euria eta tenperaturen jaitsiera izango dira protagonista ostegunetik aurrera.
Euria dator aste honen bigarren erdirako
"Eguraldia" tarteko aurkezle Xabier Casadok azaldu digunez, modeloek euria eta tenperatura jaitsiera iragartzen dituzte abuztuaren 20tik aurrera. Uda bero eta lehor honen ondoren, askok gustura hartuko duten albistea da hori. Hala ere, oraindik ezin da zehaztu non egingo duen euria eta zenbat botako duen.
Hodeiak kostaldean eta eguzkia barnealdean, astea hasteko
Asteartea eta asteazkena eguzkitsuak izango dira lurralde osoan, ostegunean tenperaturek behera egingo dute eta ostiralerako euria espero da.
Abisuak Hego Euskal Herrian larunbat honetan euriteak eta ekaitzak direla eta
Araban 17:00etatik gauerdira izango da abisu horia, eta Gipuzkoan, berriz, igandeko 00:00etatik 09:00etara. Nafarroan, alerta laranja izango da Erriberan eta abisu horia erdialdean, arratsaldean.
Abisu horia Euskadin eta Nafarroan, beroa eta ekaitzak direla eta
Euskadin, abisu horia izango da indarrean eguerditik aurrera tenperatura oso altuengatik; Nafarroan, berriz, beroagatik, euriagatik eta ekaitzengatik. Ipar Euskal Herrian, Meteo-Francek ekaitz elektrikoak izateko arriskuaz ohartarazi du.
Abisu horia ezarri dute ostegunera arte tenperatura altu eta oso altuengatik
Hurrengo hiru egunetan, maximoak 37º-koak izango dira Arabako hegoaldean, 35º-koak Kantauri barnealdean eta 31º-koak kostaldean.
Zer eguraldi izango dugu gaur?
Oro har, zeru oskarbiak espero ditugu gaurko; kostaldean behe-hodei batzuk espero dira, baina litekeena da eklipsearen ondoren sortzea, gauean zehar.