'Nils' ekaitzak ia 8 metroko olatuak eta 150 km/h-ko haize boladak utzi ditu kostaldean
Abisua ostiral honetako lehen ordura arte egongo da indarrean, nabigaziorako arriskuagatik eta kostaldeko inpaktuagatik. Haizeagatik ere ezarriko dira abisuak, batez ere kostaldean eta haizeguneetan. Donostian, haize bortitzak hogei gorabehera eragin ditu, adarrak bota eta edukiontziak mugitu baititu.
Nils depresioa dela eta, alerta laranja dago indarrean. 7,8 metroko altuerako olatuak neurtu dira.
Goizaldean oso bolada gogorrak izan dira: 150 km/h-koak Matxitxakon, 129 km/h-koak Jaizkibelen, 119,2 km/h-koak Oizen eta 94,9 km/h-koak Moredan. Haizeguneetan, batez ere kostaldean eta mendi inguruetan, 100-120 km/h-tik gorakoak izan daitezke, eta haize-begiak ez diren lekuetan, 80 km/h-tik gorakoak.
Ipar Euskal Herrian, ondorio larriak eragin ditu denboraleak, 15:00ak arte tren zerbitzua bertan behera utzi dute Hendaia eta Akize lotzen dituzten lineetan.
Agintariek kontu handiz ibiltzeko gomendatu dute, batez ere kostaldean eta haizeguneetan, haizeak adarrak, objektuak eta hiri-altzariak mugitu eta erortzea eragin baitezake.
Donostian, haize bortitzak hogei gorabehera eragin ditu, "batez ere trafikoan". Izan ere, edukiontziak, adarrak eta hesiak mugitu eta bota ditu, Donostiako Udalak jakinarazi duenez. Gainera, olatuengatik ezarritako alerta laranja ostiral honetako lehen ordura arte izango da indarrean.
Zure interesekoa izan daiteke
Beroak asteburuan jarraituko du, baina indar gutxiagorekin
Giroa egonkorra eta eguzkitsua izango da, zerua oskarbi egongo da, eta bero handia egingo du maiatzaren amaieran. Minimoak nahiko leunak izango dira asteburu osoan, eta 14 eta 19 ºC artean kokatuko dira herri gehienetan.
Errekorra maiatzeko tenperaturetan: 39,1 ºC neurtu dituzte Sopuertan
Maiatzean inoiz erregistratu diren tenperatura altuenak izan dira ostiral honetakoak. Euskal Herriaren mendebaldean izan da bero larriena, eta itzala bilatzea funtsezkoa izan da herritar askorentzat.
Uda sasoiko beroa Euskal Herrian: 35 graduko maximoak eta abisu horia Bizkaian eta Gipuzkoan
Larunbatean, ipar partean, beroa apur apur bat apaldu egingo da ipar-ekialdeko haizearen eraginez; barnealdean, berriz, bero egiten jarraituko du. Igandean, bero egingo du berriro, eta beroenak 30-35 graduren bueltan geldituko dira.
Beroa nagusitu da arratsaldean, Bizkaiko eta Gipuzkoako barnealdean bereziki, eta abisu horia ezarriko dute bihar
16:00etan, Sodupe-Cadagua (Gueñes) 36 °C-ra iritsi da, Zizurkil 35,1 °C-ra eta Muxika 35,1 °C-ra, 13:00etan ikusitako balioak nabarmen gaindituta. Datozen egunei begira, bero egiten jarraituko duela iragarri du Euskalmetek, gutxienez, datorren asteazkenera arte.
Eguzkia, beroa eta 30 gradutik gorako tenperaturak
Ostiralean ere zerua oskarbi egongo da eta tenperatura maximoak 30-35 artekoak izango dira.
Udaberria bueltan da Euskal Herrian, eta ostegunetik aurrera 30 graduen bueltan ibiliko dira termometroak
Astelehen eta asteartean tenperaturak gora egingo du, apurka, eta hodeiak egongo dira.
Bueltan da udaberria
Etzidamu iritsiko da aldaketa nabarmenena. Egun eguzkitsua eta beroa izango da asteazkenekoa, baita ostegunekoa eta ostiralekoa ere. Barnealdean, 30 graduak gaindituko dituzte termometroek.
Abuztuko eguzki-eklipse osoan murgilduta, errealitate birtualari esker
2026ko abuztuaren 12an eguzki-eklipse oso bat ikusiko da Euskal Herrian, eta Eguraldia barruan murgildu da errealitate birtualari esker. Hau da horrelako sei bideoetatik lehenengoa.. 114 urteren ondoren, minutu batetik gorako erabateko iluntasuna izango da, eta Eguzkiaren koroa ikusteko aukera egongo da. 19:30 inguruan hasiko da, baina 20:30 baino lehen izango da une gorena. Euskal Herria izango da ikusteko lekurik onenetarikoa.
Elurra egin du Aralarren, maiatzean
Txomin Rezolak eta David Aznarezek Aralarren maiatzaren 15ean grabatutako irudiak.
Udazken giroa eta euria barra-barra izango dira nagusi ostiral honetan
Eusko Jaurlaritzako Segurtasun Sailak abisu horia aktibatu du Bizkaian eta Gipuzkoan prezipitazio iraunkorrengatik, 24 ordutan metro koadroko 60 litro baino gehiago pila daitezkeelako.